జైళ్లోనే భేటీ… ఏదో పెద్ద స్కెచ్ వేస్తున్నట్టున్నారు… హీరో దర్శన్, గ్యాంగ్‌స్టర్ విల్సన్…

చూస్తున్నాం కదా… డబ్బులుంటే చాలు, బయట ఉన్నట్టుగానే జైళ్లలో కూడా సకల విలాసాలకు కొదువ ఉండదు… తీహార్ దగ్గర నుంచి అంతటా అదే స్థితి… అన్నీ దొరుకుతాయి… జైళ్ల సిబ్బందే ఎంచక్కా సహకరిస్తారు… పెరోల్స్ మీద బయటికి రావచ్చు, లేదా జైలులోనే ఉండి తమ యాక్టివిటీ కొనసాగించవచ్చు… మరి బెంగుళూరు పరప్పన అగ్రహార సెంట్రల్ జైల్ ఏమైనా మినహాయింపా..? అదీ అంతే…

దర్శన్ తెలుసు కదా.., తన సహజీవని పవిత్ర గౌడకు అసభ్య మెయిళ్లు, మెసేజులు పెట్టి వేధిస్తున్నాడనే కారణంతో రేణుకస్వామి అనబడే పవత్రి ఫ్యాన్‌ను మర్డర్ చేసిన కేసులో ముఖ్య నిందితుడు… కన్నడ హీరో… అసలు రూపం విలన్… తనకు ఆ జైలులో ఎంచక్కా అన్ని సౌకర్యాలూ… విలాసాలు… తాజాగా ఓ గ్యాంగ్‌స్టర్‌తో కూడి లాన్‌లో కూర్చున్నట్టుగా, మరో ఇద్దరితో దర్శన్ టీ, సిగరెట్ తాగుతూ, ముచ్చటిస్తూ… పిక్నిక్‌కు వచ్చినట్టుగా ఉన్న ఫోటో ఒకటి వైరల్ అయిపోయింది…

సరే, ఇదేదో కొత్తగా సాగుతున్నట్టు ఉలిక్కిపడిన ప్రభుత్వం జైలుకు చెందిన కొందరి మీద వేటు వేసింది… రాష్ట్ర హోం మంత్రి జైలును సందర్శించాడు… సరే, అదంతా ఓ కథ… కానీ దర్శన్‌తోపాటు కూర్చుని ముచ్చట్లు పెడుతున్న ఆ వ్యక్తి ఎవరు..? అంతగా క్రిమినలా..? ఏమిటీ తన చరిత్ర..?

ఈ హిస్టరీ షీటర్ అసలు పేరు జే నాగరాజు… ప్రచారంలోని పేరు విల్సన్ గార్డెన్ నాగ … హిస్టరీ షీటర్ అంటే గతంలో బాగా నేరచరిత్ర ఉండి ఎప్పుడూ పోలీస్ వాచ్ ఉండే వ్యక్తి… హత్యలు, దోపిడీలు, వసూళ్లకు ఈ వ్యక్తి పెట్టింది పేరు… బెంగుళూరు బేస్డ్… 20 ఏళ్ల నేర చరిత్ర… బోలెడు కేసుల్లో విచారణను ఎదుర్కున్నాడు, జైలుకు కూడా పోయి వచ్చాడు…

ఈ 20 ఏళ్లలో తనపై నమోదైన కేసులు 23… భయంతో ఫిర్యాదులు కూడా చేయబడనివి ఎన్నో… ఈ 23 కేసుల్లో ఏడు మర్డర్ కేసులు… 2021లో నార్కొటిక్స్ యాక్ట్ కింద కూడా ఓ కేసు నమోదైంది… కోరమంగళ బబ్లీ అని పిలవబడే మరో రౌడీని 2017లో హతమార్చిన కేసు ముఖ్యమైంది… ఇద్దరి నడుమ గ్యాంగ్ వార్ నడిచేది… సిద్ధాపుర మహేష్‌ అనే మరో గ్యాంగ్‌స్టర్‌తో కూడా గ్యాంగ్ వార్ ఉంది ఇతనికి…

2024 ఆగస్టు మొదటివారం… విల్సన్ నాగ బెయిల్‌పై బయటికి వచ్చిన గంటల్లోనే ఈ మహేష్ హత్య జరిగింది… ఆ కేసులో ఈ విల్సన్ నాగ మీద కఠినమైన KCOCA చట్టాన్ని ప్రయోగించి మొత్తం 22 మందిని బుక్ చేశారు… కొద్దిరోజులకే విల్సన్ తన రైట్ హ్యాండ్ డబుల్ మీటర్ మోహన్‌తో కలిసి పోలీసులకు లొంగిపోయాడు… ఈ ఏడాది ప్రారంభంలో విల్సన్ సిటీ ఎంట్రీ మీద నిషేధం పెట్టారు… అంతకు ముందు ఇదే మహేష్ గురువు లింగరాజు అలియాస్ శాంతినగర్ లింగ హత్య జరిగింది… 2020లో… ఆ తరువాత మహేష్‌తో విల్సన్ గ్యాంగ్ వార్ పెచ్చరిల్లింది…

విల్సన్ నాగ ప్రస్తుత కేంద్ర మంత్రి సోమన్న ఇంట్లో కనిపించడం అప్పట్లో పెద్ద వివాదాన్ని రేకెత్తించింది… సోమన్న తనకు విల్సన్‌తో పరిచయముందనే వార్తలను  ఖండించాడు… సో, అలాంటి వ్యక్తితో దర్శన్ ఏం మాట్లాడుతున్నాడు..? ఏం డీల్ కుదుర్చుకోబోతున్నాడు..? ఇవీ ఇప్పుడు కన్నడ మీడియాలో రకరకాల ఊహాగానాలకు తావిస్తోంది…!! చెప్పండి, ఇండియన్ జైళ్లు ఎవరిని ఏ పని చేయకుండా ఆపగలవు..?!