ఎక్కడో చదివినట్టు గుర్తు… జేడీ చక్రవర్తి, తన భార్య అనుకృతి గోవింద శర్మకు బైబై చెప్పబోతున్నట్టు వార్త… కొన్ని సైట్లలో మాత్రమే… మిగతావాళ్లెవరూ పట్టించుకోలేదు, అయినా జేడీ ఇలాంటివి పట్టించుకునే టైపే కాదు… నిజమేమిటో వదిలేద్దాం… నమ్మబుల్ అనిపించలేదు, కానీ అసలే ఇది బ్రేకప్పులు, డైవోర్సుల సీజన్ కదా… నిజమే ఐనా పెద్ద ఆశ్చర్యపడాల్సింది ఏమీలేదు… ఐతే విశేషంగా అనిపించింది ఏమిటంటే..? తనకు శ్రీదేవి అక్క బిడ్డ, అప్పట్లో హీరోయిన్ మహేశ్వరితో ఎఫైర్ అని బోలెడు కథనాలు వచ్చాయి… తరువాత జేడీ పెళ్లి చేసుకోలేదు… దీనిపై విలేకరుల ప్రశ్నల్ని కూడా అవాయిడ్ చేసేవాడు…
మహేశ్వరితో పెళ్లి జరగక జేడీ విరక్తితో అలాగే ఒంటరిగా ఉండిపోయాడనీ రాసుకొచ్చాయి పత్రికలు… నిజమేమిటో తెలియదు… కానీ 45 ఏళ్ల వయస్సులో ఈమెను పెళ్లి చేసుకున్నాడు… ఈ లక్నో బేస్డ్ అమ్మాయి గురించిన ఇతర సమాచారం పెద్దగా దొరకదు నెట్‌లో… కాకపోతే సావిత్రి అని వర్మ ఓ సినిమా సొంతంగా ప్లాన్ చేశాడు 2014లో… దానికి జేడీ దర్శకుడు… నిజానికి జేడీ మొదటి నుంచీ వర్మ ఫ్యాక్టరీ ఉత్పత్తే కదా… ఆ సినిమాలో ఓ టీనేజీ అబ్బాయి తనకన్నా పెద్దదైన అమ్మాయి ఆకర్షణలో పడిపోతాడు…
ఆ ప్రధాన పాత్రలో అనుకృతి నటించింది… వర్మ అంటే ఇక తెలుసు కదా… ఆ సినిమా సమర్పకుడు వర్మే… ఆ హాట్ హాట్ ఫోటోలు పోస్టర్లుగా రిలీజ్ అయిపోయాయి… ఇప్పటికీ నెట్‌లో అనుకృతి అనగానే అలాంటివే బోలెడు ఫోటోలు… ఆ సినిమా చేస్తున్నప్పుడే అనుకృతితో జేడీకి సాన్నిహిత్యం పెరిగింది… అప్పటిదాకా పెళ్లంటే విముఖంగా ఉండే జేడీ ఆమెకు పడిపోయి, పెళ్లికి రెడీ అయిపోయాడు… సన్నిహితంగా ఉండే కొంతమందిని పిలిచి పెళ్లి చేసేసుకున్నారు… ఈలోపు ది స్టేట్ చైల్డ్ రైట్స్ ప్రొటెక్షన్ కమిషన్ రంగంలోకి దిగింది… లెఫ్ట్ పార్టీలు, మహిళ సంఘాలు ఆందోళనలకు దిగాయి… సదరు సినిమా పిల్లల్ని చెడగొట్టేలా ఉందనీ, వల్గారిటీ ఉందనీ ప్రధాన ఆరోపణలు… ఆ గొడవ జరుగుతూ ఉండగానే సినిమా పేరును శ్రీదేవి అని మార్చారు…
Ads
అదీ వివాదమే… అప్పట్లో లిప్ కిస్ ఉంటే సినిమాలో సంచలనం ఖాయం… జేడీ తన భార్యతో లిప్ కిస్ సీన్ చేశాడు ఈ సినిమాలో అని కూడా ప్రచారం జరిగింది… అలా రకరకాల ప్రచారాలు, వివాదాల్లో మునిగీ తేలీ, చివరకు ఆ సినిమా 2016లోనే ఇక అటకెక్కిపోయింది… వర్మ కోల్డ్ స్టోరేజీలో ఇలాంటి సినిమాలు చాలా ఉంటయ్… ఇప్పటికీ ఆ సినిమా రిలీజ్ కాలేదు… తరువాత అనుకృతి పేరు ఇంకెక్కడా వినిపించలేదు కూడా… వాళ్ల వైవాహిక బంధం సజావుగా సాగిపోతుందిలే అనుకున్నారు అందరూ… ఇప్పుడు తాజాగా ఈ వార్త… నిజం కాదనే విశ్వసిద్దాం…
Share this Article