అమ్మాయిని పందెంలో ఓడిపోతే… అది ‘మంచి రోజులు వచ్చాయి’ అట..!

1972 మే 12 న రిలీజయిన మన తెలుగు సినిమా ఎందుకనో తమిళ సినిమా అంత సక్సెస్ కాలేదు . ఈ సినిమా బాగా గుర్తు ఉండటానికి కారణం దేవులపల్లి వారు వ్రాసిన నేలతో నీడ అన్నది నను తాకరాదని పగటితో రేయి అన్నది పాట . టి చలపతిరావు సంగీత దర్శకత్వంలో పాటలన్నీ శ్రావ్యంగా ఉంటాయి . ఈనాటి సంక్రాంతి అసలైన పండగ , ఎగిరే గువ్వ ఏమంది విసిరే గాలి ఏముంది , సిరిపల్లె చిన్నది చిందులు వేస్తున్నది పాటలు చాలా శ్రావ్యంగా ఉంటాయి . హిట్టయ్యాయి కూడా .

ఓ పేదవాడు , ఓ పెత్తందారు పంతాలకు పోయి పందెం వేసుకుంటారు . పెత్తందారు ఓడిపోతే తన గారాల కూతురిని పేదవాడికిచ్చి పెళ్లి చేయాలి . పెత్తందారు ఓడిపోతాడు . ఊళ్ళో ఓ పేదవాడితో పెళ్ళి జరిపిస్తారు . ఈ సినిమాలో నాకెందుకో ఈ పందెం అస్సలు నచ్చలేదు . ఇరవయ్యో శతాబ్దంలో కూడా ఆడవాళ్ళని పందెం వస్తువుగా చూపడం నాకు నచ్చకపోవటమే కాదు , కోపం కూడా వచ్చింది . Of course . సినిమాయే అనుకోండి . పైగా వాళ్ళ డబ్బులు , వాళ్ళిష్టం . (ఒక అమ్మాయి ఆమెతో ఏ ప్రమేయం లేకుండా ఓ పేదోడికి, అదీ ఏదో బెట్టింగ్ కారణంగా పెళ్లి చేయాల్సి వస్తే… అది సోషలిజం స్థాపనా..? మంచి రోజులు వచ్చాయనే టైటిలా..?)