Vodelling Brahma… మరపురాని గాయకుడు కిషోర్ కుమార్…

కిషోర్ కుమార్ 1948లోనే జిద్ది సినిమాలో నేపథ్య గాయకుడిగా పరిచయం అయ్యారు. మన దేశ సినిమాల్లో నమోదైన తొలి baritone గాయకుడు కిషోర్ కుమార్! కిషోర్ కుమార్ 1969 నుంచి ఊపందుకున్న గాయకుడైనారు.

తలత్, రఫీ, మన్నాడేలలా కాకుండా కిషోర్ open throat singing చేశారు. మన దేశ సినిమాల్లో yodelling చేసిన తొలి గాయకుడు కిషోర్. నై దిల్లీ సినిమాలో శంకర్- జైకిషన్ సంగీతంలో “నఖరీ వాలీ…” పాటలో కిషోర్ తొలిగా, గొప్పగా yodelling చేశారు.

ఎస్.డి. బర్మన్, ఆర్.డి. బర్మన్, కళ్యాణ్ జీ – ఆనంద్ జీ ల సంగీతంలో కిషోర్ గొప్ప పాటలు పాడారు; గొప్పగా పాడారు. ఘర్ ఘర్ కీ కహానీ సినిమాలో కళ్యాణ్ జీ – ఆనంద్ జీ సంగీతంలో “సమాహే సుహాన…” పాట కిషోర్ గొప్పగా పాడిన పాటల్లో ఒకటి. ఆర్. డి. బర్మన్ సంగీతంలో కిషోర్ ఎన్నో గొప్ప పాటల్ని ఎంతో గొప్పగా పాడారు.

అమర్ ప్రేమ్ సినిమాలో “చింగారీ కోయీ…” పాట mood and modulation తో కిషోర్ ఎంతో బాగా పాడారు. ఆర్. డి. బర్మన్ సంగీతంలో ఖుద్రత్ సినిమాలో “హమే తుంసే ప్యార్…” పాటను విశేషంగా పాడారు. ఎస్.డి. బర్మన్ సంగీతంలో శర్మిలీ సినిమాలో “కైసే కహే హం ప్యార్ నే హంకో…” పాటను కిషోర్ అత్యున్నతంగా పాడారు. 1955లోనే సజ్జాద్ హుస్సైన్ సంగీతంలో రుఖ్సానా సినిమాలో ” ఏ చార్ దిన్ బహార్ కీ… ” పాటనూ, ” తేరే జహాన్ సే చల్ దియా…” పాటనూ జనరంజకంగా పాడారు. పలువురు సంగీత దర్శకుల పలు గొప్ప పాటల్ని కడుగొప్పగా పాడారు. ఆర్. డి. బర్మన్ కిషోర్ ను “god gifted singer” అన్నారు.

కిషార్ కుమార్ ఒక సంగీత దర్శకుడుగా గొప్ప పాటల్ని చేసేలా పాడారు. దూర్ కా రాహీ సినిమాలో “బేకరార్ దిల్ తు గాయే జా…” పాట అందుకు ఒక మచ్చుతునక. చాల గొప్పగా చేశారు కిషోర్ ఈ పాటను. ఝుంరూ సినిమాలో “కోయీ హమ్ దమ్ నరహా” పాట ఆయన్ను ఒక గొప్ప సంగీత దర్శకుడు అన్న నిజాన్ని మనకు విశదపరుస్తుంది. సరస్వతీ దేవి 40 లలో చేసిన ఒక పాటలోని చిన్న melody ని తీసుకుని కిషోర్ ఈ పాటను గొప్పగా చేశారు.

కిషోర్ గొప్ప గాయకుడు మాత్రమే కాదు గొప్ప నటుడు కూడా! కథ, స్క్రిప్ట్, దర్శకత్వం వంటి వాటిల్లోనూ కిషోర్ తన ప్రతిభను ప్రదర్శించారు.