ముందే చెప్పాను కదా… మల్లెమాల శ్యాంరెడ్డి సుధీర్‌కు గేటు చూపించేశాడు…

అదే కదా మరి… నేను చాలారోజులైంది కదా చెప్పి… ఈటీవీ ఢీ షో నుంచి సుధీర్ ఔట్… రష్మి ఔట్… దీపిక పిల్లి ఔట్… పూర్ణ ఔట్… అనే కదా చెప్పింది… అదే జరిగింది… బిగ్‌బాస్ గత సీజన్ రన్నరప్ అఖిల్ సార్థక్‌ను తీసుకొచ్చి, సుధీర్ ప్లేసులో పెట్టారు… హహహ… ఈటీవీ వాళ్ల బుర్రలకు నమోనమః… మల్లెమాల బుర్రలకు మహానమోనమః… నేను ముందు చెప్పిందే నిజం… మల్లెమాల డైరెక్టర్ల కొట్లాటలో చివరకు మునిగిపోబోయేది మల్లెమాలే… సరే, సుధీర్ కాకపోతే మరొకరు… వ్యక్తులు వస్తుంటారు, పోతుంటారు, మల్లెమాల అల్టిమేట్, ఈటీవీ ఉన్నన్నాళ్లూ ఉంటాం అనే ధీమా కావచ్చులెండి… అన్నట్టు, చిరంజీవితో అంజి సినిమా తీసింది ఆయనే కదా..! ఓసారి ‘ముచ్చట’ స్టోరీ వీలయితే ఈ లింకులో చదవండి…

ఢీ నుంచి సుధీర్, రష్మి ఔట్..? ఓహో, మొత్తానికే పొగబెడుతున్నారా…!!

తాజాగా పద్నాలుగో సీజన్ స్టార్టవుతోంది… ప్రొమో రిలీజ్ చేశారు… ఎస్, అందులో సుధీర్ లేడు, రష్మి లేదు, పూర్ణ లేదు, దీపిక పిల్లి లేదు… అసలు ఢీ షోలోకి నడమంత్రంగా వచ్చిన ఆది అలాగే ఉన్నాడు, ఆ షో ఆస్థాన ప్రయోక్త ప్రదీప్ అలాగే ఉన్నాడు, పర్మినెంట్ జడ్జి ప్రియమణి అలాగే ఉంది… ఎటొచ్చీ శేఖర్ మాస్టర్‌తో మళ్లీ ‘టరమ్స్’ కుదరనట్టున్నయ్, తను రాలేదు, కొత్త సీజన్ టీంలో చేరలేదు… అచ్చం గణేష్ మాస్టర్‌లాగే కనిపించే ఒకాయన జడ్జి స్థానంలో కూర్చున్నాడు… ఈసారి చాంపియన్స్, లేడీస్, జూనియర్స్, జోడి అనే నాలుగు కేటగిరీలను కలగలిపేసి మరీ మిక్స్ కొట్టబోతున్నారు… వీళ్లలో ప్రస్తుతానికి జూనియర్స్‌కు అఖిల్ సార్థక్ టీం లీడర్ అట… అంటే రేపోమాపో సుధీర్‌తో గనుక ఇష్యూస్ సెటిలైతే మళ్లీ పట్టుకొచ్చి వేదిక ఎక్కిస్తారన్నమాట… తను వస్తే రష్మి కూడా వస్తుందన్నమాట…

పూర్ణకు సినిమాల్లో చాన్సులు పెరిగాయి, బహుశా ఆమె టైం ఇవ్వలేకపోవచ్చు, ఐనా జడ్జిగా మరొకరు వచ్చినా పెద్ద ఫరక్ పడదు… అక్కడంతా నిజానికి ప్రియమణి షోయే… మరి సుధీర్ రాలేదు అనుకొండి, అప్పుడేంటి..? ఇదే అఖిల్ సార్థక్ ఆ ప్లేసును నిజంగా భర్తీ చేయగలడా..? ఏమోలెండి, రాబోయే టీఆర్పీలు చెబుతాయిగా, మల్లెమాల చూసుకుంటాడు కదా… అవునూ, జీతెలుగు, స్టార్‌మా క్రియేటివ్ టీమ్స్ పనిచేస్తున్నాయా..? ఇన్నాళ్లూ రియాలిటీ షోలలో ఎదురులేకుండా ఉన్న ఈటీవీకి షాక్ ఇవ్వడానికి ఓ బంగారు చాన్స్ కనిపిస్తోంది… అవునూ, కనిపిస్తోందా..?! ఐనా మనకెందుకులెండి..!! చెప్పలేం, అసలే సుధీర్ మీద అగ్గి ఫైరవుతున్న విష్ణుప్రియ, శ్రీముఖిల్లో ఎవరైనా ఈ ఢీ షోలోకి వస్తారేమో… ఏమో…!! లేదా ఈ ప్రభావం జబర్దస్త్ దాకా, శ్రీదేవి డ్రామా కంపెనీ దాకా పాకొచ్చేమో..!!