ఉమ్మడి కుటుంబానికే తెలుగు ప్రేక్షకుడు జై… సినిమాల్లో మాత్రమే…

ఇక కె.ఎస్ ప్రకాశరావు విచిత్ర కుటుంబం అంటూ కొన్ని విన్యాసాలు చేశారు. ఇంకా ఆ కుటుంబం, ఈ కుటుంబం ఇలా చాలానే కుటుంబాలొచ్చాయి… ఏ కుటుంబం వచ్చినా ఉమ్మడి కుటుంబానికే మనోళ్లు ఓటేశారు… ప్రభాకరరెడ్డిగారు పండంటి కాపురం సినిమా ప్రారంభిస్తూ కృష్ణను భాగస్వామిగా కలవమన్నప్పుడు ఆయన ఎన్టీఆర్ సలహా అడిగారు.

ఎన్టీఆర్ లైన్ విని ఉమ్మడి కుటుంబ ఔన్నత్యాన్ని చెప్పే కథలు మనోళ్లు ఎప్పుడు తీసినా చూస్తారు … అని చెప్తూ ఓ అద్భుమైన మాట అన్నారుట… ప్రభాకర రెడ్డి గారు రాసి పుణ్యం కట్టుకున్నారు కనుక మనకి తెల్సింది… ఎన్టీఆర్ డైలాగ్ :

ఈ  సలహా చెప్పడంతో కృష్ణ దిగాడు. ఆ సినిమా సూపర్ హిట్ అయ్యింది. అందుకే ఆ సినిమా శతదినోత్సవానికి ఎన్టీఆర్ నే ఛీఫ్ గెస్ట్ గా పిల్చారు. ఆ తర్వాత కూడా విజయబాపినీడు కూడా బొమ్మరిల్లు నుంచీ గ్యాంగ్ లీడర్ వరకు ఉమ్మడి కుటుంబాల గురించి చెప్పే ప్రయత్నం చేస్తూ విజయాలు అందుకుంటూ కొనసాగారు. నాకు అర్ధం కానిదేమంటే … వేరింటి కాపురాలు అరవై ఐదు నాటికే ఊపందుకున్నప్పటికిన్నీ మనోళ్లు ఎందుకు ఇప్పటికీ ఉమ్మడి కుటుంబకథలకు జై కొడతారు అని … అంటే డ్యూయల్ కారక్టరనేగా అర్ధం …

అంచేత ప్రేక్షకులు పరమ– అని అర్దమైంది కదా … ఎన్టీఆర్ ఆరోజుల్లో రెడ్డి గారికి కృష్ణ గారికి చెప్పింది కూడా ఇదే… అదీ సంగతి … పైన ఇచ్చిన ఫుటోలు … ఒకటి ఆదర్శకుటుంబమే బెటరంటున్న అక్కినేని … ఆ రోజులు పోయాయి నాగేస్పర్రావా … ఇప్పుడన్నీ విచిత్రకుటుంబాలే అంటున్న సావిత్రి …