.
బీహార్ ఎన్నికల్లో గెలిచిన అత్యంత పిన్న వయస్కురాలైన మైథిలి ఠాకూర్ అనే జానపద గాయని గురించి నిన్న చెప్పుకున్నాం కదా… మరొకరి గురించీ చెప్పుకోవాలి…
ఆమె పేరు శ్రేయసి సింగ్… (Shreyasi Singh)… దేశానికి ప్రాతినిధ్యం వహించిన ఒక అంతర్జాతీయ షూటర్ ఆమె.., ఆపై రాజకీయాల్లోకి అడుగుపెట్టిన యువ నాయకురాలు… కేవలం 29 ఏళ్ల వయస్సులోనే మొదటిసారి అసెంబ్లీకి గెలిచిన ఆమె ఇప్పుడు మరోసారి గెలిచింది… 34 ఏళ్లకే రెండుసార్లు గెలుపు…
Ads
బయోడేటా (Bio-Data)
| వివరాలు | సమాచారం |
| పూర్తి పేరు | శ్రేయసి సింగ్ |
| పుట్టిన తేదీ | ఆగస్టు 29, 1991 |
| పుట్టిన ప్రదేశం | న్యూఢిల్లీ |
| తండ్రి | దిగ్విజయ్ సింగ్ ( రాజకీయ నాయకుడు) |
| తల్లి | పుతుల్ కుమారి (మాజీ ఎంపీ) |
| విద్యార్హతలు | బి.ఏ. (ఢిల్లీ యూనివర్సిటీ) |
స్పోర్ట్స్ కెరీర్ (క్రీడా ప్రయాణం)
శ్రేయసి సింగ్ అంతర్జాతీయ స్థాయిలో భారతదేశం తరఫున షూటింగ్ క్రీడలో, ముఖ్యంగా డబుల్ ట్రాప్ (Double Trap) విభాగంలో అద్భుతమైన విజయాలు సాధించింది…
-
2014 కామన్వెల్త్ గేమ్స్ (గ్లాస్గో)…: ఈ ఈవెంట్‌లో ఆమె మహిళల డబుల్ ట్రాప్ విభాగంలో రజత పతకాన్ని (Silver Medal) గెలుచుకున్నది…
-
2018 కామన్వెల్త్ గేమ్స్ (గోల్డ్ కోస్ట్)…: ఆమె కెరీర్‌లో ఇది అత్యంత ముఖ్యమైన విజయం… ఇక్కడ ఆమె మహిళల డబుల్ ట్రాప్‌లో స్వర్ణ పతకాన్ని (Gold Medal) సాధించి దేశానికి గర్వకారణంగా నిలిచింది….
-
ప్రధాన గౌరవాలు…: 2017లో భారత ప్రభుత్వం ఆమెను అర్జున అవార్డుతో సత్కరించింది….
పొలిటికల్ కెరీర్ (రాజకీయ ప్రయాణం)
తండ్రి, తల్లి ఇద్దరూ రాజకీయాల్లో ఉండటంతో, శ్రేయసికి రాజకీయ నేపథ్యం బలంగా ఉంది… 2020లో ఆమె అధికారికంగా క్రీడా ప్రపంచం నుంచి రాజకీయాల్లోకి ప్రవేశించింది…
-
రాజకీయ ప్రవేశం…: 2020లో బీహార్ అసెంబ్లీ ఎన్నికలకు కొద్ది రోజుల ముందు ఆమె భారతీయ జనతా పార్టీ (BJP)లో చేరింది…
-
మొదటి ఎన్నిక…: 2020 బీహార్ అసెంబ్లీ ఎన్నికల్లో ఆమె జముయ్ (Jamui) నియోజకవర్గం నుండి బీజేపీ అభ్యర్థిగా పోటీ చేసింది…
-
విజయం…: తొలి ప్రయత్నంలోనే ఆమె రాష్ట్రీయ జనతాదళ్ (RJD) అభ్యర్థి విజేంద్ర కుమార్ యాదవ్‌పై భారీ మెజారిటీతో విజయం సాధించి ఎమ్మెల్యేగా ఎన్నికైంది…
ఆసక్తికర విషయాలు
-
కుటుంబ నేపథ్యం…: శ్రేయసి తండ్రి, దివంగత దిగ్విజయ్ సింగ్, మాజీ కేంద్ర మంత్రిగా, బాంకా (Banka) నుంచి ఎంపీగా పనిచేశాడు… తల్లి పుతుల్ కుమారి కూడా బాంకా నుండి ఎంపీగా పనిచేసింది…
-
క్రీడల నుంచి రాజకీయాలకు…: అంతర్జాతీయ క్రీడాకారిణి… ఆ కెరీర్ నుంచి పాలిటిక్స్‌లో రంగప్రవేశం చేసే ఉదాహరణలు చాలా అరుదు… (రాజ్యసభకు ఎంపిక కావడం మినహాయింపు)… కానీ ఈమె ప్రత్యక్ష ఎన్నికల్లోకి… అదీ ఆర్జేడీ కూటమికి వ్యతిరేకంగా నిలబడటం..!
శ్రేయసి సింగ్ ప్రయాణం, క్రీడా రంగంలో దేశానికి పతకాలు సాధించిన ఒక వ్యక్తి, రాజకీయాల్లో కొత్త అధ్యాయాన్ని లిఖించడానికి ప్రయత్నించడాన్ని సూచిస్తుంది… ఇది నేటి యువతకు స్ఫూర్తినిచ్చే కథనం…
Share this Article