గుణశేఖరుడికి శాకుంతలం తలనొప్పులు… అందుకే రిలీజుకు పురిటినొప్పులు…

మళ్ళీ ఇన్నేళ్లకు ఫామ్ లో లేని గుణశేఖర్ ఈ చిత్ర నిర్మాణానికి పూనుకున్నాడు. గుణశేఖర్ కు ఈ భారీ చిత్రాల పిచ్చి ఏమిటో అర్ధం కాదు. ఇప్పుడు ఈ గ్రాఫిక్స్ పౌరాణికాన్ని ఎవరు చూస్తారు. ఈ వెటరన్, ఔట్ డేటెడ్ దర్శకుడి శకుంతల ట్రైలర్ చూస్తే ఏమనిపిస్తుందంటే… శకుంతల పేరు చెప్పి ఎక్స్పోజింగ్ చేయించటం, సహజత్వానికి దూరంగా మరియు కథ పట్ల అవగాహన లేకుండా ఒక పేషెంట్ యొక్క నీరస ముఖాన్ని కరుణరసంలాగా చూపించాలి అనుకోవడం చికాకు వ్యవహారమే…

శకుంతలకి ప్లాస్టిక్ పూలు, శాటిన్ చీరలు వాడటం, ఋషుల ఆహార్యం పట్ల – పర్ణశాల వగైరా ప్రాపర్టీస్ పట్ల, అవగాహన లేకపోవడం మరియు అశ్రద్ధ స్పష్టంగా కనిపించటం, అప్పటి భాష విషయంలో అజ్ఞానం, కథ పైన పట్టులేకపోవడం, ముక్కు మొఖం తెలియని వాడిని హీరోగా పెట్టి హిందీ సీరియల్ లాంటి సినిమా తీయడం, ఆమీర్పేట్ గ్రాఫిక్స్ వాడటం వంటివి విమర్శలకు గురి అయ్యాయి..,

అవన్నీ సరిదిద్ది మళ్లీ కొన్ని భాగాలు చిత్రీకరణ చేయాలి అంటే స్క్రిప్టు మార్చాలి మరియు reshoot చేయాలి , సెట్టింగ్స్, ప్రాపర్టీస్, vfx మార్చాలి, అందరికీ డేట్స్ కుదరాలి, బడ్జెట్ పెంచాలి, దీనికి ప్రొడ్యూసర్ ఒప్పుకోవాలి. చిత్రీకరణ వెనుక – విడుదల వెనక, ఆర్థికంగానే కాదు గుణశేఖరుడికి ఇంకా చాలా తలపోట్లు ఉన్నాయ్. అవన్నీ దాటుకొని విడుదల చేసుకోలేక వాయిదా వేస్తున్నారు. ఎప్పుడూ కమర్షియల్ యాంగిల్ లో ఆలోచించే దిల్ రాజు ఇందులో ఇన్ వాల్వ్ అవ్వటం ఆశ్చర్యమే…