.
బండి సంజయ్ కొడుకు సాయి భగీరథ్ మీద నమోదైన పోక్సో కేసులో ఓ కీలకమైన ట్విస్టు..? ఆ అమ్మాయి మైనర్ కాబట్టే పోక్సో కేసు పెట్టారు కదా… అసలు ఆ అమ్మాయి మైనర్ కాదని తేలితే..? అమ్మాయి, తనూ పరస్పర సమ్మతితోనే కొంతకాలం ‘కలిసి తిరిగామని’ భగీరథ్ ఆధారాలు సమర్పిస్తే..? తనను పెళ్లి చేసుకుంటానని చెప్పి మోసం చేశాడనీ, లైంగికంగా వేధించాడని కదా ఆమె చెబుతున్నది… కానీ..?
టైమ్స్ ఆఫ్ ఇండియా రిపోర్ట్ ప్రకారం… భగీరథ్ హైకోర్టు ఎదుట దాఖలు చేసిన యాంటిసిపేటరీ బెయిల్ పిటిషన్లో అసలు ఆ అమ్మాయి మైనర్ కాదని పేర్కొనడం ఓ మలుపు… అంతేకాదు, పరస్పర సమ్మతి (Consensual) ఉందంటున్నాడు, కేవలం రెండు కుటుంబాల మధ్య విభేదాల కారణంగా తప్పుడు కేసు పెట్టారని భగీరథ్ వాదన…
హైకోర్టు వెకేషన్ బెంచ్ ఎదుటకు 14న వస్తుందని భావిస్తున్నారు… అంతకుముందు తను ‘హానీ ట్రాప్’ ఫిర్యాదు చేశాడు… ఇటు అమ్మాయి ఫ్యామిలీ పోక్సో కేసు పెట్టారు.., భగీరథ్ వేధించడంతోనే అమ్మాయి ఆత్మహత్య ప్రయత్నం కూడా చేసిందని ఆ ఫ్యామిలీ చెబుతోంది… కానీ తమ ఇద్దరి నడుమ సంబంధం సజావుగా కొనసాగినన్ని రోజులు ఏ కంప్లయింట్ లేకుండా ఇప్పుడు క్రియేట్ చేస్తున్నారని భగీరథ్ ఆ పిటిషన్లో పేర్కొన్నట్టు టైమ్స్ వార్త చెబుతోంది…
Ads
తెలంగాణ ప్రభుత్వం ప్రత్యేకంగా కూకట్పల్లి డీసీపీ రితిరాజ్ నేతృత్వంలో ఓ సిట్ ఏర్పాటు చేసింది, బండి సాయి భగీరథ్తో పాటు మరికొందరిపై కేసు పెట్టారు… BNS 74, 75తో పాటు POCSO 11,12 కింద తొలి కేసు నమోదు కాగా, బాధితురాలి వాంగ్మూలం తర్వాత POCSO 5(l), 6గా సెక్షన్ల మార్పు… పోలీసులు విచారణకు రావాలంటూ నోటీసులు కూడా జారీ చేశారు…
నిజంగానే ఓ మిస్టరీగా మారుతోంది కేసు… ఆమె భగీరథ్తో దిగినట్టు సోషల్ మీడియాలో కనిపిస్తున్న ఫోటోలు ఇద్దరూ ఇష్టపడి దిగినట్టే కనిపిస్తున్నాయి… ఆమె మైనర్ అన్నట్టుగా కూడా కనిపించడం లేదు… సరే, ఒకవేళ హైకోర్టు భగీరథ్ వాదనను పరిగణనలోకి తీసుకుంటే… అమ్మాయి ఏజ్ ప్రూఫ్ అడుగుతుందేమో… ఐనా పోక్సో సెక్షన్లను మార్చి, ఆమె వాంగ్మూలం తీసుకున్నప్పుడు పోలీసులు ఆమె ఏజ్ ఖరారు చేసుకునే ఉంటారు కదా..! మొత్తానికి గందరగోళంగా ఉంది కేసు…
పైగా సంజయ్ కూడా ఆమె మైనర్ కాదని ఎక్కడా అనడం లేదు, తనపై పొలిటికల్ కుట్ర అని చెబుతున్నాడు, అంతే… అమ్మాయి ఫ్యామిలీ స్థితిమంతులేననీ, సంజయ్ కొడుకు మీద హానీ ట్రాప్ వేయాల్సిన ఖర్మ వాళ్లకు లేదని మరో వాదన వినిపిస్తోంది… మరి మొయినాబాద్ ఫామ్హౌజులో ఆరోజు రాత్రి ఏం జరిగింది..? ఇదీ తేలాల్సి ఉంది…
ఒకవేళ అమె మైనర్ కాదని తేలితే కథ ఇక వేరే ఉంటుంది… లేదు, మైనరే అయ్యే పక్షంలో భగీరథ్ మెడకు కేసు బలంగా బిగుసుకున్నట్టే…!! సంజయ్ కేంద్ర మంత్రి కాబట్టి జాతీయ స్థాయిలో ఇది చర్చనీయాంశం అయ్యింది… పొలిటికల్ కలర్స్ కూడా పులమబడుతున్నాయి..!!
Share this Article