.
Psy Vishesh ….. రాఘవ్ చద్దాను ఆప్ (AAP) డెప్యూటీ లీడర్ పదవి నుండి తొలగించడం రాజకీయ వర్గాల్లో చర్చనీయాంశం కావచ్చు, కానీ ఒక సైకాలజిస్ట్గా నేను దీనిని “పవర్ డైనమిక్స్ & హ్యూమన్ ఇన్సెక్యూరిటీ” కి ఒక క్లాసిక్ కేస్ స్టడీగా చూస్తున్నాను.
రాబర్ట్ గ్రీన్ తన ప్రసిద్ధ గ్రంథం “48 Laws of Power” లో చెప్పిన మొదటి సూత్రం: “Never Outshine the Master” (నీ యజమాని కంటే నువ్వు ఎక్కువగా ఎదగకూడదు). ఈ సూత్రం వెనుక ఉన్న లోతైన సైకాలజీని విశ్లేషిస్తే మనకు కొన్ని ఆసక్తికరమైన విషయాలు అర్థమవుతాయి.
Ads
1️⃣ Threat Perception…ఇటీవల జరిగిన సర్వేలో ప్రధాని పదవి రేసులో రాఘవ్ చద్దా పేరు రావడం, కేజ్రీవాల్ గ్రాఫ్ తగ్గడం అనే అంశం ఇక్కడ కీలకం. ఒక లీడర్ తన వారసుడిని లేదా జూనియర్ని ప్రోత్సహించినంత కాలం అంతా బాగుంటుంది. కానీ, ఎప్పుడైతే ఆ జూనియర్ తన స్థాయిని దాటి (Outgrow) స్వతంత్రమైన ఇమేజ్ బిల్డ్ చేసుకుంటాడో, అప్పుడు లీడర్లోని ‘Threat Perception System’ యాక్టివేట్ అవుతుంది.
సైకాలజీలో దీనిని ‘Narcissistic Injury’ అంటారు. అంటే, తనకంటే గొప్పవారు ఎవరూ లేరనే లీడర్ యొక్క ఈగోకు, జూనియర్ ఎదుగుదల ఒక గాయంలా తగులుతుంది. ఇక్కడ పనితీరు కంటే భయం రాజ్యమేలుతుంది.
2️⃣ Insecurity & Control… అధికారంలో ఉన్న వ్యక్తులు తరచుగా Power Anxiety కి లోనవుతుంటారు. అప్పుడు లాజిక్ పని చేయదు. రాఘవ్ చద్దా పార్టీకి పెద్ద అసెట్ కావచ్చు, కానీ సైకాలజికల్ గా ఆయన ఎదుగుదల కేజ్రీవాల్కు తన పట్టు సడలుతుందనే అభద్రతను కలిగిస్తుంది.
ఇలాంటి సమయాల్లో లీడర్లు ‘టాలెంట్’ ఉన్నవాళ్ల కంటే విధేయత (Loyalty) ప్రదర్శించే వాళ్లకే ప్రాధాన్యత ఇస్తారు. ఎందుకంటే టాలెంట్ ఉన్నవాడు ప్రశ్నిస్తాడు లేదా అధిగమిస్తాడు, కానీ విధేయుడు అనుసరిస్తాడు.
3️⃣ మన జీవితంలో కూడా! … ఈ “Never Outshine the Master” అనేది ఆఫీసులు, కుటుంబాలు, అకాడెమియాలో కూడా కనిపిస్తుంది.
🔹 కార్పొరేట్ రంగంలో బాస్ కంటే స్మార్ట్గా ఉండే ఎంప్లాయీకి ప్రమోషన్ కంటే ‘సైడ్ లైన్’ అయ్యే అవకాశాలే ఎక్కువ.
🔹 తండ్రి ఆధిపత్యం ఉన్న కుటుంబాల్లో కొడుకు కెరీర్ పరంగా సక్సెస్ అయినా, ఇంట్లో నిర్ణయాల్లో అతనికి ప్రాధాన్యత దక్కకపోవచ్చు. దీనిని Subtle Suppressing అంటారు.
4️⃣ Great Leader Vs Insecure Leader … ఒక వ్యక్తి గొప్పతనం అతను తయారుచేసే లీడర్లను బట్టి ఉంటుంది.
🔹Healthy Leaders తమ చుట్టూ తమకంటే మేధావులను ఉంచుకుంటారు. వారు ఎదిగితే సంస్థ/ పార్టీ ఎదుగుతుందని నమ్ముతారు.
🔹 Insecure Leaders తమ చుట్టూ కేవలం “Yes Men” మాత్రమే ఉండాలని కోరుకుంటారు. తమ నాయకత్వాన్ని తగ్గించే ఏ చిన్న విషయాన్నీ వారు భరించలేరు.
పరిష్కారం ఏమిటి? … మీరు ఎదుగుతున్న క్రమంలో మీ ‘మాస్టర్’ లేదా ‘బాస్’ ఇన్సెక్యూర్ ఫీల్ అవుతున్నారని గుర్తిస్తే, సైకాలజీ ఈ క్రింది టిప్స్ సూచిస్తుంది….
🔹 Credit Sharing…: మీ విజయాల్లో మీ లీడర్ పాత్ర ఉందని పదే పదే గుర్తు చేయండి. తద్వారా వారు తమ ప్రాధాన్యతను కోల్పోతున్నామనే భయం నుండి బయటపడతారు.
🔹 Be an Asset, Not a Threat…: మీ ఎదుగుదల వారికి రక్షణగా ఉండాలి తప్ప, సవాలుగా మారకూడదు.
🔹 Framing Success:… మీ సక్సెస్ను “నా విజయం” అనకుండా “మన విజయం” గా ఫ్రేమ్ చేయండి.
నిజమైన ఎదుగుదల కావాలంటే కొన్నిసార్లు మాస్టర్ నీడ నుండి బయటపడక తప్పదు. కానీ ఆ బయటకు వచ్చే క్రమంలో ఎంతటి మూల్యాన్ని చెల్లించాలో సిద్ధంగా ఉండాలి. రాఘవ్ చద్దా విషయంలో ఇప్పుడు అదే జరుగుతోంది. …..
సైకాలజిస్ట్ విశేష్
Genius Matrix Hub
Share this Article