చాలాసార్లు చదివిందే కావచ్చుగాక… మరోసారి నెమరేసుకొండి… అవసరం…

కొన్ని గంటల్లో ఏడుపుల శబ్దం

పూర్తిగా ఆగిపోతుంది

మీ కుటుంబ సభ్యులు బంధువుల కోసం భోజనాలు తయారు చేయించి

వడ్డీంచడంలో బిజీగా ఉంటారు

మీ మనవళ్లు మనవరాండ్రు అటు ఇటు పరిగెడుతూ ఆడుకుంటూ ఉంటారు

వయసులో ఉన్న యువతీ యువకులు

ఒకరినిఒకరు చూసుకుంటూ

రొమాంటిక్ చిరునవ్వుతో ఫోన్ నంబర్లను

మార్చుకునే పనిలో ఉంటారు

వయసు మళ్ళిన కొందరు

లోకాభిరామాయణం మాట్లాడుకుంటూ

టీ తాగుతూ సమయం గడపుతారు

మీ అంత్యక్రియలు జరిపిన తరువాత

మిగిలిన వ్యర్ధాలను మీ ఇంటి నుంచి

దూరంగా విసిరి పరిసరాలను

పాడుచేసి ఉంటారని భావించి

మీ పొరుగువారు కోపంగా ఉంటారు

అత్యవసర పరిస్థితి కారణంగా

వ్యక్తిగతంగా రాలేకపోవడంపై

మీ బంధువొకరు మీ కుమార్తెతో

ఫోన్‌లో మాట్లాడుతూంటారు

మరుసటి రోజు

కొంతమంది బంధువులు వెళ్లిపోతారు

మిగిలిన వారిలో ఒకరు

కూరలో తగినంత ఉప్పు లేదని

ఆనాటి విందులో ఫిర్యాదు చేసుండొచ్చు

అంత్యక్రియల ఖర్చు భరించే మీవారిలో ఒకరు

మీఅంత్యక్రియలకు అవసరానికి మించి

ఎక్కువ ఖర్చు చేశారని గొడవలాడవచ్చు

జనం మెల్లగా ఒకరి తర్వాత మరొకరు

వెళ్లిపోవడం మొదలవుతుంది

మీరు చనిపోయారని తెలియక

కొంతకాలం మీ ఫోన్‌కి కొన్ని కాల్స్ రావచ్చు

మీ ఆఫీస్ వాళ్ళు మీస్థానంలో

వేరొకరిని నియమించుకొనే పనిలో ఉంటారు

మీ మరణ వార్త విన్న ఒక వారం తరువాత

కొంతమంది ఫేస్‌బుక్ స్నేహితులు విచారంతో

మీ చివరి పోస్ట్ ఏమిటో తెలుసుకోవడానికి

ఆసక్తిగా వెతకవచ్చు

అత్యవసర సెలవు ముగిసిన రెండు వారాలలో

మీ కొడుకో కుమార్తో తిరిగి

ఆఫీస్ పనులకు వెళ్ళిపోతారు

మీ జీవిత భాగస్వామి

నెలతిరిగే సరికల్లా అన్నీ మర్చిపోయి

ఎదో ఒక కామెడీ షో చూస్తు

హాయిగా గడుపుతుంటారు

మీ బంధువులు

సినిమాలుచూస్తూ షికార్లు చేస్తూ

సరదాగా కాలం గడుపుతూ ఉంటారు

ఈ ప్రపంచంలోని అందరూ

అతిత్వరగా నిన్ను పూర్తిగా మరచిపోతారు.

ఈలోగా మీ మొదటి సంవత్సరం వర్ధంతి వస్తుంది

మీ వాళ్ళు ఘనంగా జరుపుకుంటారు

ఏదో ఒక రోజు

పాత ఫోటోలు చూస్తూ

మీ స్నేహితుడొకరు మిమ్మల్ని గుర్తుపట్టవచ్చు

వీరందరినీ సంతృప్తి పరచడానికి మీరు జీవితాన్ని గడుపుతున్నారా? దాని వల్ల ఉపయోగం లేదు..

జీవితం ఒకటే మిత్రమా!

దానిని జీవించు మిత్రమా!!

■■■■

రచయిత ఎవరో తెలియదుగాని వాట్సప్ సేకరణ. చిన్నచిన్న మార్పులతో… (ఇందులో లేనివి కూడా చాలా జరగొచ్చు… ఆస్తి తగాదాలు, తన్నులాటలు గట్రా… మీ ఫ్రెండ్స్ తమ ఫోన్ కంటాక్టుల నుంచి నిర్వికారంగా మీ నంబర్ డిలిట్ చేస్తారు… ఫేస్‌బుక్‌లో మీ ప్రొఫైల్ డిలిట్ చేస్తారు… వాట్సప్ గ్రూపుల నుంచి మీ నంబర్ రిమూవ్ అయిపోతుంది… ఇలాంటివి… ఎవరి కోసమూ ఏదీ ఆగదు… మన జర్నీ ముగిసింది, స్టేషన్ రాగానే దిగిపోయాం… అంతే… రైలు అలా సాగిపోతూనే ఉంటుంది…)