… అందుకే అడుగుతున్నం, నువ్వు నా జాతి పితవు ఎట్లయితవ్..?

అలా కుందేలు కోసం ఎల్లినోడు ఇక రాడాయె, పోలిగాని కోసం బాలిగాడు ఎదురు చూసాడు. రోజులు. నెలలు. మొత్తానికి బాలిగాడు ఒక్కడే ఒంటరిగా పొలం దున్ని, నాటేసి కలుపు దీసి, మందు మాకు వేసి,.. ఏపుగా ఎదిగిన బంగారు వన్నె వడ్ల కంకులను చూసి మురిసాడు బాలిగాడు.

మరుసటి రోజు పొలం కోసి తీరా పడుగు వేసే ముందు పోలిగాడి గొంతు.. అరె, కింద మడిలో ఎందుకు, పైమడిలో వేయండి’ అని అరుస్తున్నాడు. భుజం మీద ముల్లుగర్ర, దాని వెనక ఒక కుందేలు కట్టుకుని పొలంలోకి దిగాడు పోలిగాడు.

తన వాటా కోసం జబ్బలు చరిచాడు. పంచాయితీలో తెలివిగా కుందేలు కోసం వెళ్ళాను నేను అని వాదించాడు. నువ్వే కదా దాన్ని వదలొద్దురా అన్నది. దాని కోసం తిరుగుతూ, దొరకగానే వచ్చినా, నా వాటా నాకివ్వు అన్నాడు పోలిగాడు.

తెలంగాణ కోసం దిక్కూ మొక్కూ లేని జనం నడిచారు. వాళ్ళ సహచరులు అమరులై ముక్కలైన దేహాలతో మాయం అయ్యారు. లెక్కలు తెలియని వ్యూహాలూ ఎత్తుగడల మధ్య దారీతెన్నూ తెలియని బుద్ధి జీవులు ఉన్నారు. మీటింగ్ లు పెట్టారు. కాసే బోసి, నడికట్టు కట్టి, జబ్బకు తుపాకి, చేతిలో జెండాతో కొందరు. ఈ క్రమంలో పేరు ముందు ఎందుకు వేశారు అని అలిగి నోళ్ళు .

మరికొందరు పేరు లేకున్నా పిలవకున్నా మండే ఎండలో గూడు పదిలంగా కాపాడుకుంటూ, రాజ వీధిలో కాట్ వాక్ చేసే విదూషకులు. వెర్రి వెండితెర వేషాల సంతలో కేజీల లెక్క ఆటను పాటను అమ్ముకున్న వ్యాపారులు, తాబేదార్లు కూడా ఉన్నరు. ఇన్ని నెరవేరని కల్లోల కలల మేఘం తెలంగాణ సాకారం