Muchata

Find Latest News in Telugu from muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

కృష్ణకు శ్రీదేవి మేనకోడలు… అప్పట్లో బాలనటి… దాసరి సహాయ దర్శకుడు…

April 2, 2024 by M S R

Subramanyam Dogiparthi…   అతిలోక సుందరి శ్రీదేవి బాలనటిగా నటించిన మొట్టమొదటి తెలుగు సినిమా 1970 లో వచ్చిన ఈ *మా నాన్న నిర్దోషి* సినిమా . కృష్ణ , విజయనిర్మలలకు మేనకోడలుగా నటించింది . పెద్దయ్యాక కృష్ణతో 31 సినిమాలు నటించింది . చిన్నప్పుడు ఆడుకోవటానికి కృష్ణ వాళ్ళింటికి వచ్చేదట . మద్రాసులో కృష్ణ పక్కింట్లో ఉండేవారట .

కె వి నందనరావు దర్శకత్వంలో వచ్చిన ఈ సినిమాలో ప్రధాన పాత్రలు పిల్లలివే . కృష్ణ , విజయనిర్మలలకు కొడుకుగా బేబీ శశి , మేనకోడలుగా బేబీ శ్రీదేవి పాత్రలే ప్రధాన పాత్రలు . ఆ తర్వాత కృష్ణ , విజయనిర్మల , నాగభూషణం , సూరేకాంతం , గుమ్మడి , నాగయ్య , రాజబాబు , రమాప్రభ , విజయలలిత , మాస్టర్ విశ్వేశ్వరరావు , మిక్కిలినేని ప్రభృతులు నటించారు .
పెండ్యాల నాగేశ్వరరావు సంగీత దర్శకత్వంలో పాటలు బాగుంటాయి . అలకలు తీరిన కన్నులు ఏమనె ప్రియా పాట చాలా శ్రావ్యంగా ఉంటుంది . బేబీ శ్రీదేవి , బేబీ శశిల పాటలు ఎంతెంత దూరం , రండీ అమ్మాయి గారు బాగుంటాయి . ఇద్దరు పాపల నటన అభినందనీయంగా ఉంటుంది . మిగిలిన పాటలు ఏమండీ అబ్బాయి గారు , అమ్మ దొంగా వగైరా థియేటర్లో బాగున్నా బయట హిట్ కాలేదు .
చేయని హత్యకు జైల్లో శిక్ష అనుభవిస్తున్న తండ్రిని నిర్దోషిగా రుజువు చేయటమే టూకీగా కధాంశం . కొడుకు , మేనకోడలు కలిసి ఈ కధను నడిపిస్తారు . సినిమా ఏవరేజ్ గా ఆడిందని గుర్తు . మా నరసరావుపేటలోనే చూసా . యూట్యూబులో ఉంది . శ్రీదేవి బాలనటిగా నటించిన మొట్టమొదటి సినిమా చూడకపోతే ఎలా ?
ఈ సినిమాకు ముందే ఒకటి రెండు తమిళ సినిమాల్లో నటించింది శ్రీదేవి , భక్త ప్రహ్లాదలో మొదటిసారిగా నటించిన రోజారమణి మంచి నటీమణులు . By the way , దాసరి నారాయణరావు ఈ సినిమాకు సహకార దర్శకుడు . #తెలుగుసినిమాలసింహావలోకనం #తెలుగుసినిమాలు

Share this Article



Advertisement

Search On Site

Latest Articles

  • ఆ తల్లిది అలుపెరగని పోరాటం… 30 ఏళ్లుగా ఏ మార్గాన్నీ వదల్లేదు…
  • గుడ్ లోకేష్… వర్తమాన ఏపీ బూతు రాజకీయాల్లో నాలుగు మంచిమాటలు…
  • హమ్మయ్య… బీజేపీ మాధవుడు రాత్రికిరాత్రి తెలంగాణను మళ్లీ ఇచ్చేశాడు…
  • ప్రేక్షకులూ బీ రెడీ…! ఆరేడు వందల కోట్ల వసూళ్లకు దండయాత్ర..!!
  • మోడీ నిర్మించిన ఆ సర్దార్ విగ్రహంకన్నా మూడడుగులు ఎక్కువే..!!
  • క్రమేపీ మతానికి దూరమవుతున్న ఓ తూర్పు దేశం… ఇంట్రస్టింగు…
  • శాపగ్రస్త..! రాస్తే నవల… తీస్తే సినిమా… బతుకంతా ప్రేమరాహిత్యమే..!!
  • ఆ కుటుంబమే క్షమించేసింది… మళ్లీ ఇప్పుడు ఈ ఆగ్రహ ప్రకటనలేల..?!
  • “కావమ్మ మొగుడు… అంటే కామోసు అనుకున్నాను… నాకేం సంబంధం…?’’
  • బహుశా విజయశాంతికీ గుర్తుండి ఉండదు ఇదో సినిమా చేసినట్టు..!!

Archives

Copyright © 2025 · Muchata.com · Technology Management by CultNerds IT Solutions