పార్ధసారధి పోట్లూరి ………… చైనా –తైవాన్ వివాదం 03… ఉక్రెయిన్ విషయంలో రష్యా విఫలం అయితే అది ప్రత్యక్షంగా తైవాన్ మీద ప్రభావం చూపిస్తుంది ! చైనా తైవాన్ ని ఎట్టి పరిస్థితులలోనూ వదులుకోవడానికి ఇష్టపడదు ! చైనాకి మనుగడకి ఆధారమయిన గ్లోబల్ సప్లై చైన్ యొక్క ఆధిపత్యాన్ని తైవాన్, వియత్నాం, ఇండోనేషియా, మలేషియాలతో పాటు భారత్ కి వదులుకోవాల్సి వస్తుంది తైవాన్ తన అధీనంలో నుండి వెళ్లిపోతే !
ఈ రోజు కాకపోతే మరో రోజు లేదా సంవత్సరం పడుతుంది తైవాన్ విషయంలో ఘర్షణ రావడానికి ! చైనా గత సంవత్సరం నుండే అంటే రష్యా ఉక్రెయిన్ మీద దాడి మొదలుపెట్టినప్పటి నుండి తన ప్రయత్నాలు ప్రారంభించింది ! ఇక్కడ ప్రయత్నాలు అంటే కేవలం తైవాన్ ని మాత్రమే ఎదుర్కోవడం కాదు. తైవాన్ కి అండగా అమెరికాతో పాటు బ్రిటన్ ఇతర నాటో దేశాలు ఆయుధాలని ఇస్తాయి ఒక్క జర్మనీ తప్ప!
జర్మనీ ఎందుకు తైవాన్ కి సహకరించదు ?
Ads
జర్మన్ దిగ్గజ పారిశ్రామిక సంస్థలు అయిన సీమెన్స్ [Siemens] BMW, Volvo లతో పాటు పలు ఫార్మా సంస్థలు చైనా నుండి వచ్చే సప్లైస్ మీద ఆధారపడి తమ మనుగడ సాగిస్తున్నాయి ! ఒకవేళ జర్మనీ కనుక తైవాన్ వైపు మొగ్గు చూపితే అది ఆత్మహత్య సదృశం! రష్యా విషయంలో పూర్తిగా కలుగచేసుకోకపోయినా చైనా విషయంలో అమెరికా ICBM [Inter Continental Ballistic Missile] లని ప్రయోగించడానికి వెనకాడక పోవచ్చు !
So, ముందు జాగ్రత్తగా భూమి మీద నుండి ప్రయోగించే ICBM లని ప్రయోగించే సీలోస్ [Silos అంటే భూగర్భంలో మిసైళ్ళని భద్రపరిచే నిలువు సొరంగాలు] ఎక్కడెక్కడ ఉన్నాయో కనుక్కోవడానికే చైనా తన స్పై బలూన్ లని ప్రయోగించింది ! ఉపగ్రహాల నుండి రక్షణగా వాటిమీద డిజిటల్ కామోఫ్లాజ్ లు పెడతారు కాబట్టి అవి ఇచ్చే చిత్రాలు అంత ఖచ్చితంగా ఉండవు!
చైనా ప్రయోగించిన స్పై బలూన్ కింది భాగంలో హై రిజల్యూషన్ కెమెరాని అమర్చింది. దానికి కావాల్సిన విద్యుత్ కోసం పెద్ద సోలార్ పానెల్ ని బలూన్ కింద అమర్చింది! ముందు కెనడా మీదుగా ఎగురుతూ తరువాత కెనడా నుండి అమెరికా భూభాగం మీదకి వచ్చింది స్పై బలూన్ ! నిజానికి స్పై బలూన్ ని మనకి ఇష్టం వచ్చినట్లు దిశ మార్చలేము కానీ చైనా ఆ పని చేయగలిగింది అదే విచిత్రం !
అమెరికాలోని Montana లో ఉన్న ICBM సీలోస్ ఉన్న ప్రాంతం మీదుగా భూమికి 80 వేల అడుగుల ఎత్తులో ఎగురుతూ ఆ దృశ్యాలని నేరుగా ఉపగ్రహానికి ప్రసారం చేసింది స్పై బలూన్ ! చైనా ఉపగ్రహం నుండి తన ఎర్త్ స్టేషన్ ద్వారా ఫోటోలు, వీడియోలు డౌన్ లోడ్ చేసుకుంది!
****************
చైనా బహుముఖ వ్యూహం దాగుంది స్పై బలూన్ ప్రయోగించడం ద్వారా !
1. 80 వేల అడుగుల ఎత్తులో ఎగురుతూ వెళితే ఏ దేశం దానిని కనుక్కోగలుగుతుంది అనే విషయాన్ని తెలుసుకోవచ్చు !
2. 80 వేల అడుగుల ఎత్తులో వెళ్ళే స్పై బలూన్ ని ఏ దేశం దానిని నాశనం చేయగలుతుంది అనే విషయాన్ని తెలుకోవచ్చు !
3. అదే బలూన్ ద్వారా ఎంత బరువు ఉన్న బాంబులని ఎంత దూరం మోసుకొని వెళ్లగలదు. ఇదొక ప్రయోగం అన్నమాట !
4. మామూలు యుద్ధ విమానాల ఎగిరే ఎత్తు 50 వేల అడుగులు !
5. ప్రయాణీకుల విమానాలు ఎగిరే గరిష్ట ఎత్తు 40 వేల అడుగులు !
6. అదే అమెరికా దగ్గర ఉన్న స్పై విమానాలు 80 వేల అడుగుల ఎత్తులో ప్రయాణించగలవు! కానీ అవి కేవలం గూఢచార విమానాలు కాబట్టి ఎలాంటి మిస్సైళ్ళ ని తీసుకెళ్లలేవు !
చైనా తన స్పై బలూన్ ద్వారా చాలా సమాచారాన్ని సేకరించగలిగింది. ముఖ్యంగా Montana లో ఉన్న ICBMలు నిల్వ చేసిన ప్రాంతం యొక్క GPS కోఆర్డినేట్ ని రికార్డ్ చేసుకుంది.
*****************************
చైనా ప్రయోగించిన స్పై బలూన్ ని సులభంగానే పేల్చివేయగలిగిందా అమెరికా ? అష్ట కష్టాలు పడింది అమెరికా ! వినడానికి ఆశ్చర్యంగానే ఉన్నా ఇది వాస్తవం ! గత జనవరి నెల చివరిలో చైనా స్పై బలూన్ ని గుర్తించిన అమెరికా దానిని ఎలా కూల్చివేయాలో అర్ధం కాలేదు ! ఎందుకంటే అది వేగంగా ప్రయాణించట్లేదు. ఎలాంటి వేడిని విడుదల చేయట్లేదు. మరి ఎలా ? పలు విధాలా తర్జన భర్జనల అనంతరం చివరికి F-22 రాప్టర్ ని ఉపయోగించాలి అనే నిర్ణయం తీసుకున్నారు!
ఎందుకు అంత ఉత్కంఠ ?
80 వేల అడుగుల ఎత్తులో ఎగురుతూ ఎలాంటి వేడిని కానీ, గ్యాస్ ని కానీ విడుదల చేయని దానిని గ్రౌండ్ రాడార్లు పసిగట్టలేవు ! భూమి మీద నుండి 80 వేల అడుగుల ఎత్తు అనేది ఇప్పటి వరకు అనుభవంలోకి రాని ఉదంతం ! SAM [Surface to Air Missile ] ని ప్రయోగించాలి అంటే రాడార్ టార్గెట్ ని లాక్ చేసి ఆ సమాచారాన్ని SAM కి ఇస్తే కానీ అది వెళ్లలేదు. SAM లు ఫైర్ కంట్రోల్ రాడార్ ఇచ్చే సమాచారాన్ని తీసుకొని దూసుకెళ్లి టార్గెట్ ని నాశనం చేస్తాయి తప్పితే అవి సర్వ స్వతంత్రులు కావు.
కాబట్టి అమెరికా తన దగ్గర ఉన్న F-22 ని మొదటి సారిగా వాడాలని నిర్ణయించింది ! F-22 గరిష్టంగా 60 వేల అడుగుల ఎత్తువరకు వెళ్లగలుతుంది … ఫిబ్రవరి 1 న స్పై బలూన్ అట్లాంటిక్ మహా సముద్రం మీదకి వెళ్ళే వరకు వేచి చూసి అప్పుడు F-22 కి అనుమతి ఇచ్చారు బలూన్ ని నాశనం చేయమని !
F-22 మొదట బలూన్ కనిపించే వరకు వెళ్ళి అక్కడ నుండి AMRAAM-AIM120 మిసైల్ ని ప్రయోగించాడు పైలట్… కానీ అది గురి తప్పి బలూన్ పక్కనుండి వెళ్ళిపోయింది! మళ్ళీ ఇంకో AMRAAM-AIM120 ని ప్రయోగించాడు పైలట్ కానీ ఇది కూడా గురి తప్పి బలూన్ పక్కనుండి వెళ్ళిపోయింది… మూడో మిసైల్ కూడా విఫలం అయ్యింది! పైలట్ గ్రౌండ్ కంట్రోల్ ద్వారా విషయం చెప్పాడు మూడు మిస్సైళ్ళు గురి తప్పాయని ! అప్పుడు గ్రౌండ్ కంట్రోల్ నుండి పైలట్ కి సమాచారం వచ్చింది సైడ్ విండర్ షార్ట్ రేంజ్ ఎయిర్ to ఎయిర్ మిసైల్ ని ప్రయోగించమని! దాంతో F-22 పైలట్ తన దగ్గర ఉన్న AIM-SideWinder 9 మిసైల్ ని బలూన్ కి మరింత దగ్గర వెళ్ళి ప్రయోగించడం ఈసారి అది నేరుగా బలూన్ ని కొట్టడం జరిగింది !
ఈ సంఘటన వలన అమెరికన్ రక్షణ శాఖ నిపుణులకి రెండు విషయాలు తెలిసాయి !
1. లాంగ్ రేంజ్ [150-180] దూరం వెళ్లగల AMRAAM-AIM120 [Advanced Medium range Air to Air Missile-BVR ] లు నెమ్మదిగా ఆకాశంలో ఎగురుతూ వెళ్ళే బలూన్ లాంటి వాటిని కొట్టలేవు అని. ఈ మిస్సైల్ ఒక్కో దాని ధర 10,90,000 డాలర్లు! ఇవి మూడు వృధా అయ్యాయి అంటే మొత్తం 32 లక్షల 70 వేల డాలర్లు బూడిదలో పోసిన పన్నీరు అయ్యింది అన్నమాట ! అదే AIM-SideWinder 9 మిసైల్ ఒక్కో దాని ధర 2 లక్షల 10 వేల డాలర్లు. దీని పరిధి 25 కిలోమీటర్లు.
2. So, స్పై బలూన్ ల కోసం ప్రత్యేకంగా అల్గోరిథం వ్రాసి ఆ సాఫ్ట్వేర్ ని రాడార్ తో పాటు మిసైల్ లో కూడా ఇంటిగ్రేట్ చేయాల్సి ఉంటుంది అన్నమాట ! అప్పుడే అవి లక్ష్యాన్ని కొట్టగలవు.
సహజంగానే మనకి బయటికి తెలిసిన విషయం ఏమిటంటే అమెరికా తన F-22 తో చైనా స్పై బలూన్ ని నాశనం చేయడం ద్వారా మొదటి కిల్ నమోదు చేసింది అని ! అంతే కానీ మొదటి మూడు లాంగ్ రేంజ్ ఎయిర్ to ఎయిర్ మిస్సైళ్ళు విఫలం అయ్యాయని చెప్పలేదు! 80 వేల అడుగుల ఎత్తులో బలూన్ ని ప్రయోగించి దాని ద్వారా జీవ రసాయన ఆయుధాలని కావాలనుకున్న ప్రదేశంలో బెలూన్ ని పేల్చి వేసి అక్కడ వదిలేయవచ్చు !
అలాగే అదే బలూన్ ని ఉపయోగించి స్ట్రాటజిక్ అణ్వాయుధాలని ప్రయోగించవచ్చు. స్ట్రాటజిక్ అణ్వాయుధాలు కేవలం 2 నుండి 10 కిలోమీటర్ల పరిధి వరకే తమ ప్రభావాన్ని చూపిస్తాయి. ముఖ్యంగా శత్రుదేశపు కమాండ్ & కంట్రోల్ సెంటర్ల మీద, ఆయుధ డిపోల మీద ప్రయోగిస్తారు. అంటే కేవలం సైనికులు,సైన్యానికి సంబంధించిన వాటిని మాత్రమే ఇవి ధ్వంసం చేస్తాయి అదే సమయంలో ఆ ప్రదేశంలో మళ్ళీ ఎలాంటి సైనిక కార్యకలాపాలు జరగకుండా చూస్తాయి… ఎందుకంటే పరిమిత ప్రదేశంలో రేడియో ఆక్టివ్ ఉంటుంది!
Share this Article