ఈసారి ఆమె గళం కాదు, ఆమె మౌనం అందరికీ వినిపించింది!

.

Psy Vishesh ……. “ఆమె గానం వినిపించింది… కానీ, ఆమె బాధను వినలేకపోయాం!”

“పాటలు పాడితేనే నా బాధను మర్చిపోగలను.”
“నా గళం వినిపిస్తేనే నేను బతికున్నట్లుగా ఉంటుంది.”
ఇవి గాయని కల్పన గారు ఎన్నోసార్లు ఇంటర్వ్యూలలో చెప్పిన మాటలు.
కానీ, ఈసారి ఆమె మౌనంగా నిద్రమాత్రలు మింగింది!
ఈసారి ఆమె గళం కాదు, ఆమె మౌనం అందరికీ వినిపించింది!

ఈ వార్త విన్న వెంటనే మనందరం షాక్ అయ్యాం.
“ఎందుకు ఇలా చేసుకుంది?”
“ఆమెకేమైనా పెద్ద సమస్య ఉందా?”
“పాపం, ఎవరైనా తనను ఆదరించాల్సింది!”

కానీ, ఇది ఒక్క కల్పన గారి కథ కాదు.
రోజు రోజుకూ వేలాదిమంది మన చుట్టూ నిశ్శబ్దంగా కరిగిపోతున్నారు!
వారి మనస్సులో పోరాటం జరుగుతోంది… కానీ, మనం చూసేలా లేదు!

చాలామంది మనుషులు బయటకు చిరునవ్వుతో కనిపిస్తూ లోపల నరకయాతన అనుభవిస్తూ ఉంటారు.
“నీకు అన్ని ఉన్నాయిగా… నీకెందుకు డిప్రెషన్?” అని అడిగే సమాజమే…
తీవ్రమైన ఒత్తిడి, ఒంటరితనం ఏంటో అర్థం చేసుకోదు.

“సహాయం కోరే ధైర్యం లేకపోతే, సహాయం చేసేవారైనా ముందుకు రావాలి!”

ఆత్మహత్య అనేది ఒకరోజు తీసుకునే నిర్ణయం కాదు.
ఎంతో కాలంగా నిండిపోతున్న భావోద్వేగ భారం ఒక్క క్షణంలో పేలిపోతుంది.
ఎవరైనా మన చుట్టూ మౌనంగా ఉంటే, వారిని వెంటనే గుర్తించాలి.

పరిస్థితిని మార్చే 3 మేజిక్ స్టెప్స్…
వినండి (Listen): ఎవరైనా బాధలో ఉంటే, వారికి “నువ్వు ఒంటరివి కావు” అనే నమ్మకం ఇవ్వండి.
అంగీకరించండి (Acknowledge): “ఇలా అనిపించడం సహజమే” అని చెప్పండి, “నీకు ఏమైంది?” అని కాకుండా, “నీకు తోడుగా నేనున్నాను” అని చెప్పండి.
సహాయం అందించండి (Support): అవసరమైతే, ప్రొఫెషనల్ కౌన్సెలింగ్, కుటుంబ మద్దతు, స్నేహితుల ఆత్మీయత ఇవ్వండి.

అండగా నిలుద్దాం!
మన చుట్టూ ఉన్న వాళ్లు హఠాత్తుగా చాలా మౌనంగా ఉంటే… సామాజిక మాధ్యమాల్లో “ఇంకెందుకు బతకాలి?” లాంటి పోస్ట్ పెడితే… ఎప్పుడూ సరదాగా ఉండే వాళ్లు ఒక్కసారిగా మారిపోతే… “ఎవరికీ నేను అవసరం లేదు” అనే మాట మాట్లాడితే… వెంటనే వారితో మాట్లాడండి. తక్షణ మానసిక సహాయం అందించండి….