అవునూ, ఇంతకీ ఈ ‘తెలుగు గజల్ శ్రీనివాస్’ పాత కేసు ఏమైనట్టు..?!

.

ప్రపంచ తెలుగు మహా సభల్లో గజల్ శ్రీనివాస్ (కేసిరాజు శ్రీనివాస్) మాట …. “ఏపీకి వస్తే చంద్రబాబును కలిసే ఛాన్స్ ఉందా..?” అని మారిషస్ దేశ అధ్యక్షుడే అడిగారు…

ఇది చదివాక నవ్వొచ్చింది… సరే, చంద్రబాబు మీడియా, తన కరుణ కోసం వెంపర్లాడే బాపతు కీర్తనలు, భజనల తీరు తెలిసిందే కదా… ఐతే ఇక్కడ తలెత్తిన ప్రశ్న ఏమిటంటే..? ఏళ్లుగా కనుమరుగైన గజల్ శ్రీనివాస్ హఠాత్తుగా… అదీ ప్రపంచ తెలుగు మహాసభ మహా నిర్వాహకుడిగా అవతారం ఎత్తాడు… సర్‌ప్రయిజ్…

ఏమయ్యాడు ఇన్నేళ్లు అనే ప్రశ్నకు జవాబు అందరికీ తెలుసు… ఓ మహిళపై లైంగిక వేధింపుల కేసులో అరెస్టయ్యాడు… బహుశా మూడు వారాలు జైలులో కూడా ఉన్నాడు… తెలుగు విచిత్ర గజళ్ల గానంతో పాపులరైన తను మళ్లీ తెర మీదకు రాలేదు… (

మాడుగుల నాగఫణి శర్మకే ఈ ‘వేధింపుల బురద’ తప్పలేదు, ఈ శ్రీనివాస్ ఎంత అంటారా..? సరే గానీ, ఇంతకీ ఆ కేసు ఏమిటి..? ఏమైంది..? ఏకంగా ప్రపంచ తెలుగు మహాసభలపై మెరుస్తున్నాడు… ఇప్పుడిక కళంకరహితుడైపోయాడా..? ఇదే ప్రశ్న ఓ ఎఐ ప్లాట్‌ఫామ్‌ను అడిగితే ఇలా చెప్పింది…

2018 నాటి ఆ వేధింపుల కేసు ఏమైంది?

2018 జనవరిలో గజల్ శ్రీనివాస్‌పై ఆయన దగ్గర పనిచేసే ఒక రేడియో జాకీ ఫిర్యాదు చేయడంతో హైదరాబాద్‌లోని పంజాగుట్ట పోలీసులు ఆయనను అరెస్ట్ చేసిన సంగతి తెలిసిందే…

• ఆరోపణలు…: తను నగ్నంగా ఉన్నప్పుడు మసాజ్ చేయాలని ఒత్తిడి చేయడం, లైంగికంగా వేధించడం వంటి తీవ్రమైన ఆరోపణలు వచ్చాయి… దీనికి సంబంధించి కొన్ని వీడియోలు కూడా అప్పట్లో సంచలనం సృష్టించాయి…

• సెక్షన్లు…: ఆయనపై ఐపీసీ సెక్షన్ 354 (మహిళా గౌరవానికి భంగం కలిగించడం), 354A (లైంగిక వేధింపులు), 509 కింద కేసులు నమోదయ్యాయి…

• ప్రస్తుత స్థితి…: సుమారు మూడు వారాల జైలు శిక్ష తర్వాత ఆయన బెయిల్‌పై విడుదలయ్యాడు… ఈ కేసు భారత న్యాయవ్యవస్థలో ఇంకా విచారణ దశలోనే ఉంది… ఆయనకు శిక్ష పడినట్లు గానీ, లేదా క్లీన్ చిట్ వచ్చినట్లు గానీ అధికారికంగా ఎలాంటి సమాచారం లేదు…

2026 ప్రపంచ తెలుగు మహాసభల నిర్వహణ

అనేక వివాదాలు ఉన్నప్పటికీ, ఇటీవల గజల్ శ్రీనివాస్ మళ్ళీ సామాజిక, సాంస్కృతిక వేదికలపై చురుగ్గా కనిపిస్తున్నారు…

• ప్రస్తుతం ఆయన ఆంధ్ర సారస్వత పరిషత్ అధ్యక్షుడిగా గుంటూరులో (జనవరి 3 – 5, 2026) 3వ ప్రపంచ తెలుగు మహాసభలను నిర్వహించాడు…

• ప్రముఖుల రాక…: ఈ సభలకు సుప్రీంకోర్టు న్యాయమూర్తి జస్టిస్ పమిడిఘంటం శ్రీనరసింహ, మారిషస్ అధ్యక్షుడు ధరమ్ బీర్ గోకుల్, ఏపీ ముఖ్యమంత్రి చంద్రబాబు నాయుడు, మాజీ ఉపరాష్ట్రపతి వెంకయ్యనాయుడు వంటి ప్రముఖులు హాజరవడం గమనార్హం…

• భవిష్యత్తు ప్రణాళిక…: వచ్చే 2027లో 4వ ప్రపంచ తెలుగు మహాసభలను మారిషస్‌లో నిర్వహించేందుకు కూడా ఆయన ఒప్పందాలు చేసుకున్నాడు…

ముగింపు…. గతంలో తనపై వచ్చిన ఆరోపణలను గజల్ శ్రీనివాస్ కొట్టిపారేస్తూ, అవి కేవలం “ఫిజియోథెరపీ” వీడియోలని వాదించాడు… చట్టపరంగా ఇంకా తుది తీర్పు రాకముందే, ఆయన మళ్ళీ ఇంతటి భారీ స్థాయి సాంస్కృతిక కార్యక్రమాలకు నేతృత్వం వహించడంపై సామాజిక మాధ్యమాల్లో భిన్నాభిప్రాయాలు వ్యక్తమవుతున్నాయి….