Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

ఐటమ్ స్టెప్పులే కాదు… జయమాలినికి ఓ మంచి పాత్ర ఇచ్చారు…

April 24, 2025 by M S R

.

Subramanyam Dogiparthi …….. జానకి కలగనలేదు రాముని సతి కాగలనని ఏనాడు…, రాముడు అనుకోలేదు జానకి పతి కాగలనని ఆనాడు, ఆనాడు… ఎవరూ అనుకోనిది ఈనాడు మనకు నిజమైనది..,ఆ రామాయణం మన జీవన పారాయణం .

Most melodious song . Hats off to Veturi and Ilayaraja . 1983 లో వచ్చిన ఈ రాజకుమార్ సినిమా లోనిదే ఈ పాట . ఈ పాటే కాదు .‌ మిగిలిన పాటలు కూడా చాలా శ్రావ్యంగా ఉంటాయి . మరో శ్రావ్యమైన పాట తెలుగు భాష , సంస్కృతి , ఔన్నత్యాల మీద సాగే పాట . తేనె కన్న తీయనిది తెలుగు భాష . ఆరుద్ర వ్రాసారు .

Ads

మొదటి పాట శోభన్ బాబు , జయసుధల మీద , రెండవది శోభన బాబు , అంబికల మీద . జయమాలిని పాట కూడా శ్రావ్యంగా ఉంటుంది . గోదారి పొంగులా హై రాదారి బంగళా హై . రహదారి బంగళాలో కేర్ టేకరుగా ఈ సినిమాలో జయమాలినికి మంచి పాత్రే లభించింది . మరో పాట శోభన్ బాబు , జయసుధల మీద సాగుతుంది . అర్ధరాత్రి సద్దుమణిగి అల్లరి పెట్టిందా .

శోభన్ బాబు , జయసుధ , అంబికలు ప్రధాన పాత్రలలో నటించిన ఈ రాజకుమార్ సినిమా కన్నడంలో సక్సెస్ అయిన చళిసువ మోదగలకు రీమేక్ . కన్నడంలో రాజకుమార్ , అంబిక , సరితలు ప్రధాన పాత్రలలో నటించారు . కన్నడంలో సక్సెస్ అయినట్లుగా మన తెలుగులో సక్సెస్ కాలేదు .

సినిమా బాగానే ఉంటుంది . శోభన్ బాబు , జయసుధలు చాలా అందంగా ఉంటారు . చాలా చలాకీగా నటించారు . శోభన్ బాబు షర్టులు భలే అందంగా ఉంటాయి . 1+2 సినిమా కాబట్టి ఫస్ట్ హాఫ్ రొమాన్స్ , పాటలతో ఉన్నా సెకండ్ హాఫ్ సస్పెన్సుతో మలుపులు తిరిగి ఆసక్తికరంగానే ఉంటుంది . ఇళయరాజా సంగీతం చాలా శ్రావ్యంగా ఉంటుంది . ఎందుకనో ప్రేక్షకులకు ఎక్కలేదు .

హీరో జడ్జి గారబ్బాయి . గారాబంగా పెరిగి లాయర్ అవుతాడు . మరదలు జయసుధ హీరో మీద మనసు పారేసుకుంటుంది . మేనత్త కొడుకు తనకే స్వంతం అనే possessive mentality తో ఉంటుంది . హీరో గారికి మరో అమ్మాయి అంబిక నచ్చుతుంది . ప్రేమలో పడతారు .

సడెన్గా అంబిక హీరోని తిరస్కరిస్తుంది . ఆ షాకులో ప్రమాదానికి గురయిన బావకు రక్తాన్నిచ్చి రాత్రింబవళ్లు సేవ చేసి మరదలు కాపాడుకుంటుంది . ఆ కృతజ్ఞతతో హీరో గారు మరదల్ని పెళ్లి చేసుకుంటాడు . So far so good .

హీరో గారు లాయరుగా , హీరోయిన్ గారు పబ్లిక్ ప్రాసిక్యూటరుగా సాఫీగా సాగిపోతుంటుంది లైఫ్ . ఇంతలో అంబిక మొగుడు , డాన్స్ మాస్టారు నూతన్ ప్రసాదుని హత్య చేసినందుకు జైలు పాలవుతుంది . భార్యాభర్తలు కోర్టులో ఒకరికి ఒకరు తలపడతారు . తల్లే హత్య చేసిందని కూతురు అంబిక చేయని హత్యను తన మీద వేసుకుంటుంది .

అయితే అసలు హంతకురాలు జయమాలిని . ఆఖరి క్షణంలో తీర్పు చెప్పే ముందు కోర్టులో ప్రత్యక్షమై తానే హత్య చేసానని సాక్ష్యం ఇస్తుంది . అంబిక విడుదల అవుతుంది . ఇదీ కధ .

ఇతర ప్రధాన పాత్రలలో రావు గోపాలరావు , అల్లు రామలింగయ్య , షావుకారు జానకి , నిర్మలమ్మ , రాంజీ , ప్రభృతులు నటించారు . జి రామినీడు దర్శకత్వం వహించిన ఈ సినిమా యూట్యూబులో ఉంది . శోభన్ బాబు అభిమానులు చూడవచ్చు .

మైసూరు బృందావన్ గార్డెన్సులో , మద్రాస్ వల్లువార్ కొట్టంలో పాటలు షూట్ చేయబడ్డాయి .‌ ఇతర ఔట్ డోర్ లొకేషన్లు కూడా బాగుంటాయి . యూట్యూబులో పాటల వీడియోలు ఉన్నాయి . సంగీత ప్రియులు అస్సలు మిస్ కాకండి . తప్పక చూస్తూ వినండి .

ముఖ్యంగా జానకి కలగనలేదు రాముడి సతి కాగలనని ఏనాడు , తేనె కన్న తీయనిది తెలుగు భాష పాటలు . #తెలుగుసినిమాలసింహావలోకనం #సినిమాకబుర్లు #తెలుగుసినిమాలు

Share this Article



Advertisement

Search On Site

Latest Articles

  • పొంగులేటి పొగ..! సిస్టం, పార్టీ, సర్కారు… అన్నింటికీ ఓ కొత్త థ్రెట్..!!
  • సార్, మా కరెంటు కనెక్షన్ తీసుకుంటారా..? బోలెడు ఆఫర్లున్నాయి..!!
  • Amitabh Bachchan: The Timeless Titan of Indian Branding
  • ఈ వయస్సులోనూ అత్యంత విలువైన బ్రాండ్ ప్రమోటర్… బిగ్ బీ..!!
  • The Cremator: One Woman’s Sacred Mission to Honor 4,000 Souls
  • భయాన్ని దహనం చేసిన మహిళ — 4 వేల శవాలకు అంత్యక్రియలు…
  • కొడుక్కి ఓ హిట్ కోసం… అల్లుడు నిర్మాతగా… అక్కినేని తెరప్రయత్నం…
  • శవాన్ని ఓవెన్‌లోకి తోశారు… ఏదో కాలుతున్న ధ్వని… ఖాళీ స్ట్రెచర్ బయటికి వచ్చింది…
  • డిస్టర్బింగ్ సీసీటీవీ ఫుటేజీ… కొన్ని జవాబులు దొరకని ప్రశ్నలు కూడా…
  • ‘‘నీ ఏడుపేదో నువ్వేడువు… నాకన్నా ఎక్కువ ఏడువు… నేనేమైనా వద్దన్నానా..?’’

Archives

Copyright © 2025 · Muchata.com · Technology Management by CultNerds IT Solutions