.
Subramanyam Dogiparthi …….. చట్టానికి న్యాయానికి జరిగిన ఈ సమరంలో అనే పాట వినగానే గుర్తుకొస్తుంది ఈ జస్టిస్ చౌదరి సినిమా . జస్టిస్ చౌదరి సినిమా అనగానే గుర్తుకొస్తుంది ఈ పాట . అంత ఐకానిక్ సాంగ్ . ఈ పాటలో యన్టీఆర్ హావభావాలు , నటన సూపర్బ్ .
చక్రవర్తి సంగీత దర్శకత్వం వహించిన ఈ సినిమా గొప్ప మ్యూజికల్ హిట్ కూడా . ఈ సినిమాలోని పాటల విశేషం ఏమిటంటే సినిమాలో ఉన్న ఏడు పాటలూ యన్టీఆర్ మీదనే . ఏడూ ఆయన రెండు పాత్రలే పాడుతాయి .
Ads
నీ తొలిచూపులోనే ప్రేమకు పెళ్ళికి వంతెన వేసిన పాట వేటూరి చాలా బాగా వ్రాసారు . Of course . పాటలన్నీ ఆయనే వ్రాసారు . అన్నీ బాగుంటాయి . ఈ పాటలో యన్టీఆర్ , శారదను రాఘవేంద్రరావు చాలా అందంగా చూపుతారు . శ్రీలక్ష్మి పెళ్ళికి చిరునవ్వు కట్నం అంటూ సాగే పాట మొత్తం చౌదరి గారి కుటుంబం మీద ఉంటుంది . ముచ్చెర్ల అరుణకు , రాజ్యలక్ష్మికి యన్టీఆర్ తో నటించే మహదవకాశం .
మిగిలిన నాలుగు పాటలూ యన్టీఆర్- శ్రీదేవిల మీదే . ఇద్దరూ రెచ్చిపోయి డాన్సిస్తారు . నీ చెక్కిలి వెల ఎంత హ పాటలో హ అంటూ బాలసుబ్రమణ్యం , సుశీలమ్మలు భలే అంటారు . అబ్బ ముసురేసింది , ఒకటో నంబర్ , ముద్దు మీద ముద్దు పాటలకు యన్టీఆర్ అభిమానులు థియేటర్లో గంతులు కూడా వేసారు .
1982 మే 28 అంటే యన్టీఆర్ పుట్టినరోజున రిలీజయిన ఈ బ్లాక్ బస్టర్ 32 సెంటర్లలో వంద రోజులు , ఆరు సెంటర్లలో సిల్వర్ జూబిలీ , ఒక సెంటర్లో 250 రోజులు ఆడింది . ఈ సినిమా నడుస్తుండగానే మరో బ్లాక్ బస్టర్ బొబ్బిలి పులి విడుదలయినా జస్టిస్ చౌదరి నిరాఘాటంగా జైత్రయాత్ర కొనసాగించటం విశేషం .
రొటీన్ కధే అయినా కధను దర్శకుడు నడిపించిన తీరు సినిమా ఘనవిజయానికి ప్రధాన కారణం . ముఖ్యంగా లాయర్ , జడ్జి పాత్రల్లో యన్టీఆర్ ఆహార్యం , పైప్ , మీసకట్టులను రాఘవేంద్రరావు అద్భుతంగా డిజైన్ చేసారు .
ఎందుకనో శ్రీదేవిని అతిలోకసుందరిగా చూపలేదు ఈ సినిమాలో . ఇతర ప్రధాన పాత్రల్లో జయంతి , రావుగోపాలరావు , అల్లు రామలింగయ్య , సత్యనారాయణ , ప్రభాకరరెడ్డి , నగేష్ , శ్రీధర్ , సుభాషిణి , ప్రభృతులు నటించారు . కాసేపు సత్యనారాయణ ద్విపాత్రాభినయం ఉంటుంది .
రాఘవేంద్రరావే జితేంద్ర , శ్రీదేవిలతో హిందీలోకి రీమేక్ చేసారు . తమిళంలో శివాజీ గణేశన్ , కె ఆర్ విజయ , సుజాత , రాధికలతో రీమేక్ అయింది . మళయాళంలో జస్టిస్ రాజా టైటిలుతో ప్రేం నజీర్ , మేనక , కె ఆర్ విజయ , సుజాతలతో రీమేక్ అయింది .
సినిమా , పాటల వీడియోలు అన్నీ యూట్యూబులో ఉన్నాయి . యన్టీఆర్ అభిమానుల్లో చూడనివారు ఎవరూ ఉండరు . ఒకరూఅరా ఉంటే చూసేయండి . ఊర్వశి శారద అభిమానులు కూడా తప్పక చూడండి .
రాఘవేంద్రరావు శారదను కూడా గ్లామరస్సుగా చూపారు . A great entertaining , musical block buster . #తెలుగుసినిమాలసింహావలోకనం #సినిమా_కబుర్లు #తెలుగుసినిమాలు
Share this Article