జబర్దస్త్ వదిలేస్తానని సుడిగాలి సుధీర్ ఝలక్..! తలపట్టుకున్న మల్లెమాల, ఈటీవీ..!!

ఈటీవీకి భారీగా రేటింగ్స్ తెచ్చిపెట్టే ప్రోగ్రాములకు నిర్మాతలు మల్లెమాల ఎంటర్‌టెయిన్‌మెంట్స్… ఈటీవీ, ఈ సంస్థకూ నడుమ మంచి సంబంధాలున్నయ్, చాలా ఏళ్లుగా అవి కొనసాగుతున్నయ్… ఈటీవీకి ఏం కావాలో మల్లెమాలకు తెలుసు, మల్లెమాలకు ఎలా ప్రొటెక్ట్ చేసుకోవాలో ఈటీవీకి తెలుసు… మల్లెమాల టీవీ వ్యవహారాల్ని శ్యాంప్రసాద‌రెడ్డి పెద్దగా వ్యక్తిగతంగా రోజూ పట్టించుకోకపోయినా సరే, ఇష్యూస్ వచ్చినప్పుడు తనే కలగజేసుకోవాలి… రోజువారీ వ్యవహారాలు ఎవరు చూస్తారో తెలియదు… ఇప్పుడు వార్త ఏమిటంటే..? ఈటీవీకి మంచి రేటింగ్స్ తీసుకొచ్చేందుకు కీలకమైన జబర్దస్త్ షో నుంచి సుడిగాలి సుధీర్ బయటికి వచ్చేయడానికి సిద్ధపడటం..! నిజానికి తెలుగు వినోదచానెళ్లకు సంబంధించి ఇది పెద్ద వార్తే… ఎందుకంటే..? ప్రస్తుతం వినోద చానెళ్లకు సంబంధించి సూపర్ స్టార్ సుడిగాలి సుధీర్… యాంకర్, కమెడియన్, టీం లీడర్… డాన్స్ చేయగలడు, మ్యాజిక్ చేయగలడు, స్టంట్స్ చేయగలడు… విపరీతమైన మాస్ ఫ్యాన్ ఫాలోయింగ్ ఉంది తనకు… ప్రత్యేకించి రష్మి, సుధీర్ ప్రేమాయణం ఓ నాటకమని తెలిసినా సరే, వాళ్లే స్వయంగా చెప్పినా సరే ఫ్యాన్స్ స్టిల్ ఈరోజుకూ ఆ జంటను ప్రేమిస్తూనే ఉంటారు…

రష్మి, సుధీర్ పెయిర్ జబర్దస్త్ మాత్రమే గాకుండా ఢీ షోలో కూడా కంటిన్యూ అవుతోంది… సుధీర్ టీంలో ఆటో రాంప్రసాద్, గెటప్ సీను కీలకం… మెరిట్ ఉన్న కమెడియన్లు, స్పాంటేనిటీ కూడా ఉంది… సుధీర్‌కు ఈటీవీతో ఉన్న అనుబంధం వయస్సు దాదాపు పదేళ్లు కావచ్చు, చిన్న చిన్న మ్యాజిక్ షోలు చేస్తూ పొట్టపోసుకున్నాడు సుధీర్, తరువాత ఆ ఈటీవీ ఆధారంగానే ఎదిగాడు, ఆ కృతజ్ఞత తనకుంది కూడా… సినిమాల్లో హీరోగా చేసినా సరే, పాడిబర్రె వంటి ఈటీవీని మాత్రం వదల్లేదు… ఆమధ్య ఓ పండుగ స్పెషల్‌లో కావాలనే సుధీర్‌ను పక్కకు తప్పించారు, ఆ షో మట్టిగొట్టుకుపోయింది రేటింగ్స్‌లో… ఐనా తను ఫీల్ కాలేదు, తనకు వ్యతిరేకంగా మల్లెమాలకు సంబంధించిన పెద్దలెవరో వ్యవహరిస్తున్నా సరే సుధీర్ కోపంతో బయటికి రాలేదు… మొన్న తగ్గేదేలే అనే షోలో కూడా సుధీర్ లేడు… ఇవన్నీ ఇంటెన్షనల్‌గా జరుగుతున్నాయనేది టీవీ ఇండస్ట్రీలో ప్రచారం…

చంచలమైన సినిమాల మీద నమ్మకంకన్నా టీవీ మీదే, అదీ ఈటీవీ మీదే సుధీర్‌కు నమ్మకం ఎక్కువ… అలాంటిది జబర్దస్త్ ఎందుకు మానేస్తాను అంటున్నాడు..? జబర్దస్త్‌లో యాంకర్ అనసూయ, అందులో కాస్త బెటర్ కమెడియన్స్, సీనియర్స్ చేసే స్కిట్స్ ఉంటయ్… ఎక్సట్రా జబర్దస్త్‌లో మాత్రం సుధీర్ టీమే సీనియర్… సుధీర్ స్కిట్ చూశాక ఇక ఆ షో చూసేలా లేదు ప్రస్తుతానికి, దీనికి యాంకర్ రష్మి… ఇప్పుడు సుధీర్ ఏం అడుగుతున్నాడంటే..? ‘‘నన్ను ఎక్సట్రా జబర్దస్త్ నుంచి జబర్దస్త్‌కు మార్చండి’’… నిజానికి యాంకర్ రష్మి కాబట్టి ఇదే సుధీర్‌కు కంఫర్ట్, ఆమెతో శృతి బాగుంటుంది కాబట్టి… ఐనా సరే వద్దంటున్నాడు… తనను జూనియర్ కమెడియన్లతో కలిపేశారనే భావన కావచ్చు… మల్లెమాల సంస్థలో జబర్దస్త్ వ్యవహారాల్ని చూసే పెద్దలెవరో నథింగ్ డూయింగ్ అన్నట్టున్నారు, అలాగైతే జబర్దస్త్ షో మానేస్తానని సుధీర్ ఝలక్ ఇచ్చాడు…

విషయం శ్యాంప్రసాదరెడ్డి దాకా వెళ్లింది… సదరు డైరెక్టర్లు ఎవరో వాళ్లను పిలిచి ఫైర్ అయిపోయినట్టున్నాడు… ఇప్పుడు సుధీర్‌తో సంప్రదింపులు సాగుతున్నయ్… ఇష్యూ సెటిల్ కాలేదు… జబర్దస్త్ మానేసినా ఢీ, శ్రీదేవి డ్రామా కంపెనీ మాత్రం కంటిన్యూ అవుతానని చెబుతున్నాడు… సుధీర్ బయటికి వస్తే గెటప్ సీను, ఆటో రాంప్రసాద్ కూడా వచ్చేస్తారు… ఏ మాటీవీ వాడో, జీ చానెల్ వాడో రష్మితో సహా ఎగరేసుకుపోతాడు… అవసరమైతే ఈటీవీ నుంచే మొత్తం బయటికి వచ్చేసినా వాళ్లకు పెద్ద ఫరక్ పడదు… సుధీర్ లేకపోతే ఆ ఢీ షోను ఎవడూ దేకడు, గతంలో ఎవడూ పట్టించుకోని శ్రీదేవి డ్రామా కంపెనీ షో సుధీర్ చేపట్టాక రేటింగ్స్ పెరిగాయి, మంచి పేరొచ్చింది… సో, సుధీర్‌ను వదులుకోలేదు… అది మల్లెమాలకే కాదు, ఈటీవీకి కూడా నష్టమే… అసలే మూడో స్థానంలో కొట్టుకుంటోంది అది… ఇదీ సుధీర్-జబర్దస్త్ తాజా కథ… మల్లెమాల మరో తల్నొప్పి గురించి మరో కథనంలో చెప్పుకుందాం…!!