16 ఏళ్లకే పెళ్లి… కష్టాల కాపురం… విడాకులు… మనసు కలిసిన చందుతో సహజీవనం… కానీ తనకు అంతకుముందే పెళ్లయి పిల్లలు… రోడ్డు ప్రమాదంలో ఆమె దుర్మరణం… తట్టుకోలేక ప్రియుడి ఆత్మహత్య…. ఇవేకదా మనం పవిత్రా జయరాం గురించి పదే పదే చదివిన వార్తలు…
ఆ పర్టిక్యులర్ చానెల్ తనదైన స్టయిల్‌లో ఈ విషాదాన్ని కూడా పీకి పీకి పెంట చేసి వదిలిపెట్టింది… సొసైటీకి అత్యంత ప్రమాదకరంగా మారిన ఆ చానెల్ పేరు ఎందుకులెండి గానీ… సగటు పాత్రికేయం తలదించుకుంది..! సరే, అదంతా వదిలేయండి…
ప్రమాదాలు జరుగుతూనే ఉంటాయి, మరణాలు సంభవిస్తూనే ఉంటాయి… కాకపోతే సెలబ్రిటీలు మరణిస్తే కొన్నాళ్లు మీడియాలో హడావుడి… పాత కథలన్నీ తవ్వుతారు, ఏవేవో రాసేస్తారు… నిజానికి పవిత్ర జయరాం మంచి నటి… జీతెలుగు చానెల్‌లో టాప్ వన్ ప్లేసులో నిలిచే త్రినయని సీరియల్‌లో ఆమెదే ప్రధాన పాత్ర…
Ads
విలనీని భలే పోషించింది ఆమె… నిజానికి ఆ సీరియల్ ద్వారానే తెలుగు జనానికి కనెక్టయింది ఆమె… అందమైన ఆధునిక సూర్యకాంతం ఆమె… అవును, అదొక పిచ్చి సీరియల్… కథంతా సగటు విఠలాచార్య సినిమాకు వంద రెట్ల పెట్టు… పాములు, మంత్రాలు, మాయలు, భజనలు, మహత్తులు, కుట్రలు, ఆత్మలు, ప్రతీకారాలు, పగలు టైపు… సోది సీరియల్… కానీ జనానికి అదే నచ్చినట్టుంది… అందుకే టాప్…
ఈ సీరియల్ హీరోయిన్ ఆషికా పడుకోన్‌కన్నా పవిత్రకే ఎక్కువ పేరొచ్చింది… ఐతే మరి ఆమె మరణించింది కదా… ఆ సీరియల్‌లో ఆ పాత్రను ఏం చేస్తారు..? ఇదే కదా మీ ప్రశ్న… సింపుల్, మరో కొత్త నటిని తీసుకొచ్చి పెడతారు, అన్ని సీరియళ్లలోనూ అంతే కదా… ఎవరైనా నటి చేయిస్తే ఆ పాత్రనే చంపేస్తారు, రెమ్యునరేషన్ చిక్కులు వస్తే ఆ పాత్రను శంకరగిరి మాన్యాలకు పంపిస్తారు, లేదా మరో కొత్త నటిని సింపుల్‌గా ప్రవేశపెడతారు, ప్రేక్షకుడే ఓహో నటి మారింది కదా అని రాజీపడిపోతాడు… పోవాలి…
ఈ త్రినయని సీరియల్‌లోనూ ఆమె మరణించగానే… ఆ తిలోత్తమ పాత్ర ఏదో సర్పపురికో వెళ్లినట్టు చూపించేశారు… అంతే, మరో నటిని వెతికి, రెమ్యునరేషన్ మాట్లాడి, షూటింగుకు వచ్చాక ఆ తిలోత్తమ పాత్ర తిరిగి ఆ ఇంట్లోకి అడుగుపెడుతుంది అన్నమాట… సేమ్, పవిత్రకు దీటైన అందగత్తెను తీసుకొచ్చారు… ఈసారి మరింత ఆధునికంగా, ధనికంగా, అట్టహాసంగా…
సరే, ఆమె వచ్చాక… హీరోయిన్, హీరో, వాళ్ల బిడ్డ (హీరో తల్లి పునర్జన్మ)కు ప్రాణగండం అని చెప్పించారు… ఇంతకీ పవిత్ర జయరాంను మరిపించగలదా ఆమె..? ఏమో తెలియదు… ఈరోజే ఎంట్రీ… పేరు తెలియదు, ఎవరో తెలియదు… మొత్తానికి భలే కవర్ చేశార్రా అబ్బాయిలు…!!
Share this Article