.
సినిమా తీసేవాడికి చూసేవాడు లోకువ… ఎస్, తమ సినిమా గురించి చెప్పేవాడికి వినేవాడు, చదివేవాడు అలుసు… వాళ్లు జ్ఞానులు, వాళ్ల దృష్టిలో ప్రేక్షకులు అజ్ఞానులు… హార్ష్‌గా ఉంది కదా వ్యాఖ్య… కానీ రామాయణ టీమ్ చెబుతున్నవి చదివితే మీరూ అంగీకరిస్తారు…
అసలు మొదట్లో 850 కోట్ల బడ్జెట్ అన్నారు కదా… ఇప్పుడు ఏకంగా ఒకేసారి 4 వేల కోట్ల ఖర్చు అంటున్నారు… షూటింగ్ అయిపోయిందీ అంటూనే, వచ్చే దీపావళికి కాదు, ఆపై సంవత్సరం వచ్చే దీపావళికి ఫస్ట్ పార్ట్ రిలీజ్ అట… మరో ఏడాాది దాటాక దీపావళికి సెకండ్ పార్ట్ అట…
Ads
ఈ టీమ్ మరీ ఆదిపురుష్ తాతలాంటి టీమ్‌లా కనిపిస్తోంది… లార్డ్ ఆఫ్ రింగ్స్ యాక్షన్ సీన్లు చేసిన టెర్రీ ఈ సినిమాలో స్టంట్స్ సూపర్‌వైజ్ చేస్తాడనీ, మోషన్ కేప్చర్ టెక్నాలజీతో వానరసేన సీన్లు క్రియేట్ చేస్తున్నారనీ, హాలీవుడ్ నాణ్యత తప్పనిసరి అనే వివరాలు కాస్త ఇంట్రస్టింగే…
రావణుడి పాత్రకు ముందుగా హృతిక్‌ను అనుకున్నారట, కానీ సౌత్ ఇండియా మార్కెట్ కోసం యశ్‌ను ఎంపిక చేసుకున్నారట, ఉత్తదే… అసలు హృతిక్‌ను ఆ పాత్రకు అడిగిందే లేదు, తను రావణ పాత్రను చేస్తాడో లేదో కూడా డౌటే… పైగా యశ్ రావణ పాత్రధారే కాదు, ఈ సినిమా నిర్మాణంలో భాగస్వామి కూడా… ఇంకానయం, పాన్- కన్నప్పలాగే భాషకొకరిని తీసుకోలేదు, సంతోషం…
ఇవన్నీ ఎలా ఉన్నా సినిమా టీం సీతారాములుగా రణబీర్‌కపూర్, సాయిపల్లవి ఎంపికల మీద చిత్రవిచిత్రమైన వెర్షన్ వినిపిస్తోంది సినిమా టీమ్… రాముడిగా రణబీరుడు ఎందుకయ్యా అంటే… తన ప్రశాంత వ్యక్తిత్వం, మంచి నటనా నైపుణ్యం కారణాలు అట… నటన వరకూ వోకే, కానీ తన ప్రశాంత వ్యక్తిత్వానికీ రామ పాత్రకు ఎంపికకూ లింకేమిటి..?
ఓ నటుడి వ్యక్తిత్వం ఎలాంటిదైనా దర్శకుడు తనను ఎలా చూపిస్తాడనేదే ముఖ్యం కదా… తెర మీద రాముడి తత్వాన్ని చూస్తారు తప్ప ప్రేక్షకుడు రణబీరుడి కోణంలో చూడరు కదా… పైగా సాయిపల్లవిని సీత పాత్రకు ఎందుకు ఎంపిక చేసుకున్నారనే వెర్షన్ మరీ చిత్రం…
ఆమె గ్లామర్ పాత్రలకు దూరంగా ఉండటం, అందం కోసం ఏ సర్జరీలు చేసుకోలేదు (కాస్మెటిక్ సర్జరీలు), కృత్రిమంకన్నా సహజ అందమే కావాలని సీత పాత్రకు సాయిపల్లవిని ఎంపిక చేశారట… తెరపై సీత కనిపించాలి, అంతేతప్ప సదరు నటి అందం ప్లాస్టిక్కా, ఒరిజినలా ప్రేక్షకుడికి ఎందుకు..?
పైగా అదే అర్హత అయితే బాలీవుడ్ మార్కెట్‌లోనే ఒరిజినల్ అందాలు ఎన్నిలేవు..? పైగా సాయిపల్లవి తత్వం ఏమిటో, అందం ఒరిజినాలిటీ ఏమిటో తెలుగు, తమిళ, మలయాళ ప్రేక్షకులకు మాత్రమే తెలుసు గానీ, ఇతర భాషల ప్రేక్షకులకు ఆమె గురించే తెలియదు కదా…
రాముడినో, సీతనో చూసినప్పుడు ప్రేక్షకుడికి గౌరవభావం కలగాలి, ప్లజెంటుగా కనిపించాలి, చాలు… రణబీరుడి వ్యక్తిత్వం, సాయిపల్లవి సర్జరీరహిత అందం వంటి వివరాలు ప్రేక్షకుడికి దేనికి..? నిజానికి ఆ పాత్రకు సాయిపల్లవిని ఎలా సెలెక్ట్ చేసుకున్నారనేది అనూహ్యం…
Share this Article