కామెడీ స్టార్స్ కథ మారుతోందా..? ఎక్సట్రా జబర్దస్త్‌ షోకు ఎదురుగాలి..?

మాటీవీలో కామెడీ స్టార్స్ అని ఈటీవీ జబర్దస్త్‌కు పోటీగా ఓ కామెడీ షో వస్తుంది తెలుసు కదా… ఏం చేసినా సరే, రేటింగ్స్‌లో అది లేవడం లేదు, నానాటికీ పడిపోతోంది… డబ్బు దండుగ యవ్వారం అయిపోతోంది… దాంతో ఖాళీగా ఉన్న నాగబాబును కన్విన్స్ చేసి ఈ షో కోసం పట్టుకొచ్చారు… మరి ఆయన వస్తే కొన్ని మార్పులుంటయ్, చేర్పులుంటయ్, ఆయన రాగద్వేషాలుంటయ్… కథ వేరే ఉంటుంది కదా… వచ్చాడు… అప్పట్లో ఈటీవీ జబర్దస్త్‌ నుంచి డైరెక్టర్లు నితిన్, భరత్‌లను తనతోపాటు జీటీవీకి తెచ్చాడు కదా… కానీ అందులో అదిరింది కామెడీ షో ఫ్లాప్ అయిపోయింది కదా… ఇప్పుడు మాటీవీలోకి తీసుకొచ్చాడు నాగబాబు తనతోపాటు…

ఈ కామెడీ స్టార్స్ నిర్మాత ఓంకార్… చేతులు కాలుతుండటంతో ఇక నాగబాబు చెప్పిన మార్పులన్నీ చేసేస్తున్నాడు…షో పేరు మార్చారు.. ముందుగా హోస్ట్ శ్రీముఖిని తీసిపారేశారు… ఆ ప్లేసులోకి ఇప్పుడు దీపిక పిల్లిని తీసుకొచ్చారు… జడ్జిగా ఉన్న మాజీ నటి శ్రీదేవిని తీసేశారు… ఇప్పుడు తాజా ప్రోమోలో శేఖర్ మాస్టర్ కూడా కనిపించడం లేదు… పూర్ణను తెచ్చి పెట్టారు… టెంపరరీ గెస్ట్ జడ్జిగా వచ్చిందా..? మొత్తానికే ఫుల్ టైం జడ్జిగా పెట్టారా..? ఎలాగూ ఆమెను ఈటీవీ ఢీ షో నుంచి తీసేశాక, వేరే టీవీ ప్రోగ్రామ్స్ ఏమీ లేవు కదా ఆమెకు… సో, ఆ ఢీ నుంచి దీపిక, పూర్ణ ఇక్కడ అడ్జస్టవుతున్నారా..?

శ్యాంప్రసాదరెడ్డి వదులుకున్న సీనియర్ హ్యాండ్ అదిరె అభి కూడా ఈ కామెడీ స్టార్స్ టీంలోకి వచ్చేశాడు… నాగబాబు కో-ఆపరేట్ చేసినట్టున్నాడు… అలాగే కొన్నాళ్లు టీవీకి దూరంగా ఉన్న ఆర్పీ అనే కమెడియన్ కూడా నాగబాబు ద్వారా ఈ కామెడీ స్టార్స్ గ్రూపులో వచ్చి చేరాడు… మొత్తానికి పాత ఈటీవీ జబర్దస్త్, పటాస్ బ్యాచ్ అంతా మళ్లీ ఒక్కచోట కలుస్తున్నారు… ఆ బిగ్‌బాస్ లేడీ కంటెస్టెంట్ల ఓవరాక్షన్ కనిపిస్తుండేది… ఇప్పుడందరూ మొహాలు చాటేశారు… ఆ అవినాష్, కొత్తగా ప్రియాంక మాత్రం కనిపిస్తున్నారు… అంతే…

అదిరె అభి తాజాగా వెళ్లిపోయాడు… జబర్దస్త్‌కు ఇప్పుడు కమెడియన్ల కొరత… తాజాగా రోహిణికి ఓ టీం అప్పగించారు… ఆమె బాగానే చేస్తుంది గానీ టీం సెట్ కాలేదు ఇంకా… ఫైమా వచ్చాక బుల్లెట్ భాస్కర్ టీం కాస్త పర్లేదు… ఈ జనవరి నెలాఖరుతో ఈ షోకు సంబంధించి సుడిగాలి సుధీర్ అగ్రిమెంట్ గడువు పూర్తి కానుందనీ, తను ఉంటాడా, వెళ్లిపోతాడా తెలియడం లేదంటున్నారు… ఎందుకంటే తనకు పొగపెడుతున్నారు… ఢీ షో నుంచి రష్మితోపాటు తననూ తీసేశారు… పండుగ ప్రత్యేక షోల నుంచీ తప్పిస్తున్నారు… ఒకవేళ తను కూడా మానేస్తే ఇక ఎక్సట్రా జబర్దస్త్ షో కంటిన్యూ కావడమే డౌట్… ఎలాగూ తనతోపాటు రష్మి, ఆటో రాంప్రసాద్, గెటప్ సీను కూడా వెళ్లిపోతారని ఓ అంచనా… అన్నట్టు రష్మి ఈమధ్య కొత్తగా పెళ్లి చేసుకుంది, పాత భర్తతో విడాకులు అధికారికంగా ఏమీ తేలలేదట… ఆమె కూడా జబర్దస్త్ షోలో ఉంటుందా వెళ్లిపోతుందా అనే చర్చ కూడా ఉంది… సో, ఇలా అనుకోకుండా ఎక్సట్రా జబర్దస్త్ మీద కామెడీ స్టార్స్ అప్పర్ హ్యాండ్ సాధిస్తోందా..?!