Subramanyam Dogiparthi…. చరణ కింకిణులు ఘల్లుఘల్లుమన , నిర్మాత బాలయ్యకు డబ్బులు గల్లుగల్లుమని రాలగా … తెలుగు వారి అందాల నటుడిగా పేరు తెచ్చుకున్న శోభన్ బాబు డీగ్లామర్ పాత్రలో ప్రేక్షకులను మెప్పించిన గొప్ప మ్యూజికల్ హిట్ 1971 లో వచ్చిన ఈ చెల్లెలి కాపురం సినిమా .. సినిమా తపస్వి కె విశ్వనాథ్ కళాతపస్వి విశ్వనాథ్ గా రూపాంతరం చెందే క్రమంలో వచ్చిన తొలి సినిమా అని కూడా పేర్కొనవచ్చేమో !
అన్నాచెల్లెళ్ళ సెంటిమెంట్ ఎవర్ గ్రీన్ అనేందుకు ఈ సినిమా మరో తార్కాణం . తమిళంలో MGR , జయలలితలతో రీమేక్ చేయబడింది . మన తెలుగు సినిమాకు పేరు , డబ్బులతో పాటు ఉత్తమ చిత్రంగా బంగారు నంది అవార్డు కూడా వచ్చింది . చక్కటి చిత్రం . చూడకపోతే ఓ కళాఖండాన్ని మిస్సయినట్లే . యూట్యూబులో ఉంది . తప్పక చూసి ఆస్వాదించండి . మా నరసరావుపేటలో సత్యనారాయణ టాకీసులో చూసా . టివిలో ఎప్పుడొచ్చినా కాసేపయినా చూస్తుంటా . వాణిశ్రీ అభిమానిని కదా ! #తెలుగుసినిమాలసింహావలోకనం #తెలుగుసినిమాలు
Share this Article
Ads