ఆక్రందనలింకా ఆగనేలేదు… అప్పుడే పొలిటికల్ గద్దలు నోళ్లు విప్పినయ్…

క్షుద్ర రాజకీయాలు మళ్లీ ఆరంభమయ్యాయి… బాలాసోర్ రైల్వే ప్రమాదంలో మృతుల శవాలు ఇంకా బోగీల కిందే ఉండిపోయాయి… తీవ్రంగా గాయపడిన వాళ్ల ఆక్రందనలు కొనసాగుతూనే ఉన్నాయి… రాష్ట్ర, కేంద్ర విపత్తు దళాలు అవిశ్రాంతంగా సహాయకచర్యల్లో శ్రమిస్తూనే ఉన్నాయి… అప్పుడే టీఎంసీ మొదలు పెట్టింది… మమతా బెనర్జీకి ఏమూలో బుర్రలో కాస్త గుజ్జు ఉందనే డౌటుండేది… అదీ లేదని ఇప్పుడు స్పష్టమైంది…

300 మందికి పైగా (ఇంకా ఎక్కువే ఉంటారు) మరణించిన ఘోర ప్రమాదం ఇది… నాలుగు రాష్ట్రాల ప్రయాణికులు… దేశం మొత్తం షాక్‌కు గురైంది… ఒక గూడ్స్, రెండు ఎక్స్‌ప్రెస్‌లు వేగంగా ఢీకొట్టిన ప్రమాదం కాబట్టి… క్షతగాత్రులు, మృతుల సంఖ్య, వివరాలు ఇప్పుడప్పుడే తేలవు… ఇప్పుడు జరగాల్సింది తక్షణ సహాయక చర్యలు… ఒడిశా ప్రభుత్వ బృందాలు చురుకుగా అన్నికోణాల్లోనూ సహాయక చర్యల్లో నిమగ్నమైంది… తృణమూల్ కాంగ్రెస్ ఇప్పుడు చేసిన డిమాండ్ ఏమిటో తెలుసా..?

‘‘రైల్వే మంత్రి అశ్విన్ వైష్ణవ్ తక్షణం రాజీనామా చేయాలి… ప్రజలపై, ప్రతిపక్షాలపై నిఘా కోసం స్పైవేర్ మీద వేల కోట్లు వెచ్చిస్తుంది మోడీ ప్రభుత్వం… రైలు ప్రమాదాల్ని నివారించే టెక్నాలజీకి ఖర్చు పెట్టలేరా..?’’ ఇదీ టీఎంసీ జనరల్ సెక్రెటరీ అభిషేక్ బెనర్జీ డిమాండ్… థూవీబచె… శవాలు కనిపిస్తే చాలు వాటి మీద గోచీలు, బట్టలు ఎత్తుకుపోయే బాపతు… (ఈ అభిషేక్ బెనర్జీ తెలుసు కదా… మమతా బెనర్జీ మేనల్లుడు)… అందులోనూ దరిద్రం… ఏకంగా మోడీ రాజీనామా చేయాలని డిమాండ్ చేయొచ్చు కదా…

నిజానికి బ్యూరోక్రాట్‌గా ఉన్న అశ్విన్ వైష్ణవ్‌ను కావాలని కేబినెట్‌లోకి తీసుకొచ్చి, ఇంతటి ప్రధానమైన శాఖ ఇచ్చింది మోడీయే… (వృద్ధులు, జర్నలిస్టుల రాయితీలను ఎత్తేసింది ఈ అశ్విన్ వైష్ణవే…) ఈ మంత్రి పోకడల మీద చాలా ఆరోపణలు, విమర్శలున్నాయి… అది వేరే సంగతి… అవి బయటపెట్టి, హేతుబద్ధంగా విమర్శలు చేయడం చేతకాలేదు ఇన్నాళ్లూ… రైలు ప్రమాదం జరగ్గానే టీఎంసీ పిచ్చి కూతలు స్టార్ట్ చేసింది… మరోవైపు స్టాలిన్ హుందాగా వ్యవహరించాడు… ఒడిశా సీఎంకు ఫోన్ చేసి, క్షతగాత్రులకు అవసరమైన సాయాన్ని అభ్యర్థించాడు… రాహుల్ అనే రైలు అలవాటు ప్రకారం ఏం పిచ్చికూత కూయబోతున్నదో… (మంత్రి వైష్ణవ్ బేసిక్‌గా రాజస్థానీ అయినా ఒడిశా కేడర్… 1999 తుపాన్ల డేటా తీసుకుని, విశ్లేషించి, ప్రపంచవ్యాప్త ప్రశంసలు పొందిన ‘విపత్తు సన్నద్ధత ప్రణాళిక’ను రచించడంలో తన పాత్ర కూడా ఉంది…)