సంప్రదాయ వైద్యంపై చైనా ఆచరణ కరెక్టు... మనోళ్లకే ఇంకా ఏ సోయీ లేదు...

Jagannadh Goud…………… చైనా ఆయుర్వేదం: ట్రడిషనల్ చైనా మెడిసిన్ (TCM)

చైనాలో మానవ నాగరికత మొదలైనప్పటి నుంచి అక్కడ ఆయుర్వేదానికి ప్రాముఖ్యత ఎక్కువ. TCM అనే ట్రడిషనల్ చైనా మెడిసిన్, చైనాలో 2500 సంవత్సరాల నుంచి చాలా ప్రాముఖ్యత కలిగి ఉంది. శరీరంపై పంచభూతాలు అగ్ని, గాలి, నీరు, భూమి, మెటల్ (లోహం) ఏ విధంగా ప్రభావితం చూపిస్తున్నాయి, ఇంకా శరీరం లోపలికి ఏమి వెళ్తుంది (YIN), ఏమి వస్తుంది (YANG) అనే వాటిని పరిశీలించి TCM వాడతారు. ప్రపంచ ఆరోగ్య సంస్థ, WHO అప్రూవల్ కూడా ఉంది. ప్రస్తుతం వ్యాప్తి లో ఉన్న కరోనా వైరల్ డిసీజ్ ని అరికట్టటంలో కూడా TCM చాలా ప్రాముఖ్యత వహించింది అని చైనా నుంచి ఇంగ్లీష్ లో విడుదల అయ్యే చైనా డైలీ పత్రిక ప్రముఖంగా ప్రచురించింది. స్టేట్ అడ్మినిస్ట్రేషన్ ఆఫ్ ట్రడిషనల్ మెడిసిన్ ప్రకారం 60,107 మంది కరోనా పేషంట్స్ (85.25%) ని TCM డాక్టర్స్ ట్రీట్ చేశారు… చైనాలో 2 రకాలైన డాక్టర్స్ ఉంటారు 1. అల్లోపతి డాక్టర్స్ 2. TCM డాక్టర్స్. ఆల్లోపతి వాళ్ళు కూడా కొంతభాగం TCM గురించి తెలుసుకోవాలి.

tcm

ఒక్క చైనాలోనే కాదు, సింగపూర్, మలేషియా, దక్షిణ కొరియా, వియత్నాం, కొన్ని యూరప్ దేశాల్లో కూడా TCM ని వాడతారు. అమెరికాలోని FDA (Food and Drug Administration) కూడా దీని ప్రాముఖ్యతని గుర్తించి సప్లిమెంట్స్ అనే ఒక విభాగాన్ని చేర్చి దాని ప్రాముఖ్యతని అధికారికంగా ఆమోదించింది. NIH (నేషనల్ ఇన్స్‌స్టిస్ట్యూట్ ఆఫ్ హెల్త్) ఏకంగా NCAM (నేషనల్ సెంటర్ ఫర్ కాంప్లిమెంటరీ అండ్ ఆల్టర్‌నేటివ్ మెడిసిన్) అనే సంస్థని నెలకొల్పింది. ఇంకా TCM విషయానికొస్తే ఈ మందులో 10% యానిమల్ ప్రొడక్ట్స్, 90% హెర్బ్స్ ఉంటై… కరోనా ట్రీట్‌మెంట్‌కి ద్రవరూపంలో దీన్ని ఇస్తారు. అయితే ఇది కరోనా వైరస్‌ని చంపదు, కరోనా వైరస్ క్రియేట్ చేసిన ట్రాష్‌ను క్లీన్ చేస్తుంది. తద్వారా మన శరీరం లోని యాంటీబాడీస్ వైరస్‌పై పోరు జరిపి, వ్యాధి ఎక్కువ అవకుండా చేస్తుంది, లేదా క్యూర్ చేస్తుంది… వ్యాధి మైల్డ్‌గా లేదా మోడరేట్‌గా ఉన్నప్పుడే డాక్టర్స్ కూడా TCM ని ఉపయోగించి ట్రీట్ చేశారు. వ్యాధి సివియర్‌గా ఉన్నప్పుడు మాత్రం వెస్ట్రన్ మెడిసిన్స్‌నే ఉపయోగించారు. అల్లోపతి, ఆయుర్వేదం అక్కడ కలిపి ఉపయోగించారు అందుకే 80 వేల మందికి వచ్చినా 3 వేల మరణాలతోనే వ్యాధిని అదుపులోకి తేగలిగారు. ప్రధానంగా గుర్తు పెట్టుకోవాల్సింది సప్లిమెంట్‌గా ఉపయోగించారు.

Ads

చైనాలో అల్లోపతి డాక్టర్స్ కూడా 20% TCM ని వాడమని చెప్తారు. TCM డాక్టర్స్ కూడా ప్రతి దానికి ఆయుర్వేదంలో మందు ఉంది అని చెప్పరు. వాళ్ళ పురాతన ఆయుర్వేద పుస్తకాలని ఇంగ్లీష్‌లోకి మార్చి విస్తృతమైన అధ్యయనం కూడా చేస్తున్నారు. అల్లోపతి వలన నయం కాని ఎన్నో జబ్బులని నయం చేస్తున్నారు. ఈమధ్య అమెరికా, యూరప్ డాక్టర్స్ కూడా TCM పై అవగాహన పెంచుకుంటున్నారు. మన దగ్గర ఎక్కువ మంది సోషల్ వైద్యులు ప్రతిదానికీ మందు ఉంది అని ఏవేవో కల్లబొల్లి కబుర్లు చెప్తారు. ఒకరు పొద్దున్నే 5 లీటర్ల నీళ్ళు తాగమంటారు, ఇంకొకరు లీటర్ తాగమంటాడు. ఇంకొకరు వేడి నీళ్ళు అంటాడు, మరొకరు గోరు వెచ్చని అంటాడు, ఇంకొకరు చల్లని నీళ్ళు అంటాడు. ఒక్క నీళ్ళ విషయంలోనే ఇన్ని భేదాల ఉంటే మిగతా విషయాల్లో ఉన్న వైరుధ్యాలు మనకి తెలియనివి కావు…

అల్లోపతి డాక్టర్స్‌లో కూడా చాలా మంది అతిగాళ్ళే. ఏ కాలంలోనైనా, ఏ రోగం వచ్చినా ఏమైనా తినొచ్చు అంటారు… అల్లం, వెల్లుల్లి, పసుపు, ఆవిరి పట్టటం వేస్ట్ అన్నట్లు మాట్లాడతారు. సాధారణ తలనొప్పి, PCOD, మోకాళ్ళ నొప్పి తగ్గించలేని ఘనులు కూడా ఆయుర్వేదం గురించి పూర్తి నెగటివ్‌గా మాట్లాడటం ఆశ్చ్యర్యం కలిగిస్తుంది. అల్లోపతిలో అనేకమంది మంచి డాక్టర్స్ ఉన్నారు. ప్రొ-పీపుల్ కూడా కొందరున్నారు… ఏ కాలంలో దొరికింది ఆ కాలంలో తినాలి అంటారు, తగిన వ్యాయామం, విశ్రాంతి ఉండాలి అంటారు. మన ఆచారాల్లోని మంచిని ఫాలో అవుతూ, కావాల్సిన వాటికి ఇంగ్లీష్ మందులు వాడమంటారు. ఆయుర్వేదంలో కూడా మంచి డాక్టర్స్ ఉన్నారు. ఏది ఏమైనా ప్రాఛీన ట్రడిషనల్ మెడిసిన్ మీద ప్రతి కల్చర్, ప్రతి దేశం విస్తృత అధ్యయనం జరిపి, వాటితో పాటు అల్లోపతి కాంబినేషన్ గా సమన్వయంతో ఉపయోగిస్తే మంచి ఫలితాలు ఉంటై అని నా అభిప్రాయం…………. – జగన్

Share this Article