మీ ఇంట పండుగ… పాఠకులూ ఆ పెళ్లి వేడుక జరుపుకోవాల్సిందేనా..?!

Prasen Bellamkonda…………   తెలుగు నాట జర్నలిజంలో పేజ్ 3, పేజ్ వన్ లోకి తోసుకొచ్చి ఎంత కాలమైంది… ? ఒకప్పుడు తన తల్లి మరణ వార్తను ప్రముఖంగా ప్రచురించవద్దని నిర్ణయించుకున్న పత్రికా యజమాని పేపర్లోనే ఆయన మనవరాలి పెళ్లి వార్త మూడు ఫుల్ పేజీలకు వ్యాపించింది. రెండు ఫుల్ పేజీల ఫోటోలు, పేజ్ వన్‌లో పావు పేజీ, రెండో పేజీలో అర పేజీ, వెరశి కొంచెం కాదుగానీ చాలా ఎక్కువే… సరే, లోపలి పేజీల్లో ఓకే అనుకున్నా మరీ పేజ్ వన్‌లో, అదీ 13 ప్రతిపక్ష పార్టీలు దేశం మతోన్మాదం పెరుగుతోందని ప్రజలకు రాసిన లేఖ వార్తకంటే పెద్దగా..!! వాటే న్యూస్…? పైగా జీలకర్ర బెల్లం పెట్టారట. మంగళ వాయిద్యాలు మోగాయట. మూడు ముళ్ల బంధంతో ఒకటయ్యారట. ఇంకే పెళ్ళిలోనూ ఇవన్నీ జరగనట్టు…. ఆ పత్రికలో నిత్యం వచ్చే భాషను మించిన సంస్కృతంలో వార్తారచన…