.
అమెరికా అధ్యక్షుడు డొనాల్డ్ ట్రంప్, రష్యా అధ్యక్షుడు వ్లాదిమిర్ పుతిన్ మధ్య అలాస్కాలో జరిగిన సమావేశానికి సంబంధించిన అనేక ఇతరత్రా విషయాలు కూడా నెమ్మదిగా వెలుగులోకి వస్తున్నాయి…
పుతిన్ ఓ మాజీ గూఢచారి… ప్రచ్ఛన్న యుద్ధం కాలం నుంచీ రష్యా, అమెరికా వంటి దేశాల అధ్యక్షుల వ్యక్తిగత విషయాల్ని కూడా రహస్యంగా ఉంచేవాళ్లు… భద్రత కోణంలో చాలా జాగ్రత్తలు తీసుకునేవాళ్లు… ఇప్పటికీ పుతిన్ తన భద్రతలో ఎలాంటి లోపాలను అనుమతించడు… విశేష జాగ్రత్తలు తీసుకోబడతాయి…
Ads
తను ఎక్కడికి వెళ్లినా, తన రక్షణ బృందమే కాదు… తన వ్యక్తిగత ఆరోగ్యం, అలవాట్ల గురించి కూడా లీక్ కానివ్వరు… ఈ కోణంలో అతని బృందం అన్ని విధాలుగా సిద్ధంగా ఉంటుంది…
ఇటీవల అలాస్కాలో జరిగిన సమావేశంలో, పుతిన్ అంగరక్షకుడి వద్ద ఒక సూట్‌కేస్ కూడా ఉంది… నిజానికి, ఇది ‘పూప్ సూట్‌కేస్’, ఇది పుతిన్ మలం సేకరించడానికి ఉద్దేశించబడింది… సాధారణంగా ఇది నాయకుడి భద్రతను దృష్టిలో ఉంచుకుని జరుగుతుంది…
పూప్ సూట్‌కేస్ అంటే ఏమిటి?
పుతిన్ తన దేశం వెలుపలికి వెళ్ళినప్పుడు, అతని భద్రతను, వ్యక్తిగత గోప్యత సంబంధ విషయాల్ని పూర్తిగా ఫెడరల్ గార్డ్ సర్వీస్ చూసుకుంటుంది.., ఎందుకంటే, ఒక చిన్న పొరపాటు కూడా అతని భద్రతకు ముప్పు కలిగిస్తుంది…
మీడియా నివేదికల ప్రకారం.., అలాస్కాలో ట్రంప్, పుతిన్ మధ్య జరిగిన సమావేశం సందర్భంగా.., రష్యా అధ్యక్షుడి భద్రత కోసం ఒక పూప్ సూట్‌కేస్‌ను తీసుకువచ్చారు… ఈ సూట్‌కేస్ పుతిన్ మలం సేకరించడానికి ఉపయోగించబడింది… అతని మలం ద్వారా అతని ఆరోగ్య సమస్యల గురించి ఎవరూ తెలుసుకోకుండా ఉండటానికి ఈ ఏర్పాటు.., ఎందుకంటే ఏదైనా చిన్న సమాచారం కూడా రష్యాకు ముప్పుగా మారవచ్చు కాబట్టి…
ప్రత్యేక టాయిలెట్లు వాడతారు...
అధ్యక్షుడు పుతిన్ భద్రత కోసం గతంలో కూడా ఇలాంటి చర్యలు తీసుకున్నారు. ANI మీడియా కథనాల ప్రకారం…, ఫ్రాన్స్, వియన్నా పర్యటనల సమయంలో కూడా ఇలాంటి భద్రత కనిపించింది… పుతిన్ 2017లో ఫ్రాన్స్ పర్యటనకు వెళ్లారు… ఇతర దేశాలు తన మలం ద్వారా తన ఆరోగ్య రహస్యాలు గూఢచారులు తెలుసుకుని, వాటి ఆధారంగా తనకు హాని కలిగించే ప్రమాదం ఉందనే భావనతో… పూప్ సూట్‌కేసులే కాదు, దీనితో పాటు, పుతిన్ వియన్నా పర్యటనకు వెళ్లినప్పుడు, పోర్టబుల్ టాయిలెట్లను కూడా ఆయన కోసం ఉపయోగించారు…
ఇది ఒక ప్రదేశం నుండి మరొక ప్రదేశానికి తీసుకెళ్లగలిగే టాయిలెట్… పర్యటనల తర్వాత, పుతిన్ సందర్శించే దేశంలో అతనికి సంబంధించిన ఒక్క వస్తువు కూడా ఉండదని చెప్పవచ్చు… అతని మలం కూడా రష్యాకు తిరిగి తీసుకురాబడుతుంది…
Share this Article