నిజమేనా..? చిరంజీవి మరీ అలా బిహేవ్ చేశాడా..? ప్రోమో చూస్తేనేమో…!!

ఏమో మరి… తాజా ప్రోమో చూస్తే అలా ఏమీ అనిపించలేదు… ఆహా తెలుగు ఇండియన్ ఐడల్ ఫినాలేకు వెళ్లిన చిరంజీవి అక్కడి హోస్ట్ శ్రీరాంచంద్ర ఏదో ప్రొడక్ట్ పేరు కరెక్టుగా ఉచ్చరించక, టేక్ అడిగితే, కోపంతో చిరంజీవి విసురుగా ఆ షూటింగ్ నుంచి వెళ్లిపోయాడు అని వార్తలు… ఎడాపెడా రాసేశారు చాలామంది… కరెక్ట్ కావద్దని ఏమీ లేదు… తనూ మనిషే కదా… రాగద్వేషాలు, కోపతాపాలు ఉండకూడదని ఏముంది..? కానీ..?

• అది తన సొంత బావమరిది, తన కేవీపీ అల్లు అరవింద్ సొంత ఓటీటీ… తనెందుకు రప్చర్ చేస్తాడు..?
• నిజానికి మొదట్లో బాలయ్యను పిలిచి ఈ షోను వైండప్ చేయాలని అనుకున్నారు… థమన్ బాలయ్య ఫ్యాన్… కానీ చిరంజీవి క్యాంపు నుంచి ఏదో వ్యతిరేకత వచ్చేసరికి, బాలయ్య ఎపిసోడ్‌ను సెమీ ఫైనల్‌ చేసేసి, మరో వారం పొడిగించి, చిరంజీవిని ఫినాలేకు చీఫ్ గెస్టుగా ప్లాన్ చేశారు… బాలయ్య తన ఎపిసోడ్‌లో నిజంగా జీవించాడు… తన మాటల తీరు, స్పాంటేనియస్ చెణుకులతో రక్తికట్టించాడు… కొత్త బాలయ్య కనిపించాడు… అలాంటప్పుడు ఫినాలేను చిరంజీవి ఎందుకు దానికి భిన్నంగా చెడగొడతాడు..?

• చిరంజీవి బహిరంగ వేదికలపై చాలా హుందాగా ఉంటాడు… కోపం వచ్చినా సరే అణుచుకుంటాడు తప్ప ప్రదర్శించడు అక్కడ… (మరీ నిజమే అయిన పక్షంలో షూటింగ్ పూర్తయింతర్వాత అల్లు అరవింద్‌ మీద బ్యాటింగ్ జరిగి ఉంటుంది…) మాట తీరు కూడా పద్ధతిగా ఉంటుంది… సో, హోస్ట్ ఏదో తప్పు చేస్తే, అదే అదునుగా కోపంలో విసురుగా షూటింగ్ నుంచి వెళ్లిపోవడం ఉండకపోవచ్చు…
• ప్రోమో చూస్తే తను సరదాగా కంటెస్టెంట్లతో గడిపినట్టు కనిపిస్తోంది… విజేత పేరును ప్రకటించి, షీల్డ్ ఇచ్చినట్టు కూడా అనిపిస్తోంది… మరి వెళ్లిపోవడం నిజమేనా..? ఒకవేళ వెళ్లిపోయాక మళ్లీ వస్తాడా అసలు తను..?
• చిరంజీవి కోసం చాలామంది డాన్సర్లను పెట్టారు… డాన్సులు చేయించారు… ఫుల్లు హంగామా క్రియేట్ చేశారు, అవన్నీ చూసి కూడా చిరంజీవి మరీ మెచ్యూరిటీ లేని ఎవరో కుర్ర హీరోలాగా బిహేవ్ చేస్తాడా…? నమ్మబుల్‌గా లేదు…

ఈ షోకు కంటెస్టెంట్ల తల్లిదండ్రులు, బంధుగణం, కుటుంబసభ్యులను పిలిచారు… అంతేకాదు, విరాటపర్వం ప్రమోషన్ కోసం సాయిపల్లవి, రానా కూడా వచ్చి కూర్చున్నారు… ఆ స్థితిలో చిరంజీవి వంటి బ్యాలెన్స్‌డ్ వెటరన్ హీరో అలా వ్యవహరించి ఉండకపోవచ్చు బహుశా… చాలా సందడిగా ఈ ఫినాలేను ప్లాన్ చేసినట్టుగా కనిపిస్తూనే ఉంది…

థమన్ డ్రమ్స్ వాయిస్తూ ఉంటే, కార్తీక్ పాట పాడుతున్నాడు… అయిదుగురు ఫైనలిస్టులు చిరంజీవి పాటల్ని పాడుతున్నారు… ధైర్యంగా నిత్యా మేనన్ కూడా ఏదో పాట పాడినట్టుగా కనిపిస్తోంది… మరెందుకు చిరంజీవి మీద ఈ ప్రచారం జరుగుతోంది..? కాస్తో కూస్తో ఈమధ్య పద్దతిగా నిర్వహించిన మ్యూజికల్ కంపిటీషన్ ఇదే… దాన్ని చిరంజీవి ఏదో రప్చర్ చేసినట్టుగా ఎందుకు చెబుతున్నారు ఇలా… ఎహె, నిజమేనండి… చిరంజీవి ఫైరయిపోయి, అక్కడి నుంచి వెళ్లిపోయాడు అనేదే నిజమైతే… ఫాఫం చిరంజీవి… అంతే…!!