.
వాడు మళ్లీ కూశాడు… ఈసారి ఏకంగా బ్రహ్మానందం వీడి బాధితుడు… (వాడు, వీడు అనే పదాలు ఉద్దేశపూర్వకంగానే వాడబడ్డాయి… అంతకుమించి వాడటం ఇష్టం లేక… మరీ వాడి స్థాయికి దిగజారి, వాడి మార్క్ బూతులే రాయలేక…)
ఏ ఫంక్షనో, ఎక్కడో తెలియదు గానీ… బ్రహ్మానందం… ది గ్రేట్ తెలుగు నవ్వుల నటరాజు బ్రహ్మిని ఉద్దేశించి… తన నటనలో, తన కామెడీ టైమింగులో, తన ప్రసంగ సంస్కారంలో నయాపైసా విలువ చేయని రాజేంద్ర ప్రసాద్ … వేదిక మీదే ‘ముసలి ముం- కొడుకువు నువ్వు అనే బూతు వాడాడు, షాక్ తిన్న బ్రహ్మి ఏదో అనబోతే, నేను అని మాటమళ్లించాడు…
Ads
https://www.facebook.com/reel/2239813826527820
(మొన్నటి జూన్‌లో ఓ కథనం రాసుకున్నాం మనం... ఈ పిచ్చోడి మాటల తీరు గురించి, మూణ్నాలుగు ఉదాహరణల గురించి... అది యథాతథంగా మరోసారి...)
రాజేంద్ర ప్రసాద్ అలా మాట్లాడకపోతేనే వార్త… ఈమధ్య ఎవరు అతిథిగా పిలిచినా సరే వెళ్లి, ఏదేదో మాట్లాడుతున్నాడు… ఏదో అయ్యింది తనకు… అందుకే తేడా కొడుతోంది…
రాను రాను ఎవరు తనల్ని ఏ ఫంక్షన్‌కు పిలవాలన్నా సరే ఒకటికి వందసార్లు ఆలోచించుకోవాలి, లేదా ఏదో ఓరకంగా పిచ్చి కూతలతోనైనా ప్రచారం తీసుకువస్తున్నాడు కదా అనుకుంటే తప్ప…
తనొక మంచి వక్తను అనే భ్రమల్లో బతుకుతున్నాడు ఫాఫం… అయిదు తరాల నటులతో పనిచేశాను, ఆఫ్టరాల్ వీళ్లంతా ఎంత అనే యాటిట్యూడ్ భీకరంగా కనిపిస్తోంది… కానీ తన నాలుక మీద తనకు అదుపు లేదని.,. ఫ్లోలో సిగ్గూశరం, సంస్కారం, హుందాతనం, పెద్దరికం, వయస్సు అన్నీ మరిచిపోతున్నాననే సోయి లేదు తనకు…
తనేం మాట్లాడుతున్నాడో తనకే అర్థం కాదు… అంత పొంతన లేకుండా ఉంటాయి వాక్యాలు… ఎటు నుంచి ఎటు పోతున్నాడో తెలియదు… తను చెప్పదలుచుకున్నది సూటిగా, అర్థమయ్యేలా చెప్పడం చేతకాని అవస్థ ఇది…
ఆమధ్య ఏదో ఫంక్షన్‌లో (హరికథ వెబ్ సీరీస్) మాట్లాడుతూ బన్నీని కించపరిచేలా ఇప్పుడు చందనం దొంగలు హీరోలు అన్నాడు… సరే, తన పాజిటివ్ పాత్రను హైలైట్ చేసుకోవడానికి ఇప్పటి నెగెటివ్ హీరో పాత్రలను కంట్రాస్టుగా ఏదో చెప్పబోయి, అది సరిగ్గా చెప్పలేక బోల్తాకొట్టాడు అనుకుందాం…
క్రికెటర్ డేవిడ్ వార్నర్‌ను ఉద్దేశించి ఓ బూతు వదిలాడు… కుసంస్కారి… తరువాత అందరూ బూతులు తిట్టేసరికి లెంపలేసుకుని, నాలుక కర్చుకుని సారీ చెప్పాడు… ఏం మనిషో… ఇప్పుడు మళ్లీ…
ఎస్వీ కృష్ణారెడ్డి బాపతు ఏదో ఫంక్షన్‌లో కమెడియన్ ఆలీని ఉద్దేశించి రాయడానికి వీల్లేని బూతు వదిలాడు… ఎంత చనువు ఉన్నా, ప్రైవేటుగా మాట్లాడుకుంటున్నప్పుడో, మందు కొట్టినప్పుడో ఎవరు ఏమని పిలుచుకున్నా అది వేరు… కానీ బహిరంగంగా, వేదికల మీద మాట్లాడేటప్పుడు కాస్త డీసెన్సీ, సంస్కారం గట్రా అవసరం… అది లోపించింది ఈ మనిషిలో…
ఫాఫం ఆలీ ఏమీ అనలేడు, అక్కడికి వచ్చినవాళ్లు కూడా విస్తుపోయారు… ఒరేయ్, ఏం కూతలురా అని అనలేరు కదా… ఏమో, టీవీ చానెళ్లు, ఇతర మీడియా రాజేంద్ర ప్రసాద్ బూతుల మీద నెగెటివ్‌గా రియాక్టయి అసలు ఏం మనిషి అతను అన్నట్టుగా రాస్తున్నారు కదా… రేపోమాపో మరో వీడియో రిలీజ్ చేస్తూ సారీ చెబుతాడేమో…
అడుసు తొక్కుతూనే ఉంటాడు, కాళ్లు కడుగుతూనే ఉంటాడు… ఆ తోక ఎప్పుడూ వంకరే… ఎవరో తిక్కరేగి, అక్కడే, ఆ వేదిక మీదే ఉగ్రరూపం దాల్చి ఏమైనా తీవ్ర స్పందన కనబరిచేవరకూ తను అంతేనేమో..!!
- రాయడం మరిచేపోయాను… అదే వేదిక మీద రోజాను, మురళీమోహన్‌ను, వ్యాఖ్యాత జర్నలిస్టు ప్రభును, ఓ కెమెరామ్యాన్‌ను, ఆమనిని కూడా పిచ్చికూతలతో హర్ట్ చేశాడు… ప్రత్యేకించి రవళిని గుండ్రాయి అని వ్యాఖ్యానించి బాడీ షేమింగు కూడా… అదేమంటే, నా కుటుంబం అంటాడు, ఇంకేదో చెబుతాడు, వీడేం మనిషిరా బాబూ…
ఐ-బొమ్మ రవిని ఎన్‌కౌంటర్ చేయాలని ధూర్త కూత కూశాడుగా, ఎవరో భారీ అత్యంత తీవ్ర జ్ఞాని కల్యాణ్ అనేవాడు… మరి ఇలా కుసంస్కారంతో వేదికల మీద రెచ్చిపోయి, జనంలో మనోకాలుష్యానికి కారకులయ్యే మిమ్మల్ని…. అచ్చం ఇలాంటి సినిమాలతోనే తెలుగు జాతిని సాంస్కృతిక కాలుష్యంలో నింపే మిమ్మల్ని ఏం చేయాలి..?!
Share this Article