.
BRICS 2024 – ట్రంప్ ముందు ఉన్న సవాలు! PART 2
బ్రిక్స్ లోకి కొత్త దేశాల చేరికతో పాటు మరో 20 దేశాలు బ్రిక్స్ లో చేరడానికి సిద్ధంగా ఉన్నట్లు తెలుస్తున్నది. ముఖ్యంగా వియత్నాం, ఇండోనేషియా, మలేషియా దేశాలు బ్రిక్స్ లో చేరడానికి ఆసక్తి చూపుతున్నాయి.
Ads
ఇప్పుడు బ్రిక్స్ శక్తి ఎంత?
ప్రపంచ జనాభాలో 45% బ్రిక్స్ దేశాలలో ఉంది
ప్రపంచ GDP లో 27 % బ్రిక్స్ దేశాల సొంతం.
ప్రపంచంలో ఉన్న భూభాగం లో 30% బ్రిక్స్ దేశాలలో ఉంది.
అఫ్కోర్స్! G7 దేశాల కన్నా ఎక్కువే!
********
భారత్ – చైనాల మధ్య సరిహద్దు వివాదం ముగిసినట్లేనా?
తాత్కాలికంగా ముగిసినట్లే!
బ్రిక్స్ దేశాల సమావేశానికి నెల ముందు NSA చీఫ్ అజిత్ దోవల్ మాస్కో వెళ్లి పుతిన్ తో చర్చలు జరిపి వచ్చారు.
తరువాత బ్రిక్స్ దేశాల విదేశాంగ శాఖ మంత్రుల సమావేశం కూడా రష్యా లో జరిగింది!
కాజాన్ లో బ్రిక్స్ సమావేశంలో మోడీ, జింగ్ పింగ్ లు సమావేశం అయి చర్చలు జరిపారు!
2020 కి ముందు లాడాక్ దగ్గర భారత, చైనా దేశాల సైన్యం ఎక్కడ ఉండేవో అక్కడికి తిరిగి వెళ్లిపోయాయి!
రష్యాలో అజిత్ దోవల్, జైశంకర్ గార్ల పర్యటన తరువాతే జింగ్ పింగ్ దిగి వచ్చాడు!
అసలు అంతకు ముందు ఏం జరిగింది?
ఎందుకు హఠాత్తుగా చైనా లాడాక్ నుండి వెనక్కి వెళ్ళిపోయింది?
అసలు కారణం సిరియాలో ఉంది..
అక్టోబర్ మొదటివారంలో ఇజ్రాయేల్ సైన్యం లేబనాన్ లోకి వెళ్లి దాడులు చేయడం మొదలుపెట్టి ఒక్కో హెఙబొల్లా స్థావరాన్ని నాశనం చేసుకుంటూ ముందుకు వెళ్తున్న తరుణంలో వెనక నుండి హెఙబొల్లా దళాలు మెరుపు దాడి చేసి 15 మంది IDF సైనికులని చంపేశారు.
తాము నాశనం చేసిన స్థావరంలో హెఙబొల్లాకి చెందిన వాళ్ళు ఎవరూ ప్రాణాలతో లేరు. అంతా చెక్ చేశాక కదా ముందుకి వెళ్ళింది? IDF వెనక్కి వచ్చి సెర్చ్ చేయగా ఒక భూగర్భ బంకర్ కనిపించింది. ఆ భూగర్భ బంకర్ నేరుగా ఒక సొరంగంలోకి దారి తీసి అది నేరుగా సిరియా దేశంలోకి వెళ్ళింది!
సిరియా దేశంలోని కొన్ని ఆయుధ డిపోల వరకు సొరంగ మార్గం తవ్వారు హెఙబొల్లా ఉగ్రవాదులు.
IDF వెంటనే సిరియా భూభాగంలోకి ప్రవేశించి హెఙబొల్లా ఆయుధ డిపో లమీద దాడులు చేసింది విమానాల ద్వారా!
అయితే హెజబొల్లా కి ఆయుధాలు అందుతున్నది మధ్యధరా సముద్రం ద్వారా రష్యా నౌకలతో. ఆయుధాలలో రష్యన్ తయారీ యాంటి టాంక్ మిసైల్స్ కూడా ఉన్నాయి. IDF రష్యన్ ఆయుధ డిపోల మీద కూడా తీవ్ర దాడులు చేసింది లెక్కచేయకుండా. ఒక S-400 ఎయిర్ డిఫెన్స్ సిస్టమ్ కూడా అదే ఆయుధ డిపోలకి దగ్గరలోనే ఉంది కానీ ఇజ్రాయేల్ లెక్కచేయలేదు!
ఆనాటి దాడులలో సిరియా అధ్యక్షుడు అల్ బషర్ తమ్ముడు మహేర్ అల్ అసద్ చనిపోయాడు. దాంతో అమెరికా ఇజ్రాయేల్ లు కలిసి సిరియా మీద దాడులు తీవ్రతరం చేసి బషర్ అల్ అసద్ ని దింపేసి తిరుగుబాటు దారుల మద్దతుతో తమకిష్టమైన ప్రభుత్వాన్ని ఏర్పాటు చేసే ఆలోచనలో ఉన్నట్లుగా భావించారు.
ముందు సిరియాని తమ అధీనంలోకి తీసుకొని తరువాత ఇరాన్, బంగ్లాదేశ్ పని కానిద్దాము అనేది మరో ప్లాన్.
పుతిన్ ప్రస్తుతం సిరియా రక్షణ కోసం తన సైన్యాన్ని తరలించలేడు! అలా అని మరిన్ని S400 లని మొహరించలేడు!
ఇక లడాక్ దగ్గర భారత్ 50 వేలమంది, చైనా 70 వేల మంది సైన్యాన్ని మొహరించి ఉన్నాయి గత నాలుగేళ్లుగా!
So! ఇటు భారత్ కి అటు చైనాకి సంధి అనివార్యం!
అందుకే కజాన్ వేదికగా సంధి కుదిరింది తాత్కాలికంగా!
చైనాని నమ్మవచ్చా?
అస్సలు నమ్మలేం! ఇది తాత్కాలిక ఉపశమనం మాత్రమే!
లడాక్ దగ్గర మొహరించిన సైన్యాన్ని తిరిగి పాకిస్థాన్ సరిహద్దుల దగ్గరికి తరలించారు.
మరి చైనా ఎందుకు ఒప్పుకున్నది?
బలూచిస్థాన్ రివల్యూషనరీ ఆర్మీ గ్వదార్ పోర్టు మీద తరుచూ దాడులు చేస్తున్నా పాకిస్తాన్ ఆర్మీ సరిగా ఎదుర్కొలేక పోతున్నది దాంతో చైనా తన ఆర్మీని గ్వదార్ పోర్టుకి రక్షణగా పంపించింది!
చైనా పాకిస్థాన్ ని దూరం పెట్టేసింది. బంగ్లాదేశ్ విషయంలో CIA తో కలిసి పనిచేస్తుండడం ప్రధాన కారణం!
ఫిలిప్పైన్స్ లాగా భారత్ చైనాకి భయపడదు! చైనా యుద్ధం చేయదు, భయపెడుతుంది కానీ భారత్ భయపడదు.
అనవసర ఖర్చు కదా!
అందుకే టర్కి, పాకిస్థాన్ ల అప్లికిషన్స్ ని భారత్ వ్యతిరేకించినా చైనా కిమ్మనలేదు.
చైనాకి వాణిజ్య పరమైన లాభాలు కావాలి, అవి ప్రస్తుతం పాకిస్థాన్ దగ్గర లేవు.
భారత్ తో అలా కాదు. లడాక్ నుండి చైనా తన సైన్యాన్ని వెనక్కి తీసుకున్న తరువాత చైనా నుండి దిగుమతులు పెరుగుతూ వస్తున్నాయి.
*********
డెమోలు అధికారం కోల్పోయారు. ట్రంప్ అధికారంలోకి వచ్చాడు. ఇక సిరియా, బంగ్లాదేశ్ ప్లాన్ అటక ఎక్కినట్లేనా?
ట్రంప్ ఎదుర్కునే సవాలు పెద్దదే!
అది బ్రిక్స్ కరెన్సీ!
Contd…part 3…… (పొట్లూరి పార్థసారథి)
Share this Article