ఎప్పుడైతే ఢీ షోకు ప్రాణంగా నిలిచిన రష్మిని, సుధీర్‌ను వెళ్లగొట్టారో ఈటీవీలోని డాన్స్ రియాలిటీ షో ఢీ గాడి తప్పింది… తరువాత జడ్జిలుగా ఎవరొస్తున్నారో ఎవరికీ తెలియదు… మెంటార్లు ఎవరో, కామెడీ స్కిట్స్ చేసేవాళ్లెవరో తెలియదు… యాంకర్ ప్రదీప్, హైపర్ ఆది మాత్రమే స్థిరంగా కనిపిస్తున్నారు… జనానికి వాళ్ల పర్‌ఫామెన్స్‌తో మొనాటనీ వస్తుందనే సోయి కూడా లేదు ఈటీవీ యాజమాన్యానికి…
ఇప్పుడు ఢీ 15వ సీజన్ స్టార్ట్ చేశారు… గుడ్, ప్రభుదేవాను ముఖ్యఅతిథిగా పిలిచారు… నిజానికి ఎవరో సినిమా హీరోలను పిలవడంకన్నా ప్రభుదేవా వంటి హీరోలు కరెక్టు… ఎందుకంటే..? బేసిక్‌గా వాళ్లు కొరియోగ్రాఫర్లు… పైగా ప్రభుదేవా కొరియోగ్రాఫర్గా దేశంలో టవరింగ్ పర్సనాలిటీ… తన వ్యక్తిగత జీవితం మన్నూమశానం వదిలేస్తే, కొరియోగ్రాఫర్గా, డాన్సర్‌గా అల్టిమేట్ కేరక్టర్…
రెండుగంటల లాంచింగ్ షో చూశాక అనిపించింది… అసలు ఏమాత్రం కన్సిస్టెన్సీ లేకుండా… ఎవరినీ నాలుగు రోజులు స్థిరంగా ఉంచకుండా ఎందుకు ఆడుకుంటున్నారు..? మరీ రెండుమూడు సీజన్లు అయిపోతే మొనాటనీ బ్రేక్ చేయాలి అనిపిస్తే వోకే… నిజానికి ప్రియమణికి అది కూడా వర్తించదు… ? ఈ షోకు ఆమె ప్రాణం… ఇప్పుడు ఆమెను కూడా పీకిపారేసినట్టున్నారు… కనిపించలేదు… 15వ సీజన్‌లో ఉన్నట్టయితే లాంచింగ్ ఎపిసోడ్‌లో, అదీ ప్రభుదేవా వచ్చిన ఎపిసోడ్‌లో కనిపించలేదు దేనికి..? అసలు మొన్న ఏదో ఎపిసోడ్‌లో ఆదితో అనిపించారు, ముగ్గురూ ఆడలేడీసే, ఇది ఢీ షోయా..? కిట్టీ పార్టీయా అని..? అన్నట్టుగానే ముగ్గురినీ ఊడబీకినట్టున్నారు… ఏం తెలివిర భయ్…
Ads
పూర్ణ లేదు, యాని మాస్టర్ లేదు… మొన్నటిదాకా ఏవో తిప్పలు పడ్డ అఖిల్ సార్థక్ లేడు… అసలు ఎవరూ లేరు… నందిత శ్వేత, రవి, నవ్యస్వామి, అనల సుస్మిత… ఏరీ వీళ్లంతా..? నాలుగు రోజులు మురిపెమేనా..? అలాంటప్పుడు మనసు పెట్టి ఎందుకు చేయాలి..? అదే ఆది డవిలాగులతో షో నడిపించుకునే పక్షంలో… అసలు ఇప్పుడు కనిపిస్తున్న దివ్య, శ్రద్ధాదాస్, గణేష్ మాస్టర్, జానీ మాస్టర్ కూడా వేస్ట్… ప్రదీప్‌ను కూడా వెళ్లగొట్టేసి, ఆదికే అప్పగిస్తే సరిపోయేది కదా… తనకు తోడు బిగ్‌బాస్ ఫేమ్ జెస్సీ కనిపిస్తున్నాడు…. తను ఈ షోకు సూట్ కాడు…
బిగ్గర్ దాన్ ఎవర్, బెటర్ దాన్ ఎవర్ అంటూ చాంపియన్‌షిప్ బాటిల్ అని పేరు పెట్టారు దీనికి… 12 మందిని చాంపియన్లుగా చూపిస్తున్నారు కదా, అందరివీ డాన్సులు చూపించారు… బాగుంది… పెద్ద రిలీఫ్ ఏమిటంటే… మధ్యలో ఆది మార్క్ డవిలాగుల చికాకు లేదు… అసలు చాలాసేపు అక్కడ ఉన్నాడా లేడా అని డౌటొచ్చింది… చివరకు ఎపిసోడ్ ఎండింగ్‌లో ప్రదీప్ అందరినీ పిలిచాడు గానీ ఆదిని, జెస్సీని పిలవలేదు… అలా తీసిపడేశాడు ప్రదీప్ ఆదిని… కానీ, ఏమో, షోలో మాత్రం ఆది ఉంటాడేమో…
ఒకవైపు ఆహా టీవీలో ఓంకార్ డాన్స్ రియాలిటీ షోను ఇరగదీసేశాడు… తనే మాటీవీలో కూడా బాగానే చేశాడు, కానీ రేటింగ్స్‌లో ఫ్లాప్… ఇలా పోటీ ఎక్కువవుతుంటే ఈటీవీ తనకు బలంగా ఉండే రియాలిటీ షోలను తనే దెబ్బతీసుకుంటోంది… ఢీ షోలో ఎడాపెడా చేసే మార్పులే దీనికి తార్కాణం…
Share this Article