అమెరికా, ఇజ్రాయిల్ ఎయిర్ డిఫెన్స్ ఫెయిల్… మన ఆకాశ్‌కు గిరాకీ…

.

Pardha Saradhi Potluri …. ఆకాష్ ఎయిర్ డిఫెన్స్ సిస్టమ్ కొనాలనుకుంటున్న యూఏఈ..!
అమెరికన్ పేట్రియాట్, థాడ్, ఎయిర్ డిఫెన్స్ సిస్టమ్ పేర్లు ఇవి!
వీటిలో THAAD అబ్రివేషన్ ఇలా ఉంటుంది.. Terminal High Altitude Area Defence.

ఈ పేరు ఎలా ఉంది అంటే తెలుగు నాట పల్లెటూరిలో పుట్టి బాగా చదివి అమెరికాలో పెద్ద ఉద్యోగం చేస్తూ పని మీద హైదరాబాద్ కి వచ్చి రెస్టారంట్ కి వెళ్లి ఇడ్లీ సాంబార్ కోసం ఆర్డర్ ఇచ్చాడు ఇలా..
I’ll have the steamed fermented rice cakes with a side of lentil-vegetable stew, but please ensure the lentils were emotionally attached to the vegetables.

పేరులోనో, మాట్లాడే భాషలోనో నైపుణ్యం ఉంటే అది ఉద్యోగానికో లేక ఒక వస్తువుని అమ్ముకోవడానికో పనికివస్తుంది తప్పితే తీరా ఆచరణ లోకి వచ్చేసరికి అసలు విషయం బయటపడుతుంది!
డేవిడ్ స్లింగ్ అనేది ఇజ్రాయేల్ ఎయిర్ డిఫెన్స్ సిస్టమ్! డేవిడ్ స్లింగ్ ఎయిర్ డిఫెన్స్ కూడా ఇరాన్ బాలిస్టిక్ మిసైల్స్ ని ఆపలేకపోయిది!

మరి మన ఆకాశ్ ఎయిర్ డిఫెన్స్ సిస్టమ్!?
పేరు చాలా సింపుల్ ఉంది కదా?
UAE అధ్యక్షుడు షేక్ మొహమ్మద్ బిన్ జాయెద్ ఆల్ నహ్యా ( Sheikh Mohammed Bin Zayed Al Nahyan) కీలకమైన నిర్ణయం తీసుకున్నాడు అది
భారత్ నుండి ఆకాశ్ ఎయిర్ డిఫెన్స్ సిస్టమ్ కొనాలని!
అనుభవం అయింది తత్వం బోధపడింది!

కానీ అమెరికన్ మిలిటరీ ఇండస్ట్రీయల్ కాంప్లెక్స్ నుండి మనకి ముప్పు పొంచి ఉంది!
గత 50 ఏళ్ళ చరిత్రని పరిశీలిస్తే తన తోక అయిన యూరోపు ని ఆయుధపరంగా ఎదగనీయకుండా అడ్డుకుంటూ వచ్చింది. అలాంటిది భారత్ పోటీకి వస్తే చూస్తూ ఊరుకోదుగా!
ఏదో ఒక వంక పెట్టి ఆంక్షలు విధించేలా చూస్తుంది!

ఆపరేషన్ సిందూర్ వల్ల ఆకాశ్ ఎయిర్ డిఫెన్స్ అంటే ఏమిటో ప్రపంచానికి తెలిసింది!
ఇరాన్ మీద అమెరికా దాడి వల్ల ఆకాశ్ ఎయిర్ డిఫెన్స్ సిస్టమ్ ఎంత అవసరమో ప్రపంచ దేశాలు గుర్తిస్తున్నాయి.
ఒక్కోసారి దాడి మంచిదే అవుతుంది, మరక మంచిదే అనే స్లోగన్ లాగా!