ఖర్మ కాలడం అంటే ఇదే… జైలులో సిద్ధూ సెల్‌మేట్ ఎవరో తెలుసా..?!

1. డిసెంబర్ 27, 1988 పంజాబ్ లోని పాటియాలా నగరంలో నవజ్యోత్ సింగ్ సిద్ధూ రోడ్డుకి అడ్డంగా తన మారుతి జీప్సి కారుని నిలిపి ఉంచినందుకు…. వెనకాల కారులో ప్రయాణిస్తున్న 65 ఏళ్ల గుర్నామ్ సింగ్ అభ్యంతరం వ్యక్తం చేస్తూ, వెంటనే రోడ్డుకి అడ్డంగా నిలిపిన కారుని పక్కకి తీయాలని గట్టిగా కోరాడు… అయితే నవజ్యోత్ సింగ్ సిద్ధూ కొంచెం సేపు ఆగమని కోరాడు… కానీ గుర్నామ్ సింగ్ వెంటనే తీయమని మళ్ళీ గట్టిగా అడిగేసరికి సిద్ధూతో పాటు అతని స్నేహితుడు రూపిందర్ సింగ్ సంధు కలిసి గుర్నామ్ సింగ్ మీద దాడి చేసి బలంగా కొట్టేసరికి గుర్నామ్ సింగ్ స్పృహ కోల్పోయి పడిపోయాడు. వెంటనే సిద్దు అతనిని పాటియాలా లోని హాస్పిటల్ కి తీసుకెళ్లాడు కానీ డాక్టర్లు అప్పటికే గుర్నామ్ సింగ్ చనిపోయినట్లు నిర్ధారించారు. పోలీసులు హత్య నేరం కింద సిద్ధూ మీద కేసు పెట్టారు.

2. పదేళ్ళ తరువాత సెప్టెంబర్ 1999 లో పాటియాలా జిల్లా సెషన్స్ కోర్ట్ తగిన సాక్ష్యాధారాలు లేనందున సిద్ధూతో పాటు అతని స్నేహితుడిని నిర్ధోషిగా ప్రకటించింది.

3. 2002 లో పంజాబ్ ప్రభుత్వం జిల్లా కోర్ట్ తీర్పు మీద ఛాలెంజ్ చేస్తూ పంజాబ్ హర్యానా హైకోర్ట్ లో అపీల్ చేసింది.

4. డిసెంబర్ 2006 లో పంజాబ్ హర్యానా హైకోర్ట్ సిద్ధూ అతని స్నేహితుడు రూపిందర్ సింగ్ సంధులని దోషులుగా పరిగణిస్తూ, ఇద్దరికీ మూడు సంవత్సరాల జైలు శిక్షతో పాటు లక్ష రూపాయల జరిమానా విధించింది. అప్పట్లో సిద్ధూ బిజేపి పార్లమెంట్ సభ్యుడుగా ఉండడంతో రాజీనామా చేశాడు.

5. జనవరి , 2007 లో కోర్టులో లొంగిపోగా అతనికి కోర్టు బెయిల్ ఇచ్చింది. అయితే కోర్ట్ బెయిల్ ఇవ్వడం మీద చనిపోయిన గుర్నామ్ సింగ్ కుటుంబ సభ్యులు సుప్రీం కోర్ట్ లో ఛాలెంజ్ చేశారు.

6. May 2018 లో సుప్రీం కోర్ట్ పంజాబ్ హర్యానా హైకోర్ట్ ఇచ్చిన తీర్పుని కొట్టివేస్తూ, కేవలం 1000 రూపాయల జరిమానా కట్టాల్సిందిగా తీర్పు ఇచ్చింది. గుర్నామ్ సింగ్ కుటుంబ సభ్యులు సింగిల్ జడ్జ్ ఇచ్చిన తీర్పుని సవాలు చేస్తూ రివ్యూ పిటిషన్ వేశారు సుప్రీం కోర్టులో.

7. చివరకి ముగ్గురు సభ్యుల ధర్మాసనం సిద్ధూకి ఒక సంవత్సరం కఠిన కారాగార శిక్ష విధించింది.

8. పాటియాలా జిల్లా సెషన్ కోర్టు నుండి సుప్రీం కోర్ట్ దాకా సాగిన ప్రయాణం… 33 సంవత్సరాలు పట్టింది కేసు తుది తీర్పు రావడానికి… సంఘటన జరిగిన రోజున సిద్ధూ భారత క్రికెట్ సభ్యుడు, తరువాత రాజకీయాలలో ప్రవేశించి చివరకి పంజాబ్ కాంగ్రెస్ అధ్యక్షుడు దాకా ఎదిగాడు.

కర్మ కాలడం అంటే ఏమిటో తెలిసి వచ్చింది సిద్ధూ కి !

సుప్రీం కోర్ట్ తుది తీర్పు రాగానే సిద్ధూ పాటియాలలో లొంగిపోయాడు. సిధూని పాటియాల సెంట్రల్ జైలులో ఇద్దరు ఉండే సెల్ లో ఉంచారు కానీ రెండో ఖైదీ ఎవరో తెలుసా ? బిక్రమ్ సింగ్ మఝితీయ. విక్రమ్ సింగ్ మాఝితీయా సిద్ధూలకి అసలు పడదు. ఇద్దరి మధ్య పచ్చ గడ్డి వేస్తే భగ్గుమనే వైరం ఉంది. బిక్రమ్ సింగ్ మాఝితీయా అకాలీ దళ్ పార్టీకి చెందిన ముఖ్య నాయకుడు. గత ఎన్నికలలో పాటియాలా నుండి సిద్ధూ కాంగ్రెస్ నుండి పోటీ చేస్తే బిక్రమ్ సింగ్ మాఝితీయా అకాలీ దళ్ తరుపున పోటీ చేశాడు. నిజానికి సిద్ధూ మరియు బిక్రమ్ సింగ్ మధ్యన రోజూ ఏదో ఒక గొడవ, దాని తాలూకు వార్తలతో నిండిపోయేవి పంజాబ్ పత్రికలు. అయితే ఆప్ అభ్యర్ధి చేతిలో ఇద్దరూ ఓడిపోయారు.

బిక్రమ్ సింగ్ మాఝియా డ్రగ్స్ కేసులో నిందితుడుగా ప్రస్తుతం పాటియాలా సెంట్రల్ జైల్ లో ఉన్నాడు. బిక్రమ్ సింగ్ మాఝితియతో కలిసి ఒకే సెల్ లో ఉండాల్సి వచ్చింది పాపం సిద్ధూ కి… సిద్ధూ షార్ట్ టెంపర్ అలాగే అంతకంటే షార్ట్ టెంపర్ బిక్రమ్ సింగ్ మాఝితీయా. అసలే జైల్లో డ్రగ్స్ దొరకక తీవ్ర టెన్షన్ లో ఉన్నాడు బిక్రమ్ సింగ్. అలాంటిది ఇప్పుడు తన ప్రత్యర్ధి తో ఒకే సెల్ ని పంచుకోవాల్సి రావడం ఎవరికి ఎంత కష్టం తెచ్చిపెడుతుందో చూడాలి.

ముందు ముందు పంజాబ్ లో తన పట్టు సడల కుండా ఉండాలంటే సిద్ధూ లేదా బిక్రమ్ సింగ్ లలో ఎవరో ఒకరిని వదిలించుకోవడానికే క్రేజీ ఈ పని చేసి ఉండవచ్చు కదా ?