.
Subramanyam Dogiparthi …. నాగార్జున ఫ్రెండ్ టబు తెలుగులో నటించిన మొదటి సినిమా 1991 లో వచ్చిన ఈ కూలీ నెం.1 సినిమా . అయితే వెంకటేష్ జోడీగా …!! An excellent romantic comedy entertainer . వెంకటేష్ అయ్యో అయ్యో అయ్యయ్యో అంటూ ప్రేక్షకులకు చక్కటి రిలీఫుని అందిస్తాడు అక్కడక్కడా .
ముందుగా ఈ సినిమా కధను నేసిన పరుచూరి బ్రదర్సును అభినందించాలి . హీరో ఆత్మాభిమానం కల ఓ రైల్వే కూలీ . తాత విజయవాడ రైల్వే స్టేషన్లో మహాత్మాగాంధీ చేత ఆదరించబడటం వలన కూలీ నెం.1 గౌరవాన్ని కూలీలందరు కలిసి ఇస్తారు . అదే ఆ కుటుంబానికి వారసత్వ ఆస్తి .
Ads
హీరోయినుకి బాగా డబ్బు చేయటం వలన పేదల ఎడ తుస్కారం జాస్తి . ఆ క్రమంలో హీరోని అఫెండ్ చేయటం , హీరోని జైల్లో పెట్టించటం , హీరోయిన్ తల్లి హీరోని ఆయుధంగా చేసుకుని కూతురి అహంభావాన్ని తొలగించటం కధకు మూలం .
సీన్ సింగపూరుకి షిఫ్ట్ అయి హీరో గారు కోటీశ్వరుడు అవతారం ఎత్తి హీరోయిన్ని ఆకర్షిస్తాడు . సింగపూర్లోనే పెళ్లి , అక్కడే పెటాకులు కావటం , హీరోయిన్ తల్లి సహకారంతో మొదటి రాత్రి , హీరోయిన్ గర్భవతి కావటం , హీరోయిన్ కుటుంబాన్ని విలనాసురులు కిడ్నాప్ చేయటం , అందరినీ శిక్షించి శుభం పలికించటంతో సినిమా ముగుస్తుంది .
- మంచి ట్విస్ట్ ఏంటంటే హీరోయిన్ తన అహంతో ఎవరి మరణానికి కారణం అవుతుందో ఆమే తల్లి అని తెలవటం . సినిమాలో తల్లి కూతురిని మోసం చేసి మొదటి రాత్రి జరిపించటం కొందరు ప్రేక్షకులకు జీర్ణం కానిది . సినిమా సాగాలి కదా ! ప్రేక్షకులు కాసేపు రాజీ పడటమే .
మొత్తం మీద సినిమా మంచి ఎంటర్టైనర్ . ఆ క్రెడిట్ ఇళయరాజా , రాఘవేంద్రరావులకు చెందాల్సిందే . ఇళయరాజా సంగీత దర్శకత్వంలో పాటలన్నీ హిట్టే . ముఖ్యంగా దండాలయ్యా ఉండాళ్ళయ్యా అనే వినాయకుని మీద పాట , తిత్రీకరణ బాగుంటాయి . పాట వినాయక చవితో పందిళ్ళలో కూడా వింటుంటాం .
కలయా నిజమా పాటలో మేల్ వాయిస్ ఇళయరాజాది కావటం విశేషం . చిత్రీకరణ గురించి చెప్పాలంటే ఫక్తు రాఘవేంద్రరావు మార్క్ . బాగా హాటుగా ఉంది . సింగపూర్లో డ్యూయెట్లు కొత్త కొత్తగా ఉన్నది స్వర్గమిక్కడే ఉన్నది , అటెన్షన్ ఎవిరీబడీ నే వస్తున్నా బి రెడీ హుషారుగా ఉంటాయి . అలాగే మరో డ్యూయెట్ కిలకిలమని కళావరి రాణి కూడా .
పాటలనన్నీ సిరివెన్నెల వారు వ్రాయగా బాలసుబ్రమణ్యం , సుశీలమ్మ , చిత్ర , ఇళయరాజా శ్రావ్యంగా పాడారు . పరుచూరి బ్రదర్స్ డైలాగులు బాగుంటాయి . సుందరం , ప్రభుదేవా డాన్సుల్ని బాగా కంపోజ్ చేసారు . ఇవన్నీ సినిమా విజయానికి బాగా తోడ్పడ్డాయి .
ప్రధాన పాత్రల్లో శారద , రావు గోపాలరావు , పరుచూరి వెంకటేశ్వరరావు , “ర” అనే అక్షరాన్ని “ల” గా పలికే పాత్రలో మోహన్ బాబు , బ్రహ్మానందం , మాడా , డబ్బింగ్ జానకి , రజిత , రాళ్ళపల్లి , బాబూమోహన్ ప్రభృతులు నటించారు .
రామానాయుడు నిర్మించిన ఈ హిట్ సినిమా హిందీ , తమిళంలోకి డబ్ అయ్యాయి కూడా . తరచూ ఏదో చానల్లో వస్తూనే ఉంటుంది . టబూ అభిమానులు తప్పక చూడాలి చూసి ఉండకపోతే .
చూసినా మొహమాటపడకుండా ఇంకో సారి చూడండి . వెంకటేష్ అభిమానులు కూడా . సినిమాలను ఎంపిక చేసుకోవటంలో , కెరీర్ని తీర్చిదిద్దుకోవటంలో వెంకటేష్ చాలా సంసారపక్షం . Down to the earth . Genuinely professional …
Share this Article