ఈటీవీ జబర్దస్త్ అనబడే బూతు జోకుల షో నుంచి సీనియర్ యాంకరిణి అనసూయ కూడా జంప్… ఈటీవీ, మల్లెమాలకు మరో బిగ్ షాక్… ఓ దశలో రష్మి, అనసూయ డిష్యూం డిష్యూం నడిచిన రోజులు గుర్తున్నాయి కదా… బయట సినిమా చాన్సులు వస్తున్నా సరే అనసూయ ఈ జబర్దస్త్ షోను మాత్రం విడిచిపెట్టలేదు… అలాంటిది అకస్మాత్తుగా ఆమె మల్లెమాలకు బై బై చెప్పడం విశేషమే… ఎందుకంటే… జబర్దస్త్ అనగానే రష్మి, అనసూయలే గుర్తొస్తారు కాబట్టి…
ఆల్రెడీ మల్లెమాలకు సుడిగాలి సుధీర్ గుడ్ బై చెప్పడం ఈటీవీ షోలకు పెద్ద మైనస్… ఓ దశలో జబర్దస్త్ స్కిట్లలో సుధీర్, హైపర్ ఆది స్కిట్లు పరస్పరం పోటీపడేవి… మిలియన్ల కొద్దీ యూట్యూబ్ వ్యూస్‌తో అదరగొట్టేవి… హైపర్ ఆది జబర్దస్త్ వదిలేశాడు… ఢీ, శ్రీదేవి డ్రామా కంపెనీల్లో కొనసాగుతున్నాడు, కానీ ఎన్నాళ్లో తెలియదు… జబర్దస్త్ షో దిక్కూదివాణం లేకుండా కొట్టుకుపోతోంది ఇప్పుడు…
ఆగండాగండి… అప్పుడే అయిపోలేదు… సుడిగాలి సుధీర్ ఆల్రెడీ సూపర్ సింగర్స్ జూనియర్ షోను హోస్ట్ చేస్తున్నాడు కదా… ఇప్పుడు శ్రీదేవి డ్రామా కంపెనీకి పోటీగా మాటీవీ ప్లాన్ చేసిన మాసూపర్‌సండే అనే షోను హోస్ట్ చేయబోతున్నాడు… దానికి అనసూయ కూడా సై అంది… మాటీవీ ఆస్థాన కమెడియన్లందరితోనూ షో రన్ చేస్తారు, ప్రతి సండే ప్రసారం చేస్తారు… ఆ దెబ్బకు శ్రీదేవి డ్రామా కంపెనీ మటాష్…
Ads
ఇంకా ఉంది… అనసూయ ఇంకో షో ఒప్పుకుంది… జబర్దస్త్ షోకు దీటుగా మాటీవీ కామెడీ స్టార్స్ ప్రసారం చేస్తుంది కదా… అది టీవీ రేటింగుల్లో ఎంతకూ పైకి రావడం లేదు… ఇప్పుడు ఆమెను జడ్జిగా తీసుకొస్తున్నారు… శేఖర్ మాస్టర్‌కు ఇక ఉద్వాసనే… హైలైట్ ఏమిటంటే… జబర్దస్త్‌లో రష్మి, అనసూయ యాంకరింగ్ చేసినట్టుగానే ఆ కామెడీ స్టార్స్ షోకు సుడిగాలి సుధీర్ యాంకర్‌గా వ్యవహరించబోతున్నాడు… అనసూయకు భారీ పారితోషికం ఆఫర్ చేసి మరీ ఈటీవీ నుంచి లాగేశారు… ఇక సుధీర్ మాటీవీలో గట్టిగా ఫిక్సయిపోయినట్టే…
అయిపోలేదు… ఈటీవీలో ఢీ షో వస్తుంది కదా… ఆ డాన్స్ షోకు యాంకర్ ప్రదీప్ పెద్ద అస్సెట్… ఆమధ్య సుధీర్, రష్మిలను ఆ షో నుంచి తరిమేశారు కదా… ఇప్పుడు ప్రదీప్ కూడా వెళ్లిపోతున్నాడు… మల్లెమాలకు గుడ్ బై చెప్పేస్తున్నాడు… ఇప్పుడక్కడ జడ్జిలుగా ఎవరొస్తున్నారో, ఎవరు పోతున్నారో ఎవరికీ తెలియదు… కాస్తోకూస్తో ఊతకర్రగా నిలబడిన ప్రదీప్ కూడా వెళ్లిపోతున్నాడు… ఇక హైపర్ ఆది కూడా ఒక్కడే చూసుకోవాలి దాన్ని… మరోవైపు ఢీకి దెబ్బతీయడానికి అల్లు అరవింద్ తన ఆహా ఓటీటీలో ఓంకార్ నేతృత్వంలో ఓ డాన్స్ షో స్టార్ట్ చేయబోతున్నాడు, ఆడిషన్స్ స్టార్టయ్యాయి కూడా…
ఇప్పటికే ఈటీవీలో వచ్చే స్వరాభిషేకం, పాడుతా తీయగా షోలకు దెబ్బ అన్నట్టుగా తెలుగు ఇండియన్ ఐడల్ షో నిర్వహించారు… త్వరలో రెండో సీజన్ ఉంటుంది… జీటీవీలో వచ్చే సరిగమప సరేసరి… బాలయ్య unstoppable షో దెబ్బ ఆల్రెడీ ఆలీ షో మీద బాగా ఉంది… త్వరలో బాలయ్య సెకండ్ సీజన్ స్టార్ట్ కానుంది… ఇలా ఈటీవీలో వచ్చే ప్రతి రియాలిటీ షో మీద దెబ్బలు, షాకులు… దీనికితోడు మల్లెమాల స్వయంకృతాలు బోలెడు… క్యాష్, ఆలీతో సరదాగా షోలను పూర్తిగా సినిమా ప్రమోషన్లకు అంకితం చేస్తున్నారు… వావ్ షో పరిధి తక్కువ… వెరసి ఈటీవీ పరిస్థితి రాను రాను మరింత గందరగోళంలోకి…!! రష్మీ… నీకేమైనా అర్థమవుతోందా..?!
Share this Article