Subramanyam Dogiparthi… ప్రముఖ బాలీవుడ్ నటి రేఖ హీరోయిన్ గా నటించిన మొదటి చిత్రం 1970 లో వచ్చిన ఈ అమ్మకోసం సినిమా . అప్పుడు ఆమెకు 15-16 సంవత్సరాల వయసు . కృష్ణంరాజు జోడీగా నటించింది . అప్పుడు గుండ్రటి మొహం ఆమె తల్లిలాగా . బొంబాయి వెళ్ళాక కోల మొహం అయింది . సినిమాలో చూసేటప్పుడు కూడా ఈమె రేఖనా అని అనుమానం వస్తుంది . బాలనటిగా రంగులరాట్నంలో కనిపించింది .
చిన్ని బ్రదర్స్ బేనర్ మీద అంజలీదేవి నిర్మించిన ఈ సినిమాకు బి వి ప్రసాద్ దర్శకులు . Above average mother-sentiment emotional feel good movie and good movie too . కృష్ణ , కృష్ణంరాజు , రేఖ , విజయనిర్మల , గుమ్మడి , అంజలీదేవి , నాగయ్య , ధూళిపాళ , రమణారెడ్డి , రాజబాబు , గీతాంజలి , నాగభూషణం , అల్లు రామలింగయ్య ప్రభృతులు నటించారు .
రేపు వత్తువు గానీ అనే పాటకు గీతాంజలి శాస్త్రీయ నృత్యం చాలా బాగుంటుంది . గీతాంజలి కూడా తెలుగు సినిమా రంగాన్ని బాగానే ఏలింది . శాస్త్రీయ నృత్యాలు , క్లబ్ డాన్సులు , వాంప్ పాత్రలు , చెల్లెలు పాత్రలు చాలానే నటించింది .
Ads
కృష్ణ , విజయనిర్మల మీద రెండు పాటలు , కృష్ణంరాజు , రేఖల మీద ఒక పాట కలర్లో తీసారు . పాపికొండల వద్ద షూటింగ్ సమయంలో తుఫాను వచ్చి , యూనిట్ అంతా చాలా ఇబ్బంది పడ్డారట . రాజమండ్రిలోనే సుమారు పదిహేను రోజులు ఉండాల్సి వచ్చిందట . కృష్ణ , విజయనిర్మల గోదావరిలో బోట్ హౌసులో బస చేసినప్పుడు తుఫానుకి బోటుకి రంధ్రం పడి నీళ్లు వచ్చాయట . స్టంట్ మాస్టర్ రాఘవులు బోటుకి తాళ్ళు కట్టి ఒడ్డుకు లాగారట . స్టంట్ మాస్టర్ కదా !
పాపి కొండల కాడ పాల మబ్బుల నీడ , అదే అదే పదే పదే ప్రియా , ఈ లోయలోనా ఈ పాయలోనా , అందాల వలపు జంట కలల పంట , గువ్వలా ఎగిరిపోవాలి పాటలు థియేటర్లో చాలా శ్రావ్యంగా ఉంటాయి . కొన్ని పాటలు బయట కూడా బాగానే వినిపిస్తుంటాయి . అంజలీదేవి భర్త ఆదినారాయణరావు సంగీత దర్శకులు .
మా నరసరావుపేటలో చూసా . ఈమధ్యనే టి విలో కూడా కాసేపు చూసా . యూట్యూబులో కూడా ఉంది . చూడబులే . చూడండి . 1970 లో బొంబాయికి షిఫ్ట్ కాక ముందు రేఖ ఎలా ఉండేదో చూడాలి కదా ! #తెలుగుసినిమాలసింహావలోకనం #తెలుగుసినిమాలు #telugureels #telugumovies #telugucinema
Share this Article