పుష్ప కేసులో అసలు సర్‌ప్రయిజింగ్ ఫ్యాక్ట్ ఇది… అంతుపట్టని ఏదో మిస్టరీ…

అనకాపల్లి పుష్ప క్రైం స్టోరీలో బాగా నచ్చిన అంశం ఒకటుంది… ఆమె కాబోయే భర్త రాము నాయుడిపై దాడి చేసింది… తనకు రక్తం కారిపోతున్నా సరే, మైండ్ ఒక్కసారిగా షాక్‌కు గురైనా సరే ఆ అబ్బాయి ఏం చేశాడు..? ఆమెపై ఎదురుదాడి చేయలేదు… ఆవేశంతో హత్యాయత్నం ఏమీ చేయలేదు… మానసిక స్థితి అదుపు తప్పిన ఆమె ఎక్కడ ఆత్మహత్య చేసుకుంటుందో అని భయపడి, ఆమెను సంఘటన స్థలం నుంచి వాపస్ తీసుకొచ్చాడు… తరువాత హాస్పిటల్‌లో చేరాడు…

నిజానికి వార్తల్లో ఆమె ఫోటోను బ్లర్ చేస్తున్నారు… అవసరం లేదు… పేరు దాయాల్సిన అవసరం కూడా లేదు… ఆమె నేరస్థురాలే చట్టం దృష్టిలో… జరిగింది హత్యాప్రయత్నం… అన్నింటికీ మించి ఆమె మానసిక స్థితి బాగాలేదు… రెండుసార్లు పెళ్లిచూపులు రద్దు చేయించిందట, బలవంతంగా ఒప్పించారట… సర్‌ప్రయిజ్ ఇస్తానని ఓచోటకు పిలిచి, కళ్లు మూసుకొమ్మని చెప్పి, సరిగ్గా మూసుకోవడం లేదని చున్నీతో కట్టి మరీ కత్తితో దాడి చేసింది… ఇది యుక్తాయుక్త విచక్షణరహిత స్థితి…

జరిగిన సంఘటనపై సోషల్ మీడియా వ్యంగ్య ధోరణిని తీసుకుంది… మీడియా ఓ మామూలు క్రైం యాంగిల్ తీసుకుంది… కానీ ఒక్క విషయం స్ట్రయిక్ అవుతోంది… ఆమె ఎందుకు ఈ పనిచేసింది..? దైవచింతనలో గడుపుతాను, నాకు పెళ్లి ఇష్టం లేదు అంటోంది… తన గమ్యానికి అడ్డుగా నిలబడింది, కనిపిస్తున్నది తనకు కాబోయే భర్తే కాబట్టి, కోపంలో అదుపు తప్పింది, ఆలోచన నశించింది, పిలిచి దాడి చేసింది… ఆమె మానసికంగా ఆరోగ్యంగా ఉండి ఉంటే… అక్కడికి రాగానే, నాకు పెళ్లి అంటే ఇష్టం లేదు అని స్ట్రెయిట్‌గా చెప్పేసేది… అతనిపై దాడి ఏకోణం నుంచి చూసినా సరే, ఆమెకు మానసిక ఆరోగ్య చికిత్స అవసరమనే తేలుతుంది…

ఆమె ఏం చెబుతోంది… ఓం శాంతి ఆశ్రమంలో ఉండాలని ఉందట… ఎక్కడిది ఈ ఆశ్రమం..? మిత్రుడు Srinivas Ganjivarapu చెబుతున్న వివరాల ప్రకారం… ‘‘ఆ ఆశ్రమం పేరు శ్రీ విశ్వశాంతి జ్యోతిర్మయి బాబా ఆశ్రమం… స్థానికంగా ఓం శాంతి ఆశ్రమం అని పిలుస్తారు… అనకాపల్లి జిల్లా, బుచ్చెయ్యపేట మండలం, కోమల్లపూడిలో వుంది…