ఆ చైనా ఇనుప గోడల వెనుక ఏదో కుట్ర..! ఎవరికి స్పాట్ పెట్టారు..?!

జింగ్పింగ్ శాశ్వత అధ్యక్షుడుగా మరోసారి ఎన్నిక జరగాల్సింది మరో వారం రోజుల్లో. ఇది కేవలం తూతూ మంత్రం సాంప్రదాయం మాత్రమే. బ్రతికి ఉన్నంత వరకు చైనాకి జింగ్పింగ్ అధ్యక్షుడుగా కొనసాగుతాడు అని నాలుగేళ్ల క్రితమే నిర్ణయం తీసుకుంది చైనా కమ్యూనిస్ట్ పార్టీ. కాబట్టి మరో వారం రోజుల్లో జరగబోయే ఎన్నిక ఒక ఫార్మాలిటీ తప్పితే దానికి ఏమంత ప్రాముఖ్యత ఉండదు. ఆఫ్కోర్స్ ఎవరన్నా ఎదురు తిరిగితే తప్పితే !

చైనాలో సైనిక కుట్ర జరిగింది అని లేదా జరగబోతున్నది అని కొన్ని వార్తలు వెలువడుతున్న నేపధ్యంలో గత నాలుగు రోజులుగా చైనాలో జరిగిన లేదా జరుగుతున్న సంఘటనలని ఒకసారి తెలుసుకుంటే సైనిక కుట్ర వార్త నిజమా కాదా అన్నది తెలిసిపోతుంది.

చైనా అధ్యక్షుడు జింగ్పింగ్ మీద ప్రజలలో మరియు సైన్యంలో అసంతృప్తి ఉన్నది అన్నది వాస్తవం! చైనా, రష్యా లాంటి దేశాలలో రాజకీయ అసంతృప్తులని తీవ్రంగా అణిచివేస్తారు అని చరిత్ర చెప్తున్నది. గతంలోలాగా ఇప్పుడు నేరుగా రాజకీయ అసంతృప్తుల మీద దాడి చేయడం లాంటివి చేయడం లేదు రష్యాలో కానీ చైనాలో కానీ. చైనాలో అయితే ప్రభుత్వ వ్యతిరేక కార్యకలాపాలకి పాల్పడుతున్నారు అంటూ ఏకంగా కోర్టులో దోషిగా నిలబెట్టి ఎక్కువ రోజులు జాప్యం చేయకుండా మరణ శిక్ష అమలుచేస్తారు. అదే రష్యాలో అయితే సైన్యానికి చెందిన వాళ్ళని రహస్యంగా విచారించి శిక్ష అమలుచేస్తారు, అది బయట ప్రపంచానికి తెలియదు. అదే రాజకీయ ప్రత్యర్ధి అయితే ఆహారాన్ని విషతుల్యం చేసి శారీరకంగా,మానసికంగా బలహీనుడిని చేస్తారు.

దాదాపుగా వంద సంవత్సరాల క్రితమే అప్పటి సోవియట్ శాస్త్రవేత్తలు వివిధ రకాల విష రసాయనాలని వాడుకలోకి తెచ్చారు. ద్రవ, ఘన పదార్ధాలలో విషాన్ని కొద్ది మోతాదులో కలిపితే చాలు అది తిన్న, త్రాగిన వాళ్ళు క్రమంగా బలహీన పడిపోయి చనిపోతారు. ఎలాంటి క్లినికల్ టెస్ట్ లలో కూడా విష పదార్ధ ఆనవాళ్ళు కనపడవు. చనిపోయిన తరువాత పోస్ట్ మార్టంలో కూడా ఎలాంటి ఆనవాళ్ళు దొరకవు. వైద్యపరంగా బాగా అభివృద్ధి చెందిన జర్మనీ, అమెరికా లాంటి దేశాలలో కూడా రష్యా విష రసాయనాలని కనిపెట్టలేరు.

రెండేళ్ల క్రితం రష్యా అధ్యక్షుడు వ్లాదిమిర్ పుతిన్ కి వ్యతిరేకంగా తిరుగుబాటు చేసిన రాజకీయ నాయకుడు అలెక్సీ నావల్ని [Alexei Navalny] మీద డ్రగ్ ప్రయోగించి అతనిని నిర్వీర్యం చేశాడు పుతిన్. పుతిన్ కి వ్యతిరేకంగా ఒక ఆయుధంగా అలెక్సీ నావల్నిని వాడుకోవాలి అని భావించి, అతడిని జర్మనీ రప్పించి, అత్యాధునిక పద్ధతులలో పరీక్షలు నిర్వహించింది అక్కడి వైద్య బృందం… కానీ ఎలాంటి ఆధారం దొరకలేదు… అయితే నానాటికీ క్షీణించిపోవడం పోవడం మొదలుపెట్టాడు అలెక్సీ నావాల్నీ. పిచ్చిగా మాట్లాడడం మళ్ళీ అంతలోనే బాగా మాట్లాడడం లాంటివి చేస్తున్నాడు అలెక్సీ నావాల్నీ … పుతిన్ మాత్రం నిశ్శబ్దంగా తన మీద నావాల్నీ చేస్తున్న ఆరోపణలని వింటూ వచ్చాడు తప్పితే పెద్దగా స్పందించింది లేదు, అలా అని ఊరికే కూర్చోలేదు. తన భాండాగారంలో ఉన్న దాదాపు 100 రకాల విష పదార్ధాలలో ఒక దానిని రహస్యంగా అలెక్సీ నావల్నీ మీద ప్రయోగించాడు…

అలెక్సీ నావల్నీ ఏమయ్యాడు ?

మార్చి, 2022 లో అలెక్సీ నావల్నీ మీద దేశ ద్రోహం, ఫ్రాడ్, కోర్టు ధిక్కరణ కేసులు పెట్టి 9 ఏళ్లు జైలు శిక్ష పడేట్లు చేశాడు పుతిన్. ప్రస్తుతం జైల్లో ఉన్నాడు అలెక్సీ నావల్నీ. దాదాపుగా పుతిన్ ని అధ్యక్ష పీఠం నుండి దించగల సత్తా ఉన్న నాయకుడిగా గుర్తింపబడ్డ అలెక్సీ నావల్నీ రాజకీయ జీవితం ముగిసిపోయినట్లే. 9 ఏళ్ల జైలు జీవితం గడిపి బయటికి వచ్చినా ఆరోగ్యంగా ఉండలేడు అలెక్సీ. అయితే రష్యన్ సమాజంలో అలెక్సీ నావల్నీకి మంచి ఆదరణ ఉన్నది ఇప్పటికీ… కానీ అతని జీవితం ముగిసినట్లే… అలాక్సీ నావల్నీ మీద జరిపిన విష ప్రయోగం సాకుగా చూపించి పుతిన్ ని అధ్యక్షపీఠం నుండి దించాలని చూసిన అమెరికా, యూరోపు దేశాలకి నిరాశ ఎదురయ్యింది… దాంతో మెల్లగా ఉక్రెయిన్ జెలెన్స్కీ ని దువ్వారు, విజయం సాధించారు…

రాజకీయ,సైనిక ప్రత్యర్ధుల మీద ప్రయోగించడానికి చైనా కూడా పలు రకాల విష పదార్ధాలని సిద్ధం చేసుకొని చాలా కాలం అయ్యింది. కానీ ఇప్పటి వరకు ఎవరి మీద ప్రయోగించిన దాఖలాలు లేవు …అలా అని రష్యా దగ్గర ఉన్నన్ని వివిధ రకాల ద్రవ, ఘన, వాయు విష పదార్ధాలు చైనా దగ్గర లేవు. కాబట్టి నేరుగా కోర్టులో విచారణ ముగించి శిక్షలు పడేట్లుగా చేస్తున్నాడు జింగ్పింగ్.

********************************************************************************

ప్రస్తుత ఊహాగానాలకి కారణం అయితే ఉంది !

మాజీ సైనిక అధికారి మరియు సున్ లిజిన్ [Sun Lijin] జింగ్పింగ్ శాశ్వత అధ్యక్ష పదవి మీద తిరుగుబాటు చేశాడు. సున్ లిజిన్ చైనా ప్రభుత్వంలోని వైస్ మినిస్టర్, పబ్లిక్ సెక్యూరిటీ గా పనిచేశాడు గతంలో. జింగ్ పింగ్ షాంఘై కోఆపరేషన్ ఆర్గనైజేషన్ [SCO] సమావేశం కోసం సమరఖండ్ [ఉబ్జెకిస్తాన్ ]వెళ్ళిన సందర్భంలో సున్ లిజిన్ జింగ్పింగ్ మీద తీవ్ర ఆరోపణలు చేయడమే కాదు, అధ్యక్ష స్థానం నుండి వైదొలిగిపోవాలి అంటూ డిమాండ్ చేశాడు.

SCO నుండి తిరిగి బీజింగ్ రాగానే జింగ్పింగ్ సున్ లిజిన్ మీద విచారణకి ఆదేశించాడు. కోర్టు సన్ లిజిన్ కి మరణ శిక్ష విధించింది. కానీ తరువాత ఏమయిందో ఏమో కానీ మరణ శిక్షని కాస్తా రెండేళ్ల జైలు శిక్ష కింద మార్చింది కోర్టు. ఇలా ఎందుకు జరిగింది అనేదే ప్రశ్న! మరణ శిక్ష వేసిన తరువాత దానిని యావత్ జీవిత కారాగార శిక్ష కింద మారుస్తారు సాధారణంగా… అలాంటిది రెండేళ్ల శిక్ష కిందకి మార్చడం మీద సందేహాలు, ఊహాగానాలు మొదలయ్యాయి.

చైనాలో తిరుగుబాటు సాధ్యమా ?

చాలా చాలా కష్టమయిన పని అది. దేశం మొత్తం ప్రజల తిరుగుబాటు జరగాలి, కానీ దానిని ఎలా తొక్కి వేయాలో CPC కి బాగా తెలుసు తీయానన్ స్క్వేర్ సంఘటన ఒక ఉదాహరణగా చెప్పుకోవచ్చు. ప్రజలతో పాటు సైన్యం కూడా తిరుగుబాటు చేస్తేనే అది చారిత్రాత్మకం అవుతుంది.

ప్రజలలో అసంతృప్తి లేదా?

జీరో కోవిడ్ పాలసీ ని జింగ్పింగ్ అమలుచేసిన, ఇంకా అమలుచేస్తున్న తీరు మీద ప్రజలలో తీవ్ర అసంతృప్తి ఉన్నది అన్నది నిజం. తమని జంతువుల కంటే హీనంగా చూస్తున్నాడు జింగ్ పింగ్ అని ప్రజలు భావిస్తున్నారు. అలా అని బహిరంగంగా బయటికి చెప్పలేకపోతున్నారు.

గతంలోలాగా బాంకింగ్ రంగ కుంభకోణాల్ని మూడు నెలలలోపు పరిష్కరించలేకపోతున్నది జింగ్ పింగ్ ప్రభుత్వం. రెండు నెలల క్రితం వెలుగు చూసిన అతి పెద్ద బాంకింగ్ కుంభకోణం విషయంలో ఇంతవరకు బాధితులకి డబ్బు తిరిగి ఇవ్వలేదు సరికదా గట్టిగా అడిగితే జైళ్ళలో పెడుతున్నాడు జింగ్పింగ్. ప్రజల ఆదాయం పడిపోవడంతో పాటు బ్యాంకింగ్ రంగ కుంభకోణం మరింత కుంగదీసింది కొంత మంది ప్రజలని.

భారత్ తో కానీ, తైవాన్ తో కానీ యుద్ధం చేయడం కొంత మంది సైనిక అధికారులకి ఏ మాత్రం ఇష్టం లేదు, కానీ ఎవరూ బయటపడడం లేదు. రష్యన్ సైన్యంలో ఎలా అయితే తోటి ఉక్రెయిన్ మీద యుద్ధం చేయడం ఇష్టం లేని వారు ఉన్నారో అలానే తైవాన్ మీద యుద్ధం చేయడం ఇష్టం లేని చైనా సైనిక అధికారులు కూడా ఉన్నారు. ఒకవేళ తైవాన్ తో యుద్ధం అంటూ చేయాలి అని ఆదేశాలు వస్తే మాత్రం సైన్యంలోని లుకలుకలు బయటపడవచ్చు. ఇలాంటి సందర్భం ఏర్పడితేనే జింగ్ పింగ్ కి పదవీ గండం ఉంటుంది.

అలా అని సైన్యంలోనే కాదు ఇతర సైనిక పరమయిన రంగాలలో కూడా ఉన్నత పదవిలో ఉన్న అధికారులు జింగ్ పింగ్ మీద అసంతృప్తితో ఉన్నారు అనేకంటే తీవ్ర వ్యతిరేకతతో ఉన్నారు అంటే సబబుగా ఉంటుంది.

నమ్మిన బంట్లకూ తప్పదు… 

రెండు రోజుల క్రితం మాజీ న్యాయశాఖ మంత్రి అయిన ఫు జెంగ్వా[Justice Minister Fu Zhenghua] మీద కూడా అవినీతి ఆరోపణలతో విచారణ చేసి జీవితకాల జైలు శిక్ష వేయించాడు జింగ్ పింగ్. సున్ లిజిన్ మరియు ఫు జెంగ్వాలు ఇద్దరు కూడా ఒకప్పుడు జింగ్ పింగ్ కి నమ్మిన బంట్లు… పార్టీలో కానీ రహస్యంగా జింగ్ పింగ్ కి వ్యతిరేకంగా గ్రూపులు తయారుచేస్తున్నారు అనే ఆరోపణలతో ఇద్దరినీ జైళ్లపాలు చేశాడు జింగ్పింగ్ ! అయితే ఇంకా చాలా మంది జింగ్ పింగ్ కి వ్యతిరేకంగా ఉండి ఉండవచ్చు అనే భయంతో యుద్ధ టాంకులని బీజింగ్ లోకి తరలించాడు జింగ్ పింగ్… అది కాస్తా వైరల్ అయిపోయి ఏదో జరుగుతున్నది అనే పుకార్లు ముందు హాంకాంగ్ నుండి బయటికి వచ్చాయి.

అలా అని అంతా బాగానే ఉంది చైనాలో అని చెప్పడానికి అవకాశాలు లేవు కూడా ! ఎప్పుడు ఏదయినా జరగవచ్చు ఎందుకంటే చైనాలో అంతా రహస్యంగానే జరుగుతుంటాయి. బయటికి వచ్చేవి 2% మాత్రమే!

2019 లో వుహాన్ నగరంలో కోవిడ్ బయటపడగానే జింగ్ పింగ్ మొదట తన తరుపున వుహాన్ నగరానికి పంపించింది su లిజన్ నే ! కానీ సున్ లిజిన్ మాత్రం వుహాన్ ఇన్స్టిటిట్యూట్ ఆఫ్ వైరస్ నుండి అత్యంత కీలక రహస్య ఫైళ్ళ ని దొంగిలించి దాచిపెట్టాడు అనే ఆరోపణలు కూడా వచ్చాయి అప్పట్లో. అంటే కోవిడ్ అనేది వుహాన్ లో ప్రయోగాల సందర్భంగా బయటకి వచ్చింది అనేది సున్ లిజిన్ కి తెలుసు.

ఇప్పటికే సున్ లిజిన్ వుహాన్ లాబ్ లోని రహస్య సమాచారాన్ని అమెరికాకి ఇచ్చి వుండవచ్చు అనే అనుమానాలు చైనా కమ్యూనిస్ట్ పార్టీ పెద్దలలో ఉండి ఉండవచ్చు కాబట్టి మరణ శిక్ష వేస్తే, దానిని సాకుగా చూపించి, అమెరికా సున్ లిజిన్ ఇచ్చిన రహస్య ఫైళ్ళ ని బయటపెట్టి ఇరుకున పెట్టవచ్చు. అందుకని ముందు మరణశిక్ష వేసి తరువాత దానిని రెండేళ్ల జైలు శిక్ష కింద మార్చడం కేవలం వుహాన్ భయం వల్లనే. వచ్చే అక్టోబర్ నెల 16న చైనా కమ్యూనిస్ట్ పార్టీ సమావేశంలో మూడోసారి అధ్యక్షుడిగా జింగ్ పింగ్ ని మళ్ళీ ఎన్నుకుంటుంది, కానీ ఈ లోపల ఏదయినా జరగవచ్చు అనే అంటున్నారు పరిశీలకులు…..