హిందీలో బ్లాక్ బస్టర్ యాదోం కి బారాత్ ఆధారంగా 1975 లో తెలుగులో వచ్చిన ఈ అన్నదమ్ముల అనుబంధం సినిమా కూడా బ్లాక్ బస్టరే . కమర్షియల్ గా వీర సక్సెస్ అయింది . నేనయితే హిందీ సినిమా కూడా రెండు సార్లు చూసా .
మన తెలుగు సినిమా సక్సెస్ కు ప్రధాన కారణం పాటలే . హిందీ ట్యూన్లనే ఉపయోగించుకోవటం వలన పాటలు సూపర్ హిట్టయ్యాయి . ఆనాటి హృదయాల ఆనంద గీతం ఇదేలే , గులాబి పువ్వై నవ్వాలి వయసు , కౌగిలిలో ఉయ్యాలా , అందమైన పిల్ల ఒకటి రమ్మన్నది , ఆనాడు తొలిసారి నిన్ను చూసి మురిసాను నేను పాటలు సూపర్ హిట్ . చక్రవర్తి సంగీత దర్శకులు .
యస్ డి లాల్ దర్శకత్వంలో సినిమా అంతా స్పీడు స్పీడుగా సాగిపోతుంది . NTR , మురళీమోహన్ , బాలకృష్ణ , కాంచన , లత , జయమాలిని , రాజబాబు , ప్రభాకరరెడ్డి , త్యాగరాజు , పుష్పలత ప్రభృతులు నటించారు .
Ads
హిందీలో ధర్మేంద్ర , విజయ అరోరా , తారిఖ్ ఖాన్ , జీనత్ అమన్ , నీతూ సింగ్ , అజిత్ ప్రభృతులు నటించారు . మన తెలుగు సినిమా వంద రోజుల ఉత్సవానికి MGR , శివాజీ గణేశన్ , హిందీ హీరో రాజకుమార్ అతిధులుగా విచ్చేసారు .
(ఇన్ని హిట్ పాటలున్నాయి కదా, ఈ చిత్రం ప్రత్యేకత ఏమిటంటే, ఎన్టీఆర్‌కు ఒక్క పాట లేకపోవడం, అఫ్‌కోర్స్, హిందీ సినిమాలో ధర్మేంద్రకూ అంతే… (వికీ సమాచారం ఆధారంగా…)
మాతరంలో అందరూ చూసే ఉంటారు . ఈతరంలో చూడనివారు ఉంటే తప్పక చూడండి . యూట్యూబులో ఉంది . NTR , బాలకృష్ణ అభిమానులకు బాగా నచ్చుతుంది . బాలకృష్ణకు ఈ సినిమా వలన మంచి పేరు వచ్చింది . #తెలుగుసినిమాలసింహావలోకనం #తెలుగుసినిమాలు …….. ( By దోగిపర్తి సుబ్రహ్మణ్యం )
Share this Article