.
నిన్నా ఈరోజు వాట్సప్ గ్రూపుల్లో బాగా వైరల్ అవుతున్న ఓ వీడియో…
బాగుంది… హ్యూమన్ ఇంటరెస్టింగ్ స్టోరీలే కానరాని నేటి మీడియా ప్రాధాన్యాల్లో ఈ పోస్టు కనెక్టయ్యేలా ఉంది… సున్నిత మనస్కులైైతే అనివార్యంగా కళ్లల్లో నీళ్లు వస్తాయి…
Ads
మనం మళ్లీ మళ్లీ చెప్పుకునే డెస్టినీ అంటే ఇదేనేమో… (ఇది సోషల్ మీడియా పోస్టు… చివరలో వీడియో లింక్ కూడా ఉంది…)
ఆరు సంవత్సరాల క్రితం ఒకాయనకు మతిస్థిమితం తప్పింది… ఎక్కడో తప్పిపోయాడు…ఇద్దరు బిడ్డలు తన కోసం వెతుకుతూనే ఉన్నారు… కనిపించడం లేదు… రోడ్ల వెంబడి, తమకు తెలిసిన ప్రాంతాల్లో వెతుకుతున్నారు… కనిపించిన వాళ్లకల్లా చెబుతూనే ఉన్నారు…
ఆయన పేరు బాలయ్య… జుబిలీ హిల్స్ పెద్దమ్మగుడి పరిసర ప్రాంతాల్లో అటూ ఇటూ తిరుగుతుంటే తనను మాతృదేవోభవ అనాథాశ్రమంలో చేర్చుకున్నారు… అక్కడే ఉంటున్నాడు…
అక్కడికి అదే బాలయ్య బిడ్డలు తరచూ అన్నదానం చేయడానికి వస్తుంటారు… నెల రోజుల క్రితం కూడా అదే అనాథాశ్రమానికి వచ్చిన బాలయ్య కూతుళ్లు దివ్య, లావణ్య తమ నాన్న తప్పిపోయాడనీ, మతిస్థిమితం సరిగ్గా లేదని, వెతుకుతున్నామని అనాథాశ్రమం నిర్వాహకులకు కూడా చెప్పుకుంది… ఎక్కడైనా కనిపిస్తే చెప్పండని వేడుకున్నారు…
మళ్లీ నిన్న కూడా బాలయ్య కూతుళ్లు ఇద్దరూ అన్నదానం జరిపించడానికి వచ్చారు ఆ ఆశ్రమానికి… అక్కడ 130 మంది వరకూ ఉన్నారు… అక్కడ అనుకోకుండా ఆ ఆశ్రమవాసుల్లో తండ్రి కనిపించగానే గుర్తుపట్టారు… కన్నీళ్లు తన్నుకొచ్చాయి… వెళ్లి హత్తుకున్నారు ప్రేమగా… ఆర్తిగా…
మొదట వారిని చూసి కంగారుపడినా తరువాత స్థిమితంగా చూసి… బిడ్డల్ని గుర్తుపట్టాడు… పేర్లు చెప్పాడు… నాన్నను మేం తీసుకుపోతామని, జాగ్రత్తగా చూసుకుంటామని నిర్వాహకులకు హామీ ఇచ్చారు… కూతుళ్లు, వాళ్ల పిల్లలతో ఆ తండ్రి ఆశ్రమం విడిచి మళ్లీ ఇల్లు చేరాడు…
Share this Article