మేల్ సావిత్రి..! అప్పటి హీరోయిన్ల కలల ప్రేమికుడు… చివరకు..!!

.

ఐనా ఎవరికి గుర్తుంటాడులే… తన జయంతిని ఎందరు స్మరించుకుంటారులే… ఒక ఏఎన్నార్ అవుతాడు, ఒక ఎన్టీయార్ అవుతాడు అనిపించుకున్న ఓ అందాల నటుడి పుట్టినరోజు ఈరోజు… పేరు హరనాథ్… అసలు పేరు బుద్ధరాజు వెంకట అప్పల హరినాథ రాజు… నిజంగానే ఓ దశలో చాలా పాపులర్ హీరో తను… రూపం, నటనతో మెప్పించాడు… ఎన్టీయార్‌కే సొంతం అనుకునే శ్రీరాముడు, శ్రీకృష్ణుడి పాత్రల్లోనూ ఒప్పించాడు…

అంతెందుకు..? ఎన్టీయార్ దర్శకత్వంలోనే వచ్చిన సీతారామకల్యాణం సినిమాలో రాముడు హరనాథే… తరువాత ఎన్టీయార్ చెబితేనే భీష్మలో శ్రీకృష్ణుడి పాత్ర వరించింది… ఆ అగ్ర హీరోల తరువాత స్థానం హరనాథ్‌దే అనుకున్నారంతా… హీరోయిన్లయితే తన అందానికి ఫిదా… జమున ఏకంగా ప్రేమలో పడిపోయింది… పెళ్లి చేసుకుందామని కూడా అనుకుంది… వాళ్లది హిట్ పెయిర్ అప్పట్లో…

ఇప్పటికీ హరనాథ్ అనగానే ‘లేత గులాబీ పెదవులతో కమ్మని మధువే తాకాలి, మధువు పుట్టింది నా కోసం, నేను పుట్టింది నీకోసం’ అనే పాట గుర్తొస్తుంది… (పద్మనాభం దర్శకత్వం..?)… హీరోహీరోయిన్ల కెమెస్ట్రీ అంటే అప్పట్లో వాళ్లిద్దరిదే… నిజానికి తన సినిమా రంగప్రవేశమే యాదృచ్ఛికం… మనిషి అందగాడు కదా, చెన్నైలో ఎక్కడో ఓ నిర్మాత చూసి, సినిమాలో హీరో వేషం ఇస్తాను చేస్తావా అనడిగాడు… ఇతను సరే అన్నాడు… ఇంకేం… హీరో అయిపోయాడు.,.

దాంతో నిర్మాతలు విసిగిపోయారు… అవకాశాలు సన్నగిల్లిపోయాయి… ఇదే ఎస్వీయార్ ఓ అర్ధరాత్రి జమున ఇంటికెళ్లి మరీ హరనాథ్‌ను పెళ్లిచేసుకుంటే బతుకు బస్టాండ్ అయిపోతుంది జాగ్రత్త అని తెల్లారేదాకా క్లాస్ తీసుకున్నాడట… క్రమేపీ కృష్ణ, శోభన్‌బాబు తదితరులు హరనాథ్ స్థానాన్ని ఆక్రమించేసుకున్నారు… అందమే తప్ప ఆలోచన కరువైంది… మందుచూపే తప్ప ముందుచూపు కరువైంది… ఫలితం ఏమిటంటే..? చివరకు డబ్బు కోసం చిన్న చిన్న పాత్రలు వేసేవాడు…