చైనా తొత్తుగా బతికినా సరే… చివరకు కష్టకాలంలో అదీ వదిలేసింది…

గోటబయ చేసిన మరో తప్పిదం ఏమిటంటే తన అధ్యక్ష పదవికి రాజీనామా చేయకుండా దేశం వదిలి వెళ్ళిపోవడం. ఇప్పుడు శ్రీలంకలో పరిపాలన చేయడానికి మంత్రులు అంటూ ఎవరూ లేకపోవడంతో సైన్యం దేశాన్ని తన అధీనంలోకి తీసుకునే అవకాశం ఉంది. కానీ సైన్యం మాత్రం ఏం చేయగలుగుతుంది ? అన్నీ సవ్యంగా ఉండి ఉంటే సైన్యం పరిపాలన చేయగలుగుతుంది కానీ లంక సెంట్రల్ బాంక్ లో డాలర్లు లేవు. ఇక పెట్రోల్, డీజిల్ నిల్వలు రేషన్ పద్ధతిలో ఇస్తున్నారు.

ప్రజలు పెట్రోల్, డీజిల్ కోసం పెట్రోల్ బంకుల దగ్గర పడిగాపులు కాస్తున్నా క్యూ ఉన్న వాళ్ళకి కనీసం 2 లీటర్ల పెట్రోల్ దొరకడానికి రెండు రోజులు పడుతున్నది. విద్యుత్ సరఫరా అయితే రోజులో కొన్ని గంటలు మాత్రమే సరఫరా అవుతున్నది. ఇక నిత్యావసర వస్తువుల ధరలు 300% పెరిగిపోయాయి. శ్రీలంక ద్రవ్యోల్బణం రేటు వచ్చేసి ప్రస్తుతం 54.6% గా ఉన్నది. ఈ పరిస్థితుల్లో సైన్యం దేశాన్ని అధీనంలోకి తీసుకున్నా పరిస్థితిలో మార్పు ఉండదు, పైగా విదేశీ సహయం చేయడాని ఏ దేశం కూడా ముందుకు రాదు సైన్యం చేతిలో అధికారం ఉంటే !

సహాయం చేయడానికి ప్రస్తుతం ఏ దేశం కూడా సిద్ధంగా లేదు శ్రీ లంకకి ! బహుశా శ్రీలంక ప్రతిపక్షం నుండి ఎవరినన్నా అధ్యక్షుడిగా ఎన్నుకుంటే అదీ అంతర్జాతీయ ద్రవ్య నిధి షరతులకి ఒప్పుకుంటే తప్పితే బెయిల్ అవుట్ పాకేజీ ఇవ్వదు. శ్రీలంకకి నేడు ఈ దుస్థితి రావడానికి ప్రధాన కారణం కేవలం కుటుంబ రాజకీయాలే ! స్వాతంత్ర్యం వచ్చినప్పటి నుండి అయితే బండారు నాయకే కుటుంబము లేకపోతే రాజపక్ష కుటుంబాలే శ్రీ లంకని పరిపాలిస్తూ వచ్చాయి.