ఓహో… హగ్గుల బెడదతోనే ఠారెత్తి ఢీ షో మానేసిందా పూర్ణ..?!

ఓహో… అదా సంగతి… అరె, హఠాత్తుగా నటి పూర్ణను ఢీ డాన్స్ షో నుంచి ఎందుకు తరిమేశారో అర్థం కాలేదు… ఎవరూ తరిమేయలేదా..? తనే హైపర్ ఆది మార్క్ హగ్గులకు విసిగిపోయి పూర్ణే దాన్ని వదిలేసిందా..? వాళ్లో వీళ్లో కాదు, ఆమె చెప్పింది తాజా శ్రీదేవి డ్రామా కంపెనీ ప్రోమోలో… వివరాల్లోకి వెళ్తే…

సుడిగాలి సుధీర్‌ను మొత్తానికి ఈటీవీ నుంచి, మల్లెమాల నుంచి బయటికి తరిమేయడంలో ‘ఓ గ్యాంగ్’ సక్సెస్ అయిందనీ, తను చివరకు శ్రీదేవి డ్రామా కంపెనీని కూడా మానేశాడనీ, మొత్తానికే ఈటీవీకి గుడ్ బై చెప్పాడని మనమే ముందుగా చెప్పుకున్నాం కదా… తన ప్లేసులో రష్మి యాంకర్‌గా వస్తోందనీ ముచ్చటించుకున్నాం కదా… అదే జరిగింది… రష్మి ఎంట్రీ ఇచ్చింది…

పూర్ణ కూడా కనిపిస్తోంది… గెస్ట్ జడ్జో, రెగ్యులర్ జడ్జో తెలియదు గానీ… ఆది అడుగుతున్నాడు… ఇక్కడ జడ్జిగా ఉండాలంటే ముందుగా హగ్గు ఇవ్వాలీ అని… అసలు వీటి కారణంగానే నేను ఢీ మానేశాను, ఇక్కడా తప్పదా అని పూర్ణ అమాయకంగా మొహం పెడుతుంది… వెంటనే ఆది మాట మార్చేసి… మలయాళం ఓనర్, ఒరిస్సా యాంకర్ ఇకపై ఈ కంపెనీని నడిపిస్తారట అని వెటకారాన్ని వదిలాడు… సో వాట్..? ఇన్నేళ్లు రష్మి లేదీ ఈటీవీ షోలలో… పూర్ణ లేదా..?

అసలు అది కాదు నవ్వొచ్చేది… జబర్దస్త్ గానీ, డ్రామా కంపెనీ గానీ… కమెడియన్ గానీ, యాంకర్ గానీ, జడ్జి గానీ… ఆది హగ్గులు అడుగుతూనే ఉంటాడు… ఈ హగ్గుల కథేమిటో తనకే తెలియాలి… తనను ప్రేమించే మల్లెమాలకే తెలియాలి… ఫాఫం, ప్రస్తుతం ఢీ షోలో జడ్జి నందితా శ్వేత… మరో జడ్జి ప్రియమణి… ప్రియమణి, ఆది హగ్గాయణం చాలాసార్లు చూశాం కాబట్టి దీన్ని ఇక్కడే కాసేపు వదిలేస్తే…

నాతో పెట్టుకుంటే ఏమవుతుందో తెలుసా అనడుగుతుంది రష్మి… కామెడీ షో నుంచి సింగింగ్ షోకు పోవాల్సి ఉంటుంది అనేశాడు ఆది నోరుజారి… అంటే సుధీర్‌ను మనసులో పెట్టుకుని… తను ఈటీవీలో కామెడీ షోలు వదిలేసి, సూపర్ సింగర్ షోకు వెళ్లిపోయాడు కదా… అదన్నమాట… అంటే రష్మితో పెట్టుకుని… తనతో పడక… సుధీర్ ఈటీవీ వదిలేసి, మాటీవీకి పారిపోయాడా..? సుధీర్ వ్యతిరేక గ్యాంగులో రష్మి కూడా ఉందా..? అందుకే ఇన్నాళ్లు డ్రామా కంపెనీకి రాలేదా..?

వార్నీ… ఎనిమిదేళ్లుగా ప్రేమ అన్నారు, పాడుకున్నారు, డాన్సులాడుకున్నారు, జబర్దస్త్ కెమిస్ట్రీ పండించారు… తెలుగు టీవీ తెర మీద సూపర్ జంట అనిపించుకున్నారు… చివరకు ఒకరంటే ఒకరికి పడక, బయటికి పంపించేదాకా వచ్చిందా దుస్థితి..? ఇక వివరాలేమిటో ఆది చెప్పాలి… చెప్పడు… తనే ఈటీవీలో కొనసాగు సిట్యుయేషన్ కనిపించడం లేదు… అసలు ఢీ, డ్రామా కంపెనీ, జబర్దస్త్ తీవ్ర గందరగోళంలో ఉన్నయ్… వేణుస్వామిని పిలిచి ఏదైనా విరుగుడు పూజ చేయించకపోయావా శ్యాంరెడ్డీ…!! అవునూ, ఇంతకీ రష్మికి, సుధీర్‌కు ఎక్కడ చెడిపోయిందబ్బా… విష్ణుప్రియ ఏమైనా పెట్రోల్ పోసిందా..? ఏమో, అదీ ఆదే చెప్పాలి…!!