మా దేశానికి రండి… ఇండియన్ మెడికల్ స్టూడెంట్స్‌కు రష్యా గుడ్ ఆఫర్…

రష్యా కేవలం భారత విద్యార్ధుల కోసం మంచి ఆఫర్ ఇస్తున్నది! ఉక్రెయిన్ లో వైద్య విద్యని అభ్యసిస్తూ మధ్యలో భారత దేశానికి తిరిగి వచ్చిన విద్యార్ధులకి వాళ్ళు అదే వైద్య విద్యని రష్యాలో కొనసాగించవచ్చు. మాజీ సోవియట్ రిపబ్లిక్ లు అన్నీ ఒకే రకమయిన వైద్య విద్యని అందిస్తున్నాయి ఉక్రెయిన్ తో సహా… కాబట్టి సబ్జెక్ట్ లలో వ్యత్యాసాలు ఉండవు. ఆసక్తి ఉన్న విద్యార్ధులు భారత్ లో ఉన్న రష్యన్ రాయబార కార్యాలయాన్ని కానీ లేదా రష్యాలో వైద్య విద్యని ఆఫర్ చేస్తున్న యూనివర్సటీలని నేరుగా సంప్రదించవచ్చు. రష్యా అధ్యక్షుడు వ్లాదిమిర్ పుతిన్ ఈ ఆఫర్ కేవలం భారత విద్యార్ధులకి మాత్రమే ఇస్తున్నాడు.

ఉక్రెయిన్ ప్రస్తుత పరిస్థితి ఏమిటి ?

ఉక్రెయిన్ రాజధాని కీవ్ నుండి రష్యన్ దళాలు వెనక్కి వెళ్ళిపోయాయి. ప్రస్తుత్తం కీవ్ లో ఉక్రెయిన్ దళాలు గస్తీ కాస్తున్నాయి. స్వల్ప స్థాయిలో తూర్పు, దక్షిణ ఉక్రెయిన్ ప్రాంతాలలో రష్యన్ దళాలు ఇంకా అక్కడే ఉన్నాయి. ఈ ప్రాంతాల నుండి రష్యన్ దళాలు పూర్తిగా వెనక్కి వెళ్ళవు.

ప్రస్తుతం ఉక్రెయిన్ మెడికల్ యూనివర్సిటీలు ఆన్ లైన్ క్లాసులు నిర్వహిస్తున్నాయి. ప్రాక్టికల్స్ కూడా ఆన్ లైన్ లో కానీ వేరే చోట ప్రత్యామ్నాయ ఏర్పాట్లు చేయడానికి కానీ సన్నాహాలు చేస్తున్నాయి.

ఉక్రెయిన్ పౌర విమానాశ్రయాలు పూర్తిగా దెబ్బ తిన్నాయి కాబట్టి వాటిని మళ్ళీ ఆపరేషన్ లోకి తీసుకురావడానికి మరో మూడు నెలలు పట్టవచ్చు. కాబట్టి ఇప్పటికిప్పుడు విద్యార్ధులు అక్కడికి వెళ్ళలేరు. అయితే ఉక్రెయిన్ లో మౌలిక సదుపాయాలు పూర్తిగా దెబ్బతిన్నాయి కాబట్టి వాటిని మళ్ళీ పునరుద్ధరించడానికి సమయం పడుతుంది. అలాగే మెడికల్ కాలేజ్ ల చుట్టుపక్కల భవనాలు కూడా చాలావరకు దెబ్బతిన్నాయి కాబట్టి ప్రైవేట్ గా అక్కడి ఫ్లాట్ లలో ఉండడానికి ఇప్పటికిప్పుడు సాధ్యం కాకపోవచ్చు.

వీటన్నిటినీ పక్కన పెడితే ముఖ్యంగా ఉక్రెయిన్ అధ్యక్షుడు అక్కడి ప్రజల్ని భారత్ కి వ్యతిరేకంగా రెచ్చగొట్టాడు కాబట్టి ఇదివరకటిలాగా అందరూ భారత విద్యార్ధుల పట్ల గౌరవ మర్యాదలు ఇస్తారనుకోవద్దు. ఇప్పటికిప్పుడు ఉక్రెయిన్ వెళ్ళడం అంత మంచిది కాదు. ఇక స్థానిక ఉక్రెయిన్ మెడికల్ విద్యార్ధులు కూడా ఇబ్బందులు పడుతున్నట్లు వార్తలు వస్తున్నాయి. ఉక్రెయిన్ మెడికల్ యూనివర్సిటీలు బయట దేశాలలో ప్రాక్టికల్స్ తో పాటు పరీక్షలు నిర్వహించడానికి ప్రయత్నిస్తున్నాయి.

అయితే కొంచెం విరామం తీసుకొని రష్యా మళ్ళీ ఈసారి అత్యాధునిక ఆయుధాలతో దాడి చేయవచ్చు అనే వార్తలు కూడా ఉన్నాయి. బహుశా నెల లేక రెండు నెలల తరువాత రష్యా మళ్ళీ దాడి చేయదని గ్యారంటీ లేదు కాబట్టి భారత్ విద్యార్ధులు తిరిగి ఉక్రెయిన్ వెళ్ళడం క్షేమం కాదు. పుతిన్ భారత విద్యార్ధులకి ఇస్తున్న అవకాశం కూడా మళ్ళీ దాడి చేసే ఉద్దేశం ఉన్నదనే చెప్తున్నట్లు అనుకోవాలి.

ఇప్పటికే టర్కీ రాజధాని ఇస్తాంబుల్ లో ఒకసారి రష్యా, ఉక్రెయిన్ దౌత్యవేత్తల మధ్య జరిగాయి కానీ ఎలాంటి పురోగతి లేదు. ఈసారి పుతిన్, జేలేన్ స్కీల మధ్య చర్చలు జరగవచ్చు అనే సంకేతాలు వెలువడుతున్నాయి కానీ అవి జరిగి శాంతి నెలకొంటుంది అన్న ఆశలు లేవు. రెండు రోజుల క్రితం ఉక్రెయిన్ హెలికాప్టర్ లు రష్యా సరిహద్దుల దగ్గర ఆయిల్ నిల్వలు ఉన్న ప్రాంతం మీద దాడి చేసి వాటిని తగులబెట్టాయి. కాబట్టి ఈ యుద్ధం ఇప్పటితో ఆగేది కాదు. కాబట్టి భారత విద్యార్ధులు తిరిగి ఉక్రెయిన్ వెళ్ళాలనే ఆలోచన విరమించుకుంటేనే మేలు. రష్యా ఇస్తున్న అవకాశాన్ని ఉపయోగించుకొని తమ వైద్య విద్యని పూర్తి చేసుకోవడమే మంచి పని.

రష్యాలో దాదాపుగా 25 మంచి మెడికల్ యూనివర్సిటీలు ఉన్నాయి. వాటిలో కూడా భారత విద్యార్ధులు పెద్ద సంఖ్యలో చదువుతున్నారు కాబట్టి ఇబ్బంది ఏమీ ఉండబోదు. ఈ సంవత్సరం ఎలాగో అలాగా నెట్టుకొచ్చినా తరువాతి సంవత్సరాల సంగతి ఏమిటీ అని ఆలోచించుకొని నిర్ణయం తీసుకోవడం మంచిది. మీరు కనుక కన్సల్టన్సీలని సంప్రదిస్తే అంతా బాగానే ఉంటుంది అనే చెప్తారు కానీ ఉక్రెయిన్ సంక్షోభం ఇప్పట్లో తేలే విషయం కాదని వాళ్లకి తెలియదు. ఎందుకంటే వాళ్లకి కావాల్సింది అడ్మిషన్లు, వాటి వల్ల వచ్చే డబ్బు మాత్రమే!

అయితే వోలోదోమిర్ జేలేన్ స్కీ అధ్యక్ష పదవి నుండి దిగిపోతే మాత్రం కొంతలో కొంత పరిస్థితిలో మార్పు రావొచ్చు. పూర్తిగా ధ్వంసం అయిపోయిన ఉక్రెయిన్ మళ్ళీ కోలుకోవాలి అంటే మరో మూడేళ్ళు పట్టవచ్చు కానీ ఈలోపు మళ్ళీ ఏదన్నా జరుగదు అన్న గ్యారంటీ లేదు. వైద్య విద్య అనేది ఆన్ లైన్ క్లాసుల ద్వారా నేర్చుకునేది కాదని గుర్తుపెట్టుకోండి! ఇప్పటికే మన దేశంలో 10th, ఇంటర్ పాస్ అయిన వారిని కోవిడ్ బాచ్ అంటూ వివక్ష చూపిస్తున్నారు అలాంటిది MBBS ని ఆన్ లైన్ లో చేస్తే ఎలా ఉంటుంది ?!