పారసిటమాల్ గోళీలకు కూడా కటకట… యాంటీబయాటిక్స్‌ మందులకూ కొరత…

******************************************

కోవిడ్ వచ్చి వెళ్ళిన తరువాత యూరోపులో శీతాకాలంలో వచ్చే గొంతు ఇన్ఫెక్షన్, జ్వరాల కేసులు ఈ సారి ఎక్కువగా నమోదు అవ్వడంతో డిమాండ్ పెరిగింది. ఈ రెండు వ్యాధులకి డాక్టర్లు సిఫారసు చేసే అమోక్సిసిలిన్ [amoxicillin] మరియు పారాసిట్మాల్ లకి కొరత ఏర్పడింది అంటున్నారు. ఆరు ఫార్మసీలకి వెళితే ఏడవ ఫార్మసీ లో అమోక్సిసిలిన్ [amoxicillin] మరియు పారాసిట్మాల్ లు దొరికాయి అని ఒక మహిళ యూరో న్యూస్ కి తెలిపింది అంటే కొరత ఎంత తీవ్రంగా ఉందో తెలుస్తున్నది.

ఎందుకు యూరోపు దేశాలలో మందుల కొరత ఏర్పడింది ?

దాదాపుగా అన్ని మందుల తయారీకి కావాల్సిన యాక్టివ్ ఫార్మా ఇంగ్రిడియంట్ [Active Pharma Ingredient – API] ని భారీ స్థాయిలో తయారుచేసేవి రెండే దేశాలు అవి చైనా మరియు భారత్. చైనాలో కోవిడ్ వల్ల చాలా వరకు ఉత్పత్తి పడిపోయింది కాబట్టి ఎగుమతుల మీద కోత విధించింది చైనా. జీరో కోవిడ్ పాలసీ ని ఎత్తేసిన తరువాత చైనా లోని అన్ని నగరాలలో, పట్టణాలలో కోవిడ్ కేసుల సంఖ్య విపరీతంగా పెరుగుతున్నది. కోవిడ్ ఎక్కడ నుండి ఎక్కడికి వ్యాపిస్తున్నాదో ట్రాక్ చేయడం కష్టంగా మారింది అని చైనా ఆరోగ్య శాఖ తన అశక్తతని వెల్లడించింది రెండు రోజుల క్రితం.

కోవిడ్ వ్యాప్తి చెందకుండా ఉండాలి అంటే కఠినమయిన లాక్ డౌన్ ని విధించాలి కానీ ప్రజల నుండి తీవ్ర వ్యతిరేకత వల్ల చైనా జీరో కోవిడ్ పాలసీ ని పక్కనపెట్టేసి లాక్ డౌన్ ని తీసేసింది. దాంతో ఒక్క సారిగా కోవిడ్ మళ్ళీ విజృంభించింది చైనాలో. చాలా వరకు పరిశ్రమలు పనిచేయడం లేదు. వాటిలో API ని భారీ స్థాయిలో ఉత్పత్తి చేసే పలు ఫార్మా సంస్థలు కూడా ఉన్నాయి. దాంతో తమ అవసరాల కోసం అని చైనా API మీద ఎగుమతుల నియంత్రణని పెట్టింది.

*************************************************

API ని తయారు చేయడానికి మొక్క జొన్న నుండి తీసిన పదార్ధాన్ని వాడతారు. కానీ రష్యా ఉక్రెయిన్ యుద్ధం వలన మొక్క జొన్న కావాల్సినంత పరిమాణంలో దొరకడం లేదు. దాంతో API తయారీ మీద ఆ ప్రభావం పడింది. మరో వైపు ఇంధనం కొరత వల్ల చాలా యూరోపు దేశాలలోని ఫార్మా సంస్థలు పూర్తి స్థాయిలో పనిచేయడం.లేదు. దానికి తోడు API కొరత వల్ల మందుల కొరత ఏర్పడ్డది ! ఈ కొరత కేవలం యూరోపు దేశాలకే పరిమితం కాలేదు. కెనడా తో పాటు అమెరికాలో కూడా కొరత ఏర్పడ్డది.

***************************************************

ఇలారియా పర్సాని, సెక్రటరీ జెనెరల్ , ఫార్మాస్యూటికల్ గ్రూప్ ఆఫ్ యూరోపియన్ యూనియన్ [ Ilaria Passarani, Secretary General of the Pharmaceutical Group of the European Union (PGEU) representing community pharmacists] మాట్లాడుతూ మందుల కొరత అనేది కేవలం పారాసీట్మాల్ మరియు అమోక్సిసిలిన్ లకే పరిమితం కాలేదు. ప్రస్తుతం ఈ రెండు మందులకి డిమాండ్ పెరగడం వలన వార్తలలో ఉంటున్నాయి కానీ అన్ని రకాల మందులకి కొరత బాగా ఉంది అని తెలియచేసారు. ఈ శీతాకాలం వెళ్ళే వరకు ఒక్కో మనిషికి రెండు పాకెట్ల మందులు మాత్రమే ఇవ్వాలనే రేషన్ విధించాల్సి ఉంటుంది, లేక పోతే పరిస్థితి అదుపు తప్పే అవకాశం ఉంది అని అన్నారు.

****************************************************

అయితే ప్రపంచ వ్యాప్తంగా బల్క్ డ్రగ్ తయారీ అనేది ఒకే ప్రదేశంలో కేంద్రీకృతం అయి లేదు. ఒక్కో మందు తయారీకి కావాల్సిన పదార్ధాల తయారీ వివిధ దేశాలలో ఉండడం వలన, ఏ దేశంలో అయినా అక్కడ స్థానికంగా ఇబ్బందులు వస్తే దాని ప్రభావం ప్రపంచ దేశాల మీద ఉంటున్నది. ఉదాహరణకి బల్క్ డ్రగ్స్ విషయంలో చైనా, భారత్ లు రమారమిగా 80% వరకు సరఫరా చేస్తున్నాయి కానీ వీటి తయారీకి కావాల్సిన వివిధ ముడి పదార్ధాలు వేరే దేశాల నుండి దిగుమతి చేసుకోవాల్సి వస్తున్నది కాబట్టి మందుల కొరత అనివార్యం అయ్యింది. మరో వైపు మందుల తయారీలో యూరోపు, కెనడా, అమెరికా దేశాల నాణ్యతా ప్రమాణాలు కఠినంగా ఉంటాయి కాబట్టి ఒకే మందు వివిధ దేశాలకి ఇవ్వాల్సి వచ్చినప్పుడు యూరోపు కి కొన్ని ఫార్మా సంస్థలు ప్రత్యేకంగా వాళ్ళ నియమ నిబంధనలకి అనుగుణంగా తయారుచేసే ఫార్మా సంస్థలు మన దేశంలో ఉన్నాయి. ఇదీ మరొక కారణం అయ్యింది మందుల కొరతకి.

*********************************************************

రష్యా ఉక్రెయిన్ యుద్ధం వలన ఆహార, ఇంధన, మందుల విషయంలో తీవ్ర ప్రభావం చూపిస్తున్నది అన్నది స్పష్టంగా తెలుస్తున్నది. ముఖ్యంగా ఇంధనం ధరలు పెరగడం వలన యూరోపులో ద్రవ్యోల్బణం రెండు అంకెల చేరువలోకి వస్తున్నది. దీని వలన అన్ని ధరలు పెరిగి ఆ ప్రభావం పరోక్షంగా మందుల మీద కూడా పడుతున్నది.

**********************************************************

ఒక్కడి ఆలోచన వల్ల మిగతా ప్రపంచం మొత్తం బాధపడుతున్నది ఆ ఒక్కడు ఎవరన్నది ప్రత్యేకంగా చెప్పనవసరం లేదు కదా ? ధన్యవాదములు జో బిడెన్ అతని అనుచరులకి! రష్యా నుండి ఇంధనం చవుకగా పొందుతూ ఇన్నాళ్ళూ ఇతర దేశాలకి పాఠాలు చెప్తూ వచ్చిన యూరోపు దేశాలకి ఇప్పుడు పుతిన్ పాఠం చెప్తున్నాడు! అదే చవుక ధరలో మన దేశానికి పైపు ల ద్వారా ఇంధనం సరఫరా అయి ఉంటే మన దేశ పరిస్థితి ఇంకోలా ఉండేది అన్నది సత్యం !

డాలరు ఎందుకు పెరుగుతున్నది ? యూరో కి అంత ప్రాముఖ్యం ఎందుకు వచ్చింది ? భారత్ తన డాలర్ లో 70% ఆయిల్ ని దిగుమతి చేసుకోవడానికి వెచ్చిస్తున్నది కాబట్టి రూపాయి ధర డాలర్ తో పడిపోతున్నది అదే యూరోపు దేశాలకి పైప్ లైన్ ద్వారా తక్కువ ధరకి దొరుకుతూ వచ్చింది కాబట్టి ఇన్నాళ్ళూ విర్ర వీగాయి. డాలరు తో రూపాయి పడిపోతున్నది అనే వాళ్ళకి యూరో, పౌండ్ లు పడిపోతున్నాయి ద్రవ్యోల్బణం వలన అన్న సంగతిని మరిచిపోతున్నారు! ఇది ప్రారంభం మాత్రమే ! ముందు ముందు ఇంకా చాలా ఉన్నాయి మనం చూడాల్సినవి !