ఇండియన్ ఆర్మీ చేతిలో బ్రహ్మాస్త్రం… చైనా దగ్గర జవాబు లేదు దానికి…

*******************

బ్రహ్మోస్ మొదటి వర్షన్ ని విజయవంతంగా పరీక్షించినపుడు అంతర్జాతీయ రక్షణ రంగ నిపుణులు భారత్ ని పొగడ్తలతో ముంచెత్తినా, రేంజ్ విషయంలో కొంచెం అసంతృప్తిని ప్రకటించారు. భారత్ లాంటి పెద్ద దేశంకి 280 KM దూరం వెళ్లి టార్గెట్ ని పిన్ పాయింట్ యాక్యురేసితో కొట్టే సూపర్ సానిక్ మిసైల్ ఉండడం మంచిదే అయినా అది పాకిస్తాన్ ని దెబ్బతీయడానికి పనికి వస్తుంది, అదీ సరిహద్దుల దగ్గర నుండి ప్రయోగించాలి.

సరిహద్దుల్లో మోహరించడం వలన శత్రువు కంట పడే ప్రమాదం ఎప్పుడూ ఉంటుంది కాబట్టి కనీసం 500 km రేంజ్ ఉంటే అప్పుడు పశ్చిమ దేశాలకి మరియు చైనాకి సవాల్ విసిరినట్లుగా ఉంటుంది అని వ్యాఖ్యానించారు. వాళ్ళ వ్యాఖ్యలలో ఎలాంటి తప్పు లేదు. వాళ్ళు చేసిన విమర్శ అసంతృప్తితో చేసిందే కానీ భేదభావంతో చేసింది కాదు!

*********************

2021 లో బ్రహ్మోస్ ఎయిర్ లాంచ్ వెర్షన్ అయిన బ్రహ్మోస్ NG (New Generation) ని సుఖోయ్ Su-30 MKI తో అనుసంధానం చేసి ప్రయోగించినపుడు హర్షం వ్యక్తం చేశారు. అవసరం అయితే సరిహద్దు దాటి గంటకి 1800 km వేగంతో ప్రయాణిస్తూ బ్రహ్మోస్ NG ని ప్రయోగించి అదేవేగంతో తిరిగి మన సరిహద్దులలోకి వచ్చేయవచ్చు SU30 MKI. చాలా ఎత్తునుండి ప్రయోగించడం వలన బ్రహ్మోస్ కి భూమ్యాకర్షణ తోడవడంతో వేగంతో పాటు రేంజ్ కూడా 50 KM పెరుగుతుంది!

******************

కానీ బ్రహ్మోస్ ER రేంజ్ వచ్చేసి 500 KM. YES! మూడేళ్లు తిరక్కుండానే వెస్ట్రన్ విశ్లేషకులని ఆశ్చర్యపరిచింది DRDO! మేము మరో రెండేళ్లు అంటే 2026 కి మొదటి ట్రయల్ ఉంటుంది అనుకున్నాము కానీ ముందే వచ్చేసింది అని వాపోయారు. ఈనెల 10 తారీఖున ఏకంగా ఆర్మీలో ప్రవేశపెట్టడానికి గాను అండమాన్ దీవుల నుండి పరీక్షించిన ఆర్మీ సంతృప్తిని వ్యక్తం చేసింది.

రాడార్ కి దొరక్కుండా 500 km దూరం వెళ్లి దాడి చేయడం అనేది నిజంగా గేమ్ చేంజర్. లడాక్ నుండి ప్రయోగిస్తే టిబెట్ లోని జిన్ జియాంగ్ ప్రావిన్స్ లో ఉన్న చైనా ఎయిర్ బేస్ ల మీద దాడిచేయగల సత్తా ఇప్పుడు మనకి వచ్చేసింది. అదే బ్రహ్మోస్ ER ఎయిర్ లాంచ్ వర్షన్ SU 30 నుండి అయితే పని ఇంకా సులభం అవుతుంది.బ్రహ్మోస్ విషయంలో చైనా దగ్గర కూడా సమాధానం లేదు!

*****************

మరి చైనా దగ్గర ఉన్న S-400 ఎయిర్ డిఫెన్స్ ఏమీ చేయలేదా? ప్రతీ ఎయిర్ డిఫెన్స్ సిస్టంకి రెస్పాండ్ అయ్యే సమయం అనేది ఉంటుంది… రెస్పాండ్ అయ్యే సమయం ఆయా ఎయిర్ డిఫెన్స్ సిస్టంల మీద ఆధారపడి ఉంటుంది! నేను ఒక ఉదాహరణ చెప్తాను: ఆధునిక ఎయిర్ డిఫెన్స్ సిస్టంతో ఆటోమాటిక్, మాన్యువల్ అని రెండు రకాల మోడ్ లు ఉంటాయి. మాన్యువల్ మోడ్ లో కమాండ్ సిస్టం మీద ఆపరేటర్స్ ఉంటారు. వీళ్ళు నిత్యం రాడార్ ని పర్యవేక్షిస్తూ ఉంటారు.ఒకవేళ రాడార్ మీద ఏదన్నా ఆబ్జెక్టు కనపడితే వెంటనే ట్రాక్ చేయడం మొదలు పెడతారు.

వచ్చేది ఫ్రెండా లేక శత్రువా అని తెలుసుకున్నాక మిసైల్ ఫైర్ చేస్తారు. ఈ మొత్తం ప్రక్రియకి 8 నుండి 12 సెకన్ల సమయం పడుతుంది. మామూలు సబ్ సానిక్ క్రూయిజ్ మిసైల్ కి అయితే 12 సెకన్ల సమయం తీసుకొని కూల్చేయవచ్చు. కానీ మాక్ 3 లేదా 4 స్పీడ్ తో వెళ్లే బ్రహ్మోస్ ని కూల్చాలి అంటే అది 4 సెకన్లలో చేయాలి.

కానీ డిటెక్ట్ చేయడానికి 3 సెకన్లు, దానిని ట్రాక్ చేయడానికి 3 సెకన్లు, ఫైర్ కంట్రోల్ రాడార్ కి ఆర్డర్ ఇవ్వడానికి 4 సెకన్ల సమయం పడుతుంది.ఆ తరువాత ఫైర్ చేసినా ఉపయోగం ఉండదు. అప్పటికే బ్రహ్మోస్ వెళ్ళిపోయి ఉంటుంది. రష్యా బ్రహ్మోస్ ER ల కోసం ఎదురు చూస్తున్నది. బహుశా వచ్చే వారం ఆర్డర్ చెయ్యచ్చు. బ్రహ్మోస్ లో రష్యాకి 48% స్టేక్ ఉంది…