రాఘవేంద్రరావు పూలూ పళ్లూ లేని స్ట్రెయిట్ కథాగమనం ఇది..!

.

. (దోగిపర్తి సుబ్రహ్మణ్యం)… …. ప్రముఖ హాస్యనటుడు ఆలీ బాలనటుడిగా నటించిన మొట్టమొదటి లేదా రెండో సినిమా 1980 లో వచ్చిన ఈ నిప్పులాంటి నిజం . హీరోయిన్ తమ్ముడిగా నటించాడు .

సినిమాకు నిజం చెప్పాలంటే హీరో సత్యనారాయణే . సినిమా ఇప్పుడు చూస్తుంటే యన్టీఆర్ జస్టిస్ చౌదరి సినిమా గుర్తుకొస్తుంది . ఇప్పుడు అని ఎందుకు అన్నానంటే జస్టిస్ చౌదరి కన్నా ముందు వచ్చిందీ సినిమా .

అసలీ సినిమాకు లాయర్ చక్రవర్తి కరెక్ట్ పేరు . ఈ సినిమాలో సత్యనారాయణ లాయర్ చక్రవర్తి .
సత్యనారాయణ తర్వాత చాలా బాగా నటించింది రావు గోపాలరావు . సాడిస్టిక్ విలన్ గా కర్కశంగా నటించారు . వీరిద్దరి తర్వాత షావుకారు జానకి . లాయర్ గారి భార్యగా , అమితమైన దైవభక్తి కల మహిళగా సెంటిమెంటల్ పాత్రను బాగా పోషించింది .

రాఘవేంద్రరావు దర్శకుడే అయినా ఆయన మార్క్ పెద్దగా కనిపించదు . పూలు ఉండవు , పళ్ళు ఉండవు . సత్యానంద్ , జంధ్యాల వ్రాసిన కధను యధాతథంగా నడిపించినట్లుగా ఉంటుంది . కధలో బలం ఉండటం వలన ఫలపుష్పాలు లేకపోయినా బాగానే ఆడింది .

డైలాగులను సత్యానంద్ వ్రాసారు . బాగానే ఉంటాయి . చక్రవర్తి సంగీత దర్శకత్వంలో వేటూరి వ్రాసిన పాటలు నాలుగూ శ్రావ్యంగానే ఉంటాయి . బయట హిట్ కాలేదు .

అబ్బోసి అవునందయ్యో కొబ్బరి మామిడి ముక్క , ఓ చక్కని చుక్కా ఈ చక్కిలిగింత , నూజివీడు చిన్న రసం నా సరసం , సన సనజాజుల సరదా బుల్లెమ్మ పాటలు శ్రావ్యంగానే ఉంటాయి . నాలుగూ డ్యూయెట్లే .

మురళీమోహన్ , రాజ్యలక్ష్మి , కాంతారావు , అల్లు రామలింగయ్య , గిరిజ , పి జె శర్మ చలపతిరావు ప్రభృతులు నటించారు . సినిమా , పాటల వీడియోలు యూట్యూబులో ఉన్నాయి . ఇంతకుముందు చూసి ఉండకపోతే సత్యనారాయణ అభిమానులు తప్పక చూడతగ్గ సినిమాయే . #తెలుగుసినిమాలసింహావలోకనం #తెలుగుసినిమాలు