ఎవరీమె..? పేరు ముప్పాళ్ల స్నిగ్ధ దేవి… Muppala Snigdha Devi… నిన్న ఒకటే సెర్చింగు… చాలా మీడియా సంస్థలు ఆమె గురించి రాసుకొచ్చాయి… హఠాత్తుగా ఆమె మీద మీడియా ఫోకస్ పడింది ఎందుకో అర్థం కాదు… కాకపోతే ఆమె ఇప్పుడు బాగా వెలుగులోకి వచ్చిన అమెరికా క్రికెట్ జట్టులో కీలక ప్లేయర్ సౌరభ్ నేత్రవల్కర్ భార్య…
ఆయన గురించి సెర్చింగులో తన భార్య పేరు గట్రా కనిపించి, ఆమె వివరాల్లోకి వెళ్లి, ఆమె కెరీర్ కూడా ఇంట్రస్టింగుగా ఉండి, ఇప్పుడామెను కూడా వార్తల్లో వ్యక్తిని చేసేశారు అర్జెంటుగా… మరి మనకెందుకు అంటారా..? ఆమె పుట్టింది, పెరిగింది బెంగుళూరులో అయినా తెలుగు బిడ్డ కాబట్టి… ఆమె రూట్స్ తెలుగు కాబట్టి… ఇంటిపేరు ముప్పాళ్ల…
సౌరభ్ నేత్రవల్కర్ గురించి మనం కూడా చెప్పుకున్నాం కదా… ముంబై జననం… యువరాజ్‌సింగ్ తదితరులతో క్రికెట్ అకాడమీలో శిక్షణ పొంది, అండర్ 19 ఇండియా క్రికెట్ జట్టు తరఫున ఆడీ… తరువాత పెద్దగా అవకాశాల్లేక… అమెరికా వెళ్లిపోయి, కార్నెట్ యూనివర్శిటీలో మాస్టర్స్ చేసి, ఒరకిల్‌లో జాబ్ చేస్తున్నాడు, క్రికెట్ వదులుకోలేక ప్రాక్టీస్ విడిచిపెట్టక… ఇప్పుడు అమెరికా జట్టులో కీలకసభ్యుడయ్యాడు…
Ads
ఆయన భార్య స్నిగ్ధతో నేత్రవల్కర్ పెళ్లి 2020లో అయ్యింది… ఆమె కూడా అదే కార్నెట్ యూనివర్శిటీ… అదే ఒరకిల్‌లో ప్రిన్సిపల్ అప్లికేషన్ ఇంజనీర్… కాకపోతే సమాంతరంగా మరో కెరీర్ ఉంది ఆమెకు… భర్త నేత్రవల్కర్‌కు ఉన్నట్టుగానే…
ఆమె కథక్‌ శాస్త్రీయ నృత్యం నేర్చుకుంది… అమెరికాలో కూడా చాలాచోట్ల ప్రదర్శనలు ఇచ్చింది… అంతేకాదు, బాలీఎక్స్ పేరిట సొంతంగా ఓ బాలీవుడ్ సాంగ్ ఓరియెంటెడ్ ఫిట్‌నెస్ ప్రోగ్రాం రూపొందించుకుంది… అదీ ఫేమసే… బాలీవుడ్ సాంగ్స్ కమ్ డాన్స్ ఆ ఫిట్‌నెస్ వ్యాయామాలకు ఆధారంగా… మనసుకు ఉల్లాసం ప్లస్ వ్యాయామం… డిఫరెంట్ కాన్సెప్ట్… ఇండియాలో కూడా ఇలాంటి ప్రోగ్రామ్స్ కొందరు ఫిట్‌నెస్ ఆర్గనైజర్స్ నిర్వహిస్తుంటారు…
శాన్‌ఫ్రాన్సిన్స్‌కో బే ఏరియాలో ఉండే ఈ ఇద్దరికీ ఒకవైపు ఒరకిల్ జాబ్… ఇంకోవైపు వేర్వేరు భిన్నమైన కెరీర్స్… ఆమె ఇన్‌స్టాలో తన డాన్స్ వీడియోలు పెడుతూ సోషల్ మీడియాలో యాక్టివ్… అఫ్‌కోర్స్ నేత్రవల్కర్ కాస్త తక్కువ… అదీ ఈ జంట కథ… ఆమెవి తెలుగు మూలాలు అని తెలియగానే, ఆ ఇంటి పేరుతో ఆమె కులం, ఆమె నేటివ్ ప్లేస్ గురించిన సెర్చ్ ఎక్కువైంది… తెలిసిందే కదా మనోళ్ల జాఢ్యం..!!
Share this Article