Muchata

Find Latest News in Telugu from muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

కృష్ణుడికి తొమ్మిదో భార్య వసుంధర అట… ప్రేక్షకులు ఫోఫోవోయ్ అనేశారు…

May 17, 2024 by M S R

Subramanyam Dogiparthi… Dream girl హేమమాలిని అందమైన నాట్యం చేసిన రెండవ తెలుగు సినిమా 1971 లో వచ్చిన ఈ శ్రీకృష్ణ విజయం . నరకాసుర వధ అయ్యాక కృష్ణ సత్యభామలకు గౌరవార్థం ఏర్పాటు చేసిన ఇంద్ర సభలో రంభగా జోహారు శిఖిపించ మౌళీ అనే అద్భుతమైన పాటకు చక్కటి నాట్యం చేస్తుంది . మన పౌరాణిక సినిమాలలో సందు చిక్కితే చాలు ; ఇంద్ర సభ , నృత్యాలు . ఇంద్రుడికి మరో పని లేదన్నట్లుగా …

పౌరాణిక బ్రహ్మ కమలాకర కామేశ్వరరావు దర్శకత్వం వహించినా, NTR , SVR వంటి హేమాహేమీలు నటించినా, సినిమా ఫ్లాప్ అయింది . కారణం నిర్మాత M.S.రెడ్డియే … కధ , స్క్రీన్ ప్లే ఆయనవే … ఏ పురాణం నుండి ఈ కధను పట్టుకొచ్చారో కానీ , జనానికి ఎక్కలేదు . కృష్ణుడికి తొమ్మిదో భార్య వసుంధరను తెలుగు ప్రేక్షకులు ఆమోదించలేదు . అలానే , కాలయవనుడు , మహోదరుడు , పౌండ్రక వాసుదేవుడు పాత్రలు , వారి కధా ప్రేక్షకులకు తెలియకపోవటం కూడా కారణాలు అయిఉంటాయి . SVR ఈ సినిమాలో కూడా కాలయవనుడు , మహోదరుడు రెండు పాత్రల్లో నటించారు …

పౌరాణిక సినిమాలో కూడా జానపద సినిమాల్లాగా NTR కు మారువేషాలు , మారువేషంలో విలన్ని టీజ్ చేసే హీరోహీరోయిన్ల పాటలు అతకలేదు . సినిమా అందంగా ఉంటుంది , పాటలు బాగుంటాయి , NTR , SVR , నాగభూషణం , పద్మనాభం , కాంతారావు , అల్లు రామలింగయ్య , జయలలిత , దేవిక , జమున వంటి హేమాహేమీలందరూ పాత్రోచితంగా చక్కగా నటించారు , నృత్యాలు బాగుంటాయి . అయినా కమర్షియల్ డిజాస్టర్ . కేవలం కధ , స్క్రీన్ ప్లే కారణాలు అని నా అభిప్రాయం .

జయహే నవనీల మేఘశ్యామా , జేజేల తల్లికి జేజేలు మా గౌరమ్మ పెళ్ళికి బాజాలు , పిల్లనగ్రోవి పిలుపు మెలమెల్లన రేపెను వలపు , అనరాదే బాలా కాదనరాదే బేల , నా జీవితమూ నీకంకితమూ , నీవైనా చెప్పవె మురళీ , హాయి హాయి హాయి ఏమిటో ఈ హాయి పాటలు చాలా శ్రావ్యంగా ఉంటాయి . పద్యాలు కూడా బాగుంటాయి . పెండ్యాల వారి సంగీత దర్శకత్వంలో ఎలాంటి పొరపాటు లేదు … (ఇష్టమొచ్చినట్టు పురాణాల్ని మార్చేయడం ఆనాటి నుంచీ ఉన్నదన్నమాట)… 

అయినను పోయి రావలె హస్తినకు అన్నట్లు , ఈ సినిమా ఫ్లాప్ సినిమా అయినా చూడాల్సిందే . అంత అందంగా ఉంటుంది . జయలలిత నృత్యాలు కాస్త పౌరాణిక బాణిలో ఉండకపోయినా కూడా బాగుంటాయి . Enjoyable . ఇంతకుముందు చూసి ఉండకపోతే , యూట్యూబులో ఉంది . వాచ్ లిస్టులో పెట్టేసుకొండి . కాలేజీ రోజుల్లో మా నరసరావుపేటలో వెంకటేశ్వర పిక్చర్ పేలసులో చూసా . తర్వాత టి విలో కూడా చూసా . #తెలుగుసినిమాలసింహావలోకనం #తెలుగుసినిమాలు

Ads

Share this Article



Advertisement

Search On Site

Latest Articles

  • వేకువజామున వెన్నెల మరకలుగా… ఆహా… మేఘమా- దేహమా పాట నేటికీ క్లాసిక్…
  • నిమ్మకాయ గూఢచర్యం… ఓ ప్రపంచ యుద్ధం…
  • గుండె తడిని తాకే పాట..! మంగళంపల్లి నోట ఓ మాయల దెయ్యం..!
  • రాజేంద్రప్రసాద్ హౌజ్ హజ్జెండ్…! బోలెడు పాత్రలున్నా ఆ కారే హీరో..!
  • కాళ్లు బొబ్బలెక్కినా… ఆగకుండా 9 రోజులపాటు నర్తిస్తూనే…
  • కల్వకుండా చేసే కేసీయార్ కాదు… కల్వకుండా చేసే రేవంత్ రెడ్డి..!!
  • సన్నబియ్యం అంటేనే హెచ్ఎంటీ… దీని వెనుక ముద్దదిగని ఓ కథ…
  • ఓ డాక్టరమ్మ జీవన వీలునామా..! ఆఖరి క్షణాల్లో ప్రశాంతంగా పోనివ్వండి..!
  • తత్వబోధ..! ఆమె ఓ సాదాసీదా సేల్స్ గరల్ కాదని ఆలస్యంగా అర్థమైంది..!!
  • మోడీపై అగ్గిమండుతున్న ట్రంపు… దేనికి..? విస్తుపోయే వివరాలివి..!!

Archives

Copyright © 2025 · Muchata.com · Technology Management by CultNerds IT Solutions