ఢీఅంటేఢీ… జీటీవీ అదరగొట్టిన స్లాటులో… మాటీవీ ఓంకార్ ఫ్లాప్ షో…

స్టార్ మాటీవీ… దీని క్రియేటివ్ ఒకప్పుడు ఫేమస్… కానీ ఇప్పుడు వట్టిపోయినట్టుంది… క్రియేటివ్‌తనం కాస్తా జీతెలుగు వైపు ప్రవహించినట్టుంది… పైగా మాటీవీతో జీటీవీ ఢీఅంటేఢీ అంటోంది… ఈరోజు సాయంత్రం ఆరు గంటల నుంచి జరిగిన ఓ పోటీలో మాటీవీ చేతులెత్తేసింది… చతికిలపడింది… జీటీవీ జనాన్ని బాగా ఎంటర్‌టెయిన్ చేసింది… అఫ్‌కోర్స్, మాటీవీకి చేతనైన రేటింగ్స్ మాయలో మళ్లీ అదే పైచేయి సాధించినట్టు వచ్చే బార్క్ ర్యాంకింగులో కనిపించవచ్చుగాక… కానీ ఈ నాలుగైదు గంటల పోటీలో జీటీవీ గెలిచింది అనేది నిజం…

బిగ్‌బాస్ మోనాల్ ఇక అంతే… మీరు ఏ షోకు పిలిచినా సరే, ఏడుపు తప్పదు… నర్మదానది… చివరకు స్టాండప్ కామెడీ షోకు పిలిచినా శోకాలు పెడుతూనే ఉంటుందేమో… మాటీవీలో ఈరోజు డాన్స్ ప్లస్ అనే షో స్టార్ట్ చేశాడు ఓహోంకార్… అసలు తన వాయిసే కాస్త ఇరిటేటింగు… దానికితోడు మోడీ పెంచినట్టు రెండు ఫీట్ల గడ్డం… వామ్మో… భయాంకర్…

ఈటీవీ వాళ్ల ఢీ రియాలిటీ షోకి పోటీగా దీన్ని ప్లాన్ చేశారు కానీ… కనీసం కాపీ కొట్టడమూ చేతకాలేదు… అందులో ప్రదీప్, ఆది, సుధీర్, రష్మి, పూర్ణ, ప్రియమణి, శేఖర్, తాజాగా దీపిక… డాన్సులు అనబడే సర్కస్ షీట్లు మాత్రమే కాదు, మధ్యమధ్య వీళ్లు ప్రదర్శించే కామెడీ స్కిట్లు పెద్ద ప్లస్… మరి భయాంకర్ డాన్స్ ప్లస్ షోలో చేయడానికి ఎవరున్నారు..?

బాబా భాస్కర్‌కు కాస్త కామెడీ టైమింగు తెలుసు… అంతే… జడ్జిలుగా ఉన్న యష్, మోనాల్, ముమైత్, యానీ… సోసో తప్ప స్పాంటేనియస్ కామెడీని పండించలేరు… ఇక ఈటీవీ ఢీలో ఉన్నట్టుగానే ఇందులో కూడా డాన్సులు అనబడే అక్రోబాటిక్స్… కాకపోతే ఓంకార్ షోలో కాస్త వెరయిటీగా కనిపించింది కంటెస్టెంటు డాన్సర్ల పేరెంట్స్‌ను తీసుకొచ్చి, వేదిక మీద ఏడిపించే స్క్రిప్టు… అది ప్రతివారం వర్కవుట్ కాకపోవచ్చు… అందుకే యష్ భార్యను తీసుకొచ్చారు… వచ్చేవారం నుంచి ఏదో కామెడీ ట్రై చేస్తారేమో…

అన్నింటికీ మించి 6 నుంచి 9 వరకు అదే చూపించి… విసుగొచ్చిన ప్రేక్షకులకు మళ్లీ 9 నుంచి అదే చూపించడం… చెత్తా స్ట్రాటజీ… అంటే ఆదివారం 9 గంటలు అనే అత్యంత కీలకమైన స్లాటులో చూపించడానికి మాటీవీ వద్ద ఏ ప్రోగ్రామూ లేకపోవడం… మాటీవీ టీం దివాలా తీసిందా..?

అదే జీతెలుగులో చూడండి… ఆరు గంటల నుంచి పార్టీకి వేళాయెరా అని ఓ కమర్షియల్ ప్రోగ్రాం చేశారు..,. కయ్యకయ్య ఒర్లుతది అనుకుంటాం గానీ శ్రీముఖి ఒక్కతే ఒంటి చేత్తో హోస్టింగు లాగించి పడేసింది… చివరి దాకా సేమ్ ఎనర్జీ… నిజానికి ఇది ఇయర్ ఎండ్ కోసం ప్లాన్ చేసినట్టున్నారు కానీ ఏమైందో నాలుగు రోజుల ముందే ప్రసారం చేసిపారేశారు… సన్ ఫీస్ట్ మామ్స్ మ్యాజిక్ ప్రొడక్ట్స్ ప్రమోషన్ కోసం ఉద్దేశించిన ప్రోగ్రాం ఇది…

అప్పుడప్పుడూ జీతెలుగులో ఇన్‌హౌజ్ ఆర్టిస్టులు… అంటే సీరియళ్లు, ఇతర ప్రోగ్రాముల్లో నటించేవాళ్లతో పార్టీ టైపు కార్యక్రమాల్ని చేస్తుంటారు… అవార్డులు ఇచ్చుకుంటూ, సరదాగా గడుపుతారు… ఇదీ అంతే… వింత అవార్డుల పేరిట పార్టీకి వేళాయెరా అనే పేరుతో షో నడిపించారు…

జీటీవీ సీరియళ్లు ఈమధ్య మాటీవీ సీరియళ్లను మించిన జనాదరణ పొందుతున్నయ్… వాటిల్లోని పాపులర్ యాక్టర్స్‌ను తీసుకొచ్చి ఆడించారు, పాడించారు… అంతేకాదు… సరిగమప షోలో పాడే కంటెస్టెంట్ సింగర్స్‌తో డాన్సులు కూడా చేయించారు… సరదాగా బాగున్నయ్… యాక్టింగ్, సింగింగ్, డాన్సింగ్, స్కిట్లు… అన్నీ కలిపి కొట్టారు… అందరినీ భాగస్వాములను చేశారు…

అన్నింటికీ మించి ఇద్దరి గురించి చెప్పాలి… ఒకటి పండు… రెండు సద్దాం… పండు రియల్లీ సూపర్ డాన్సర్… కేవలం సర్కస్ ఫీట్లు కాదు, తన డాన్సులో ఓ గ్రేస్, ఓ స్టయిల్ కనిపిస్తుంది… మైఖేల్ జాక్సన్ వేషధారణతో, శైలితో తెలుగు పాటలకు చేసిన డాన్సు చాలా బాగుంది… ఇప్పుడు జీ అదిరిందిలోనే కాస్త కామెడీ కూడా పండిస్తున్నాడు… ప్రదీప్ భాషలో పండక్క… ఆమధ్య నెక్కిలీస్ గొలుసు పాటలో లేడీ వేషంతో చేసిన డాన్సు కూడా బాగా పాపులర్ అయ్యింది…

సద్దాం కొందరు సినిమా నటులను, సెలబ్రిటీలను అనుకరించాడు… ప్రత్యేకించి బాలయ్య ఇమిటేషన్ అదిరిపోయింది… తను జీటీవీకి ఓ అస్సెట్… నిజానికి ప్రతి ఆదివారం జీటీవీలో ఈ స్లాటులో అదిరింది, సరిగమప వస్తాయి… ఈ పార్టీకి వేళాయెరా షో కోసం సరిగమప పది గంటలకు నెట్టేశారు… మరి అదిరింది షో..? అసలు అది ఉన్నట్టా..? లేనట్టా..? కొంపదీసి రద్దు చేయలేదు కదా..? ఈ డౌట్లు సహజమే కదా… మరీ మూడు రేటింగ్స్‌కు పడిపోయింది… నాగబాబు కూడా ఎంచక్కా తన యూట్యూబ్ చానెల్‌లో ఖుషిఖుషిగా అని వేరే స్టాండప్ కామెడీ షో చేసుకుంటున్నాడు…

పార్టీకి వేళాయెరా అయిపోగానే… సెలబ్రిటీ చాలెంజ్ అని మరో కొత్త షో లాంచ్ చేశారు… సుమ, రవి ప్రధాన యాంకర్లు… నిజానికి విశేష ప్రతిభ చూపే కళాకారులను తీసుకొచ్చి, పర్‌ఫామెన్స్ చేయించే షో ప్రదీప్ యాంకర్‌గా గతంలోనే చేశారు… సేమ్, సెలబ్రిటీలను పిలిచి, వాళ్లనూ ఇన్వాల్వ్ చేయడం పాతదే… ఈవారం బిగ్‌బాస్ విజేతలు కౌశల్, రాహుల్‌లను పిలిచారు… సరే, 6 నుంచి 10 గంటల దాకా జీ ప్రేక్షకులను ఎంటర్‌టెయిన్ చేస్తే. ఆ స్లాటులో మాటీవీ ఏం చేసినట్టు..? రాబోయే రోజుల్లో మాటీవీ మీద ఇంకా పైచేయి సాధించడానికి జీతెలుగు రెడీగా ఉందట… మాటీవీ రెడీగా ఉందా..? లేక డాన్స్ ప్లస్‌తో ఇంకా దిగిపోతారా..?!